ايماقتار • 25 قازان، 2021

جاستار جاردەمى

67 رەت كورسەتىلدى

قىزىلورداداعى «وبلىستىق جاستار رەسۋرستىق ورتالىعى» مۇشەلەرى بيىل جۇرتقا جاردەم كورسە­تىپ، يگىلىكتى ىستەردىڭ باسىندا ءجۇردى. وسى جىلعى 1 ناۋرىز – العىس ايتۋ كۇنىندە وتكەن بري­فينگتە وبلىس اكىمى گۇلشارا ابدىقالىقوۆا كاسىپ­ورىندار مەن ۇجىمداردى، جەكە ادامداردى جاق­سى­لىق جاساۋعا جۇمىلدىرۋدىڭ ماڭىزىن اتاپ ءوتىپ، سىر­بو­يىلىقتاردى «قايىرىمدى ىستەر مارافونى» جالپى­ۇلتتىق جوباسىنا ۇلەس قوسۋعا شاقىرعان ەدى.

ەلىمىز ءۇشىن دە ۇلكەن سىناققا اينالعان پاندەميا كەزىندە قينالعان جۇرتقا جاردەم جاساۋعا ۇمتىلعان سىر جاستارى ايماق باسشىسىنىڭ شاقىرۋىنا ءۇن قوسىپ، وبلىستىق ىشكى ساياسات باسقارماسىنىڭ «جاستار رەسۋرستىق ورتالىعى» مەن ونىڭ جا­نىن­داعى ەرىكتىلەر فرونت-ءوفيسى «قىزىلوردا تازا­لىعى» مەكەمەسىنىڭ 25 جۇمىسشىسىنا ازىق-ت ۇلىك، 1 وتباسىنا تۇرمىسقا قاجەتتى جيhاز جەتكىزىپ بەردى. ولاردان بولەك الەۋمەتتىك تۇرمىسى تومەن 10 وتباسىنا كومەك كورسەتتى.

وبلىس ورتالىعىنداعى «باقىتتى وتباسى» ورتالىعى مەن ەرىكتىلەر فرونت-ءوفيسى جاستارى حالىقارالىق ايەلدەر كۇنى مەرەكەسىنە وراي 1000 وتباسىنا ازىق-ت ۇلىك سەبەتىن ۇلەستىردى.

سىردارياداعى سۋ تاپشىلىعى سالدارىنان بيىل ءوڭىردى قۋاڭشىلىق جايلاعانى بەلگىلى. ونىڭ زاردابى اسىرەسە ارال اۋدانىندا قاتتى سەزىلىپ، ءتورت ت ۇلىكپەن كۇن كورىپ وتىرعان اۋىلداعى اعايىننىڭ ءبىراز مالى شىعىن بولدى. وسىعان وراي «وبلىستىق جاستار رەسۋرستىق ورتالىعى» بارلىق سالاداعى جاستارمەن بىرلەسىپ، «جاستاردان جاردەم» اتتى اكتسيا جاريالاپ، ايماق تۇرعىندارىنا، كاسىپكەرلەر­گە، ەرىكتىلەرگە ۇندەۋ جولدادى. ۇندەۋگە ءۇن قوس­قان جاس­تار جاردەمىمەن ارال اۋدانىنا 7 500 بۋما ءشوپ جەتكىزىلدى.

«وبلىستىق جاستار رەسۋرستىق ورتالىعى» ج­ا­نىن­داعى ەرىكتىلەر فرونت-ءوفيسىنىڭ ۇيىمداس­تى­رۋىمەن تۇراقتى تۇردە «دونور بول»، ء«ومىردى ساق­تا» اتتى قان بەرۋ اكتسيالارى وتكىزىلىپ، وعان سالا ماماندارى، قۇقىق قورعاۋ قىزمەتكەرلەرى ۇلەس قوس­تى. ەرىكتىلەر رەسپۋبليكا كولەمىندە اتالىپ وتكەن ء«وز ەلىمىزدە ءىز قالدىرماي Sayahattime» اتتى ەكولوگيالىق اكتسيادان دا شەت قالمادى. ۆولون­تەرلەر باستاماسىنا «جاسىل ەل» جاستار جاساعى، «اي-قانات» جاستار قوعامدىق بىرلەستىگى مۇشەلەرى، قالا تۇرعىندارى قولداۋ كورسەتتى.

جاقسىلىق جاساۋعا ۇمتىلعان جاستارعا «ابزال جانە ك» تس، «باستاۋ-S» جشس، BIALI Sport دۇ­كەنى، Esperanza كافەسى جانە «اۋىل بازارى» اۋىل شارۋاشىلىعى ونىمدەرى دۇكەنى دەمەۋشىلىك تانىتتى.

 

قىزىلوردا

سوڭعى جاڭالىقتار

ۇقساس جاڭالىقتار