08 اقپان، 2014

ساپارلار ماقساتى – ءتۇسىندىرۋ

133 رەت كورسەتىلدى
ايماقتارعا جۇمىس بابىنداعى ساپارلارى اياسىندا پارلامەنت سەناتى توراعاسىنىڭ ورىنباسارى قايرات يششانوۆ، سەناتور سارسەنباي ەڭسەگەنوۆ پەن ءماجىلىس دەپۋتاتى جالعاس دۇيسەنعاليەۆ اتىراۋ تەمىرجولشىلارىمەن كەزدەسۋ وتكىزدى. باستى ماقسات – مەملەكەت باسشىسىنىڭ  «قازاقستان جولى – 2050: ءبىر ماقسات، ءبىر مۇددە، ءبىر بولاشاق» جولداۋىن ءتۇسىندىرۋ. دەپۋتاتتار قازاقستان پرەزيدەنتى ستراتەگيالىق قۇجاتتا بەلگىلەگەن مىندەتتەردى ىسكە اسىرۋداعى پارلامەنتتىڭ زاڭ شىعارۋ قىزمەتىنىڭ باعىتتارى تۋرالى اڭگىمەلەدى. ق.يششانوۆ وتكەن جىلى پارلامەنتتىڭ قوس پالاتاسىنىڭ دەپۋتاتتارى مەملەكەت باسشىسىنىڭ ستراتەگيالىق باعىتىن ىسكە اسىرۋعا ارنالعان 95 زاڭ قابىلداعانىن اتاپ ءوتتى. سونداي-اق، دەپۋتاتتار اتىراۋ مۇناي جانە گاز ينستيتۋتىنىڭ وقىتۋشىلارى جانە ستۋدەنتتەرىمەن دە كەزدەستى. ق.يششانوۆ وسى جولداۋدا ءبىلىم بەرۋ، دەنساۋلىق ساقتاۋ جانە مادەنيەت سالاسىنا باسا نازار اۋدارىلعانىن جەتكىزدى. «مەملەكەت باسشىسى ءححى عاسىرداعى دامىعان مەملەكەت – بەلسەندى، ءبىلىمدى جانە دەنى ساۋ ازاماتتار ەكەنىنە توقتالدى. ولار ەلدىڭ جالپى باسەكەگە قابىلەتتىلىگىنە ىقپال ەتەدى جانە ءبىرىنشى كەزەكتەگى مىندەت بۇل سالانى ۇزدىك الەمدىك ستاندارتتار دەڭگەيىنە شىعارۋ بولىپ تابىلادى»، – دەدى توراعا ورىنباسارى.

* * *

بۇل كۇندەرى پارلامەنت سەناتى قارجى جانە بيۋدجەت كوميتەتىنىڭ توراعاسى راشيت احمەتوۆ پەن سەناتور ەربولات مۇقاەۆ جۇمىس بابىنداعى ساپارمەن باتىس قازاقستان وبلىسىندا ءجۇر. دەپۋتاتتار تاياۋدا زەلەنوۆ اۋدانىنداعى كراسنوۆسك اۋىلدىق وكرۋگىندە بولدى. ولار مەكتەپتە، وتباسىلىق دارىگەرلىك امبۋلاتوريادا بولىپ، جەرگىلىكتى تۇرعىندارمەن كەزدەستى. كەزدەسۋدىڭ باستى تاقىرىبى مەملەكەت باسشىسىنىڭ «قازاقستان جولى – 2050: ءبىر ماقسات، ءبىر مۇددە، ءبىر بولاشاق» جولداۋىن تۇسىندىرۋگە ارنالدى. جەرگىلىكتى تۇرعىندار نۇرسۇلتان نازارباەۆتىڭ جولداۋىن ىقىلاسپەن قابىلداعانىن جەتكىزدى. ستراتەگيالىق قۇجاتتا  قازاقستاندىقتار ءومىرىن جاقسارتۋعا باسا نازار اۋدارىلىپ وتىر.  مەملەكەت باسشىسىنىڭ تاپسىرماسى بويىنشا دەنساۋلىق ساقتاۋ جانە ءبىلىم بەرۋ سالالار قىزمەتكەرلەرىنىڭ ەڭبەكاقىسى، مۇگەدەكتىگى جانە اسىراۋشىسىنان ايىرىلعان جاعدايدا بەرىلەتىن الەۋمەتتىك جاردەماقى ۇلعاياتىن بولادى.

* * *

پارلامەنت سەناتىنىڭ دەپۋتاتتارى يكرام ادىربەكوۆ پەن مۇحتار التىنباەۆ ەلىمىزدىڭ ۇلتتىق قاۋىپسىزدىك كوميتەتى شەكارا قىزمەتىنىڭ الماتىداعى اكادەمياسىنىڭ كۋرسانتتارى مەن پروفەسسورلىق-وقىتۋشىلار قۇرامىمەن كەزدەستى. كەزدەسۋ بارىسىندا مەملەكەت باسشىسىنىڭ «قازاقستان جولى – 2050: ءبىر ماقسات، ءبىر مۇددە، ءبىر بولاشاق» جولداۋى تۇرعىسىندا اسكەري قىزمەتكەرلەردىڭ كاسىبي دايىندىعى ماسەلەلەرىن تالقىلادى. سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى ي.ادىربەكوۆ ەلىمىزدىڭ پرەزيدەنتى ن.ءا.نازارباەۆتىڭ «قازاقستان-2050» ستراتەگياسىندا مەملەكەتتىك ەگەمەندىكتى نىعايتۋ، قاۋىپسىزدىكتى جانە اۋماقتىق تۇتاستىقتى قالىپتاستىرۋ باسىمدىقتار قاتارىندا ەكەنىن اتاپ ءوتتى. «ۇلتتىق قاۋىپسىزدىك جۇيەسىن جەتىلدىرۋ ماقساتىندا سوڭعى جىلداردا پارلامەنت «قازاقستان رەسپۋبليكاسىنىڭ مەملەكەتتىك شەكاراسى تۋرالى»، سونداي-اق، ۇلتتىق قاۋىپسىزدىكتى جانە اسكەري قىزمەتشىلەردى الەۋمەتتىك قورعاۋعا باعىتتالعان باسقا دا زاڭداردى قابىلدادى»، – دەدى ول. سەناتور م.التىنباەۆ ءوز سوزىندە مەملەكەت باسشىسىنىڭ «قازاقستان جولى – 2050» جولداۋىندا العا قويىلعان مىندەتتەردىڭ ءبىرى جاڭا قازاقستاندىق ءپاتريوتيزمدى قالىپتاستىرۋ ەكەنىن اتاپ ءوتتى.

* * *

پارلامەنت سەناتىنىڭ دەپۋتاتى ۆلاديمير رەدكوكاشين استانادا ەڭبەك ۇجىمدارىمەن، ەمدەۋ جانە ءبىلىم بەرۋ مەكەمەلەرىندە كەزدەسۋلەر وتكىزىپ، مەملەكەت باسشىسىنىڭ  «قازاقستان جولى – 2050: ءبىر ماقسات، ءبىر مۇددە، ءبىر بولاشاق» جولداۋىن  ءتۇسىندىردى. سەناتور ۇلتتىق كارديوحيرۋرگيالىق ورتالىق پەن استانا مەديتسينالىق ۋنيسۆەرسيتەتىنىڭ ۇجىمدارىمەن كەزدەستى. ول ءبىلىم بەرۋ جانە دەنساۋلىق ساقتاۋ جۇيەلەرىنىڭ الدىنا الەمدەگى ۇزدىك ستاندارتتار دەڭگەيىنە قول جەتكىزۋ جونىندە اۋقىمدى مىندەتتەر قويا وتىرىپ، مەملەكەت وسى سالاداعى ماماندار الەۋەتىن كۇشەيتۋ ءۇشىن ەلەۋلى قارجى سالىپ وتىرعانىن اتاپ ءوتتى. سەناتور، سونداي-اق، مەملەكەت باسشىسىنىڭ جولداۋىندا حالىقتى الەۋمەتتىك قورعاۋ جانە قولداۋ ماسەلەسى ماڭىزدى ورىن الاتىنىنا توقتالدى.

* * *

پارلامەنت سەناتىنىڭ دەپۋتاتتارى ميحايل بورتنيك پەن باقتىباي شەلپەكوۆ جۇمىس بابىنداعى ساپارمەن ماڭعىستاۋ وبلىسىنىڭ اۋداندارىندا بولدى. سەناتورلار وبلىستىق ءماسليحاتتىڭ بيىلعى جىلداعى العاشقى سەسسياسىنا قاتىسىپ، «قازاقستان-2050» ستراتەگياسىنىڭ نەگىزگى ەرەجەلەرى مەن پرەزيدەنت ن.نازارباەۆتىڭ جولداۋدا العا قويعان مىندەتتەرىنە توقتالدى. دەپۋتاتتار شاعىن جانە ورتا بيزنەستى دامىتۋ، جۇمىس ورىندارىمەن قامتاماسىز ەتە الاتىن كاسىپكەرلەردى قولداۋ قاجەتتىگىنە نازار اۋداردى، سونداي-اق، ايماقتى وركەندەتۋدىڭ كەلەشەگىن تالقىلادى. ول ءبىرىنشى كەزەكتە كولىك-لوگيستيكاسى، ونىڭ ىشىندە اقتاۋ تەڭىز پورتىن، گەولوگيالىق بارلاۋ جانە مەملەكەتتىك باعدارلامالاردى ىسكە اسىرۋ سەكىلدى سالالارعا قاتىستى بولىپ وتىر.

* * *

وڭىرلەردە ساپاردا جۇرگەن سەنات دەپۋتاتى جابال ەرعاليەۆ اقمولا وبلىسىنىڭ قورعالجىن اۋدانى اكىمىنىڭ حالىق الدىنداعى ەسەپ بەرۋىنە قاتىسىپ، ءسوز سويلەدى. – قازاقستان حالقىنىڭ الدىنا ەلباسى تاريحي مىندەتتەر جۇكتەپ وتىر، – دەدى سەناتور ءوز سوزىندە. – مەملەكەت باسشىسىنىڭ ءار جولداۋىنىڭ تاريحي ماڭىزى بار بولسا، بيىلعى جولداۋدىڭ ماڭىزدىلىعى ءبىزدىڭ بارشامىزعا ماڭگىلىك ەل بولۋ يدەياسىمەن اسا ماڭىزدى. قازاقستاننىڭ 2050 جىلعا دەيىنگى دامۋ ستراتەگياسى ەلىمىزدىڭ الەۋمەتتىك-ەكونوميكالىق قۋاتىن ارتتىرۋعا باعىتتالعان باستى ءارى نەگىزگى باعدارىمىز بولىپ وتىر. سەناتور، سونىمەن بىرگە، قورعالجىن گيمنازيا مەكتەبىنىڭ وقۋشى­لارىمەن  جانە ۇستازدار قاۋىمىمەن كەزدەسىپ، جاس ۇرپاقتىڭ تەرەڭ ءبىلىمدى، ەلسۇيگىش رۋحتا تاربيەلەۋ ماسەلەلەرىنە نازار اۋداردى. سەناتور كەزدەسۋ بارىسىندا تۇرعىندار مەن مەكتەپ وقۋشىلارىنىڭ كوپ­تەگەن ساۋالدارىنا جاۋاپ بەردى، دەپ حابارلادى سەناتتىڭ ءباسپاسوز قىز­مەتى.

* * *

ءماجىلىس دەپۋتاتتارى قازاقستاننىڭ بارلىق ايماقتارىنا سايلاۋشىلارمەن كەزدەسۋلەرىن باستادى.  ساپاردىڭ باستى ماقساتى –  پرە­زيدەنتتىڭ «قازاقستان جولى – 2050: ءبىر ماقسات، ءبىر مۇددە، ءبىر بو­لاشاق» جولداۋىن ءتۇسىندىرۋ.  پارلامەنت ءماجىلىسىنىڭ دەپۋتاتى، «نۇر وتان» پارتياسىنىڭ جانىن­داعى سىبايلاس جەمقورلىققا قارسى كۇرەس جونىندەگى رەسپۋبليكالىق قوعامدىق كەڭەستىڭ توراعاسى قايىربەك سۇلەيمەنوۆ ەۋرازيا گۋمانيتارلىق ينستيتۋتىنىڭ ستۋدەنتتەرى جانە وقىتۋشى-پروفەسسورلارىمەن كەزدەستى. جۇزدەسۋدىڭ باستى تاقىرىبى – مەملەكەت باسشىسى ن.نازارباەۆتىڭ «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى قا­زاق­ستان حالقىنا جولداۋى بولدى. پروفەسسور-وقىتۋشىلار وكىلدەرى مەن ستۋدەنتتەر ۇجىمىنىڭ الدىندا ءسوز سويلەگەن قايىربەك شوشان ۇلى جولداۋدىڭ ناقتى پراكتيكالىق ىستەردىڭ باعدارلاماسى ەكەنىن، ونىڭ بارلىق قازاقستاندىقتارعا، سونداي-اق، ەڭ الدىمەن، زيالى قاۋىمنىڭ جەتەكشى وكىلدەرى بولىپ تابىلاتىن پەداگوگتارعا دا قاتىستى ەكەنىن اتاپ ءوتتى. ق.سۇلەيمەنوۆ ەاگي وقى­تۋ­شى­لارى مەن ستۋدەنتتەرىنىڭ كوپتەگەن سۇراقتارىنا  جاۋاپ بەرىپ، ءماجىلىستىڭ زاڭ شىعارۋشىلىق قىزمەتى جايىندا دا اڭگىمەلەدى، دەپ حابارلادى وسى پالاتانىڭ ءباسپاسوز قىزمەتى.
سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار