Finprom.kz حابارلاۋىنشا, Twitter قازاقستانداعى ەڭ تانىمال الەۋمەتتىك جەلىگە اينالدى. جەلىنىڭ نارىقتاعى ۇلەسى ءبىر جىل ىشىندە 6%-دان 17%-عا دەيىن وسكەن.
Statcounter Global Stats مالىمەتتەرى بويىنشا 2021 جىلدىڭ تامىزىندا Facebook الەمدەگى ەڭ تانىمال الەۋمەتتىك جەلى اتانعان. ونىڭ ۇلەسى 73,27% قۇرايدى. Twitter (8,91%), Pinterest (7,22%), YouTube (4,72%) جانە Instagram (3,41%) سياقتى الەۋمەتتىك جەلىلەر ارتتا قالدى.
قازاقستاندا Facebook 14,85% ۇلەسىمەن تانىمالدىعى بويىنشا ءۇشىنشى ورىندا تۇر. Twitter (16,56%) مەن YouTube (16,07%) كوش باسىندا.
ينستاگرام ءتورتىنشى ورىندا (13,92%), ودان كەيىن ۆك (13,7%) جانە Pinterest (13,52%) بار.
الەۋمەتتىك جەلىلەردىڭ تانىمالدىعى ادامدار قانداي قۇرىلعى ارقىلى كىرەتىنىنە بايلانىستى وزگەرەدى.
