قوعام • 27 قازان، 2021

قىزىل تولقۇجاتتى «قيماي» جۇرگەندەر بار ەكەن

65 رەت كورسەتىلدى

ەلىمىزدە مارتەبەسى رەتتەلمەگەن جانە جەكە باسىن كۋالاندىراتىن قۇجاتسىز جۇرگەن ازاماتتاردى انىقتاۋ بويىنشا اكتسيا ءجۇرىپ جاتىر. اكتسيا اياسىندا رەسپۋبليكا بويىنشا 6 مىڭنان اسا قۇجاتسىز جۇرگەن ازامات انىقتالىپ، ولاردىڭ كوپشىلىگىنە وزدەرىنە ءتيىستى جەكە باسىن كۋالاندىراتىن قۇجات تابىستالعان. بۇل تۋرالى قىزىلورداداعى وڭىرلىك كوممۋنيكاتسيالار قىزمەتىندە وتكەن بريفينگتە ءىىم كوشى-قون قىزمەتى كوميتەتىنىڭ ازاماتتىق، يمميگراتسيا جانە ەميگراتسيا باسقارماسىنىڭ باستىعى عاني شىمىرباەۆ مالىمدەدى.

– جەكە باسىن كۋالاندىراتىن قۇ­جاتتىڭ بولماۋى ازاماتتىڭ كون­ستي­تۋتسيالىق قۇقىقتارى مەن زاڭدى مۇد­دە­لەرىن ىسكە اسىرۋىن شەكتەيتىنىن بىلەسىزدەر. ولار جاردەماقى نەمەسە باسقا دا الەۋمەتتىك كومەكتەر الۋدى دا راسىمدەي المايدى. ءبىلىم الۋ جانە دەنساۋلىق ساقتاۋ قىزمەتتەرىن پاي­دالانۋدا كوپ قيىندىق تارتادى. سول سەبەپتى اكتسيا شەڭبەرىندە جەكە باسىن كۋالاندىراتىن قۇجاتى جوق تۇلعالارعا ءتيىستى كومەكتەر كورسەتىلۋدە. قۇجاتى جوقتاردىڭ كوپشىلىگى الماتى، تۇركىستان، جامبىل وبلىستارى مەن شىمكەنت قالاسىندا تىركەلىپ وتىر. ىشكى ىستەر مينيسترلىگى جۇرگىزىلىپ جاتقان اكتسيا 2022 جىلدىڭ مامىر ايىنا دەيىن جالعاسادى، – دەدى عاني شىمىرباەۆ.

بريفينگتە ادام قۇقىقتارى جانە زاڭدىلىقتى ساقتاۋ جونىندەگى قازاقستان حالىقارالىق بيۋروسى ديرەكتورىنىڭ ورىنباسارى دەنيس دجيۆاگا وسى باعىتتا بيۋرو اتقارىپ جاتقان جۇمىستار جايلى ايتىپ ءوتتى.

قىزىلوردا وبلىستىق پوليتسيا دەپارتامەنتى كوشى-قون قىزمەتى باس­قار­ماسى باستىعىنىڭ ورىنباسارى ساعىندىق قاميتبەكوۆتىڭ ايتۋىنشا، وبلىستا 26 ادامنىڭ ەسكى ۇلگىدەگى قۇجاتپەن جۇرگەنى بەلگىلى بولعان. قا­زاقستان ازاماتتىلىعىنا ءتيىستى ەكەنى انىقتالعاننان كەيىن ولارعا جەكە باس قۇجاتتارى بەرىلدى. ودان بولەك، وسى جىلى وبلىس بويىنشا 34 شەتەلدىك تۇراقتى تۇرۋعا قالدىرىلعان.

 

قىزىلوردا

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار