كۇدىكتى 2021 جىلدىڭ تامىز ايىنان قاراشاعا دەيىن WhatsApp الەۋمەتتىك جەلىسىندە تانىستارى مەن دوستارىنىڭ ورتاق توبىن قۇرىپ, وندا اقشالاي قاراجاتتى 100 پايىز وسىممەن ينۆەستيتسيالاۋدى ۇسىنعان.
جاڭا كليەنتتەردى «ۇزىنقۇلاق» كومەگىمەن تاۋىپ وتىرعان, جازىلۋشىلار تانىستارىن چاتقا قوسىپ وتىردى. الدانعان ازاماتتار 20 مىڭ تەڭگەدەن باستالاتىن سوماداعى اقشانى «ينۆەستيتسيالاعان», جالپى سوما شامامەن 8 ملن تەڭگەنى قۇرادى. كۇدىكتى قولعا تۇسىرگەن اقشانى جۇمساپ تاستاعان. الاياق ەر ادام جەدەل الدىن الۋ شاراسى بارىسىندا ۇستالدى. قازىرگى كەزدە وعان قاتىستى قر قىلمىستىق كودەكسىنىڭ 190-بابى, 3-بولىمىمەن (الاياقتىق) سوت الدىنداعى تەرگەپ-تەكسەرۋ امالدارى جۇرگىزىلۋدە.
ۇستالعان ەر ادامنىڭ 2015 جىلى وسىعان ۇقساس قىلمىس جاساعانى ءۇشىن سوتتالعانى انىقتالدى. نۇر-سۇلتان قالاسىنىڭ پوليتسيا دەپارتامەنتى ازاماتتاردى قىراعى بولىپ, جەلىدەگى الاياقتارعا سەنىم بىلدىرمەۋگە كەڭەس بەرەدى.
«ينتەرنەت ارقىلى اقشانى كوبەيتۋ اكتسياسىنا قاتىسپاڭىزدار. الاياقتار پايدالانۋشىلارعا ءتيىمدى ءارى ۇتىلۋسىز ۇسىنىستار جاسايدى. اقشانى وڭاي اينالدىرۋ بويىنشا كۇدىكتى جوبالارعا ينۆەستيتسيالاماعان ءجون» دەپ ەسكەرتەدى پوليتسيا.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/elordada-internet-arkyly-zhenil-aksha-tabudy-uade-etken-alayak-ustaldy_a3873298
