ومىرتقا مەن ج ۇلىن جاراقاتى

تاراز قالاسىندا وعان العاش رەت وتا جاسالدى تاراز قالاسىنىڭ № 1 قالا­لىق اۋرۋحاناسىنىڭ نەيروحيرۋرگيا بولىمشەسىندە استانا قا­لا­سىنىڭ رەسپۋبليكالىق نەي­رو­حيرۋرگيا ورتالىعىنىڭ عى­لى­­مي قىزمەتكەرى, مەديتسي­نا عى­لىمدارىنىڭ كانديداتى ۆيك­تور ولەينيكوۆتىڭ باسشى­لى­عى­مەن «شەبەرلىك سىنىبى» ءوتتى. ول مۇن­دا ومىرتقا سىنىعى جانە جۇ­لىننىڭ اۋىر جاراقاتتارىنا وتا جاسادى. جامبىل وبلىسىندا ال­عاش رەت جاسالىپ وتىرعان بۇل كۇر­دە­­لى وتا ءۇشىن جوعارى تەحنو­لو­گيا­­­­لىق مەتالل كونسترۋكتسيا مەن ارنايى قۇرىلعىلار قول­­دانىل­­­دى. نەيروحيرۋرگيا ءبولىم­شە­­­سىنىڭ مەڭگەرۋشىسى باحىتجان دوس­­جانوۆتىڭ ايتۋىنشا, بۇگىندە ومىرت­قا جاراقاتى الەمدىك مەدي­تسي­­نانىڭ كوكەيكەستى ماسەلەلەرىنىڭ ءبى­رى­­نە اينالعان. جىل سايىن №1 قا­­لالىق اۋرۋحانانىڭ نەيروحي­رۋر­گيا بولىمشەسىنە 40-50 ادام ومىرت­قانىڭ ءتۇرلى زاقىمدانۋى سال­دارىنان كەلىپ تۇسەدى. ولار ۇزاق ۋا­قىت توسەك تارتىپ جاتادى جانە ءارتۇرلى توپتاعى مۇگەدەك بولىپ قالادى. ومىرتقاعا جاسالاتىن وتالار كۇردەلى جانە ونىڭ باعاسى دا قىمبات. بۇرىن مۇنداي وتالاردى جاساۋ ءۇشىن وبلىستا قاجەتتى قۇرال-جابدىقتار بولماعاندىقتان, ناۋقاستار الماتى مەن استانا قالالارىنداعى نەيروحيرۋرگيالىق ورتالىقتارعا جىبەرىلەتىن. ەندى مۇنداي وتالار وبلىستىڭ وزىندە جاسالاتىن بولدى. ەڭ باستىسى, وتالىق ارالاسۋلار بەل ومىرتقاسىنان جاراقات ال­عانداردىڭ ەرتەرەك ساۋىعىپ كەتۋىنە, ءسويتىپ, ەڭبەك ەتۋ قابى­لە­تى­نىڭ قايتا قالپىنا كەلۋىنە ءجا­نە ولاردىڭ مۇگەدەكتىك بولىپ قالماۋىنا مۇمكىندىك بەرەدى. كوسەمالى ساتتىباي ۇلى, «ەگەمەن قازاقستان».  جامبىل وبلىسى.