ساپارلار ماقساتى – ءتۇسىندىرۋ

پارلامەنت سەناتىنىڭ دەپۋتاتى, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ مۇشەسى قۋانىش ايتاحانوۆ وڭتۇستىك قازاقستان وبلىسىندا جۇمىس بابىنداعى ساپارمەن بولدى. ساپار بارىسىندا سەناتور ارىس قالاسى مەن قازىعۇرت, ورداباسى, سايرام جانە تولەبي اۋداندارىنداعى ەكونوميكا, الەۋمەتتىك جانە مادەني سالالارداعى احۋالمەن تانىستى. ق.ايتاحانوۆ اۋىل تۇرعىندارىمەن, ءماسليحات دەپۋتاتتارىمەن, اۋدان ارداگەرلەرىمەن كەزدەسىپ, پرەزيدەنتتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋىندا بەلگىلەنگەن مىندەتتەردى جان-جاقتى ءتۇسىندىردى.   ەلباسىنىڭ «قازاقستان جولى-2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا ارناعان جولداۋىنىڭ تاريحي ماڭىزى جايلى سەناتور جابال ەرعاليەۆ اقمولا وبلىسىنىڭ جاقسى, ەسىل, جارقايىڭ اۋداندارىنا ساپارى كەزىندە حالىققا ءتۇسىندىردى. – ءبىز تاۋەلسىز ەلىمىزدىڭ ءححى عاسىرداعى باستى مىندەتتەرى مەن باعىت-باعدارىن ايقىنداپ الدىق. قازاقستان ءوز دامۋىنىڭ جاڭا كەزەڭىنە شىقتى, – دەدى سەناتور ءوز سوزىندە. – ەلباسى قازاقستاننىڭ 2050 جىلى الەمنىڭ اسا دامىعان 30 ەلىنىڭ قاتارىنا ەنۋ مىندەتىن قويا وتىرىپ, وسى بيىك مەجەگە قول جەتكىزۋدىڭ ناقتى قادامدارىن ايقىنداپ بەردى. ەلىمىزدە جۇرگىزىلە باستاعان يندۋستريالاندىرۋ باعدارلاماسىن ويداعىداي جۇزەگە اسىرۋ, ەل بىرلىگىن ساقتاۋ, ءبىلىم مەن عىلىمدى دامىتۋ سياقتى كەلەلى مىندەتتەر ءبىزدىڭ تابىسقا جەتۋىمىزدىڭ باستى كەپىلى. جەرگىلىكتى حالىق ەلباسىنىڭ ماڭگىلىك ەل بولۋ جايلى ايتقان اتالى سوزىنەن ۇلكەن اسەر العاندىعىن جانە بۇل ءبىزدىڭ حالقىمىزدىڭ ۇلى مۇراتى بولۋعا ءتيىستى ەكەندىگىن كوتەرىڭكى كوڭىل كۇيمەن جەتكىزدى.   پارلامەنت سەناتىنىڭ دەپۋتاتتارى لاززات تۇرلاشوۆ پەن نۇرلان سۇلەيمەنوۆ مەملەكەت باسشىسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىن حالىققا ءتۇسىندىرۋ ماقساتىندا جۇرتشىلىقپەن كەزدەسۋلەر وتكىزدى. سەناتورلار تالدىقورعان قالا­سىنىڭ اكىمى ەرمەك الپىسوۆتىڭ كەزەكتى ەسەپ بەرۋ جيىنىنا قاتىستى. شاراعا «اسپمك-519» حولدينگىنىڭ ونەركاسىپ ۇجىم­دارىنىڭ وكىلدەرى, سونداي-اق, يندۋستريالىق ايماقتىڭ ەڭ­بەك­شى­لە­رى قاتىستى.   پارلامەنت سەناتىنىڭ دەپۋتاتتارى جۇمابەك تورەگەلدينوۆ پەن ليۋدميلا پولتوراباتكو الماتى قالاسىنداعى تۇركسىب جانە بوستاندىق اۋداندارىنىڭ تۇرعىندارىمەن كەزدەستى. جينالعاندار قازاقستان پرە­زي­دەنتىنىڭ «قازاقستان جولى –­ 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋىنىڭ ەرەجەلەرىن جان-جاقتى تالقىلاعاننان كەيىن پارلامەنتتىڭ زاڭ شىعارۋ قىزمەتى تۋرالى پىكىر الماسىلدى. پرەزيدەنت جولداۋىنىڭ نەگىزگى ەرەجەلەرى جىلى شىرايدا وتكەن كەزدەسۋلەردە قاتىسۋشىلار تاراپىنان قىزۋ قولداۋ تاپتى. سونىمەن بىرگە, ج.تورەگەل­دي­نوۆ پەن ل.پولتوراباتكو الماتى قالالىق سوتىنىڭ توراعاسىمەن دە كەزدەسىپ, قىلمىستىق, قىلمىستىق-ءىس جۇرگىزۋ جانە سوت زاڭناماسىن جەتىلدىرۋ ماسەلەلەرىن تالقىلادى, دەپ حابارلادى سەناتتىڭ ءباسپاسوز قىزمەتى.   پارلامەنت ءماجىلىسىنىڭ دەپۋتاتى – «نۇر وتان» پارتيا­سى فراكتسياسىنىڭ مۇشەسى جەكسەنباي دۇيسەباەۆ اقمولا وبلىسىنىڭ ارشالى اۋدانىندا تۇرعىندارمەن كەزدەستى. حالىق قالاۋلىسى ەلدەگىلەرگە قازاقستان پرەزيدەنتى ن.ءا.نازار­باەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بو­لاشاق» اتتى حالىققا جولداۋى بويىنشا بايانداما جاساپ, ءتۇسىن­دىرۋ جۇمىستارىن جۇرگىزدى. دەپۋتات اۋدان ورتالىعىندا ازاماتتاردى جەكە ماسەلەلەرى بويىن­شا قابىلدادى.   پارلامەنت ءماجىلىسىنىڭ دەپۋتاتى مەيرام پىشەمباەۆ «پاۆلودار مۇناي-حيميا زاۋىتى» جشس مەن Rominserv SRL كوم­پانياسى بىرلەسىپ وتكىزگەن «پاۆلودار مۇناي-حيميا زاۋىتىن­ جاڭعىرتۋ»  جوباسىن جۇزەگە اسىرۋ كەزىندەگى قازاقستاندىق ۇلەس» تاقىرىبىنداعى وتىرىسقا قاتىستى. دەپۋتات پرەزيدەنت ن.ءا.نا­زار­باەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بو­لاشاق» اتتى قازاقستان حالقىنا جول­داۋىندا كورسەتىلگەن مەملەكەت پەن قوعام دامۋىنىڭ نەگىزگى باسىم باعىتتارى جونىندە ءسوز سويلەدى. سول كۇنى حالىق قالاۋ­لىسى «پمحز» جشس جۇمىس­كەرلەرىمەن كەزدەسىپ, ولارعا ەلباسى جولداۋى­نىڭ نەگىزگى قاعيداتتارىن ءتۇسىن­دىردى جانە زاۋىتتاعى دۋالدى ءبى­لىم بەرۋ جۇيەسىمەن تانىستى.   پارلامەنت ءماجىلىسىنىڭ دەپۋتاتتارى, «نۇر وتان» فراكتسياسىنىڭ مۇشەلەرى ىزباق ومىرزاقوۆ, گلەب ششەگەلسكي, اسحات بەكەنوۆ جانە قازاقستان حالقى اسسامبلەياسىنىڭ مۇشەسى يۋري تيموششەنكو اقتوبە وبلىسى تۇرعىندارىمەن كەزدەسىپ, قازاقستان پرەزيدەنتىنىڭ جولداۋىن ءتۇسىندىردى. مەملەكەت جۇمىسىنىڭ نەگىز­گى بۋىنى – قازاقستاندىق بيز­نەسكە, ەڭ الدىمەن, شاعىن جانە ورتا بيزنەسكە قولايلى جاع­داي جاساۋ بولىپ تابىلادى. الداعى 10-15 جىلدا عىلىمي-ەكو­نو­مي­كالىق ءبازيستى قۇرۋ قاجەت, ونسىز دامىعان ەلدەر قاتارىنا كىرۋ قيىن. ينفراقۇرىلىمدىق تريا­دانىڭ (اگلومەراتسيا, كولىك, ەنەر­گەتيكا) سەرپىندى دامۋىن قام­تا­ماسىز ەتۋ قاجەت, دەدى كەزدەسۋلەر كەزىندە دەپۋتاتتار.   پارلامەنت ءماجىلىسىنىڭ دەپۋتاتتارى رومين ءمادينوۆ پەن اباي تاسبولاتوۆ سولتۇستىك قازاقستان وبلىسىنىڭ ورتالىعى – پەتروپاۆل قالاسىنداعى   جاڭادان اشىلعان «زەنچەنكو جانە ك» ءسۇت زاۋىتىنىڭ باسشىلىعىمەن جانە ينجەنەر-تەحنيك قىزمەتكەرلەرىمەن كەزدەستى. وندا ماجىلىسمەندەر ن.نازارباەۆتىڭ قازاقستان حالقىنا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىن جان-جاقتى ءتۇسىندىردى. ءوز جۇمىستارىنان حاباردار ەتكەن زاۋىت جۇمىسشىلارى ءوز سالالارىنا قاتىسى بار وتاندىق كاسىپكەرلەردى قولداۋ بويىنشا زاڭنامالاردى جەتىلدىرۋگە اتسالىسۋلارىن سۇرادى.   پارلامەنت ءماجىلىسىنىڭ دەپۋتاتى – «نۇر وتان» پارتيا­سى فراك­تسياسىنىڭ مۇشەسى قوجاحان جاباعيەۆ قازاقستان رەس­پۋب­لي­كا­سى­نىڭ پرەزيدەنتى ن.ءا. نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن ءوڭىر­لەردە ناسيحاتتاۋ ماقساتىندا وڭتۇستىك قازاقستان وبلىسىندا ءجۇر. ماجىلىسمەن سايرام اۋدانىندا «نۇر وتان» پارتياسىنىڭ اۋداندىق فيليالىندا قوعامدىق قابىلداۋ جۇرگىزدى.   پارلامەنت ءماجىلىسىنىڭ دەپۋتاتى, «اق جول» قدپ-نىڭ ماجىلىستەگى فراكتسياسىنىڭ مۇشەسى مەرۋەرت قازبەكوۆا اقمولا وبلىسىنىڭ زەرەندى اۋىلىندا بولدى. وندا ول ەلباسىنىڭ «قا­زاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن جۇزەگە اسىرۋ ماقساتىندا «ايەلدەردىڭ ەكونوميكالىق ىلگەرىلەۋى – باسەكەگە قابىلەتتى الەمگە جول!» دەگەن تاقىرىپتا ءوت­كەن دوڭگەلەك ۇستەلگە قاتىستى. اتالعان ءىس-شارا زەرەندى اۋدا­نىنداعى ايەلدەردىڭ  ەكونو­مي­كالىق بەلسەندىلىگىن قارجىلىق قۇرالداردى جانە جاڭا تەحنولوگيالاردى ءتيىمدى پايدالانا وتىرىپ, كاسىپكەرلىكتى دامىتۋ ارقىلى ارتتىرۋعا كومەكتەسەدى, دەپ حابارلادى ءماجىلىستىڭ ءباسپاسوز قىزمەتى.