قاراعاندى وبلىسىنداعى كافەدە بولعان ورتتەن ءبىر ازاماتشا كوز جۇمدى. بۇل تۋرالى «قازاقستان جاڭالىقتارى» اگەنتتىگى حابارلادى.
ەرمەكوۆ كوشەسىندەگى باسپا ءۇيىنىڭ ءبىرىنشى قاباتىندا ورنالاسقان Jessi's Fusion Pub اتتى كافەدە گاز باللونى جارىلىپ, ونىڭ ارتى ورتكە ۇلاستى. سونىڭ سالدارىنان وسىندا جۇمىس ىستەيتىن 7 ادام زارداپ شەكتى. دارىگەرلەردىڭ ايتۋى بويىنشا , ولاردىڭ دەنەسىنىڭ 15-70 پايىزىن كۇيىك شالعان. قازىر زارداپ شەككەندەردىڭ ەكەۋى جانساقتاۋ بولىمىندە, ال ۇشەۋى كۇيىك شالۋ بولىمىندە جاتىر.اتالعان فاكتى بويىنشا قىلمىستىق كودەكستىڭ 188-بابى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلۋدە.
وسىعان دەيىن جەكەلەگەن وڭىرلەردە تىركەلگەن ءورتتىڭ شىعۋ سەبەبى گاز بالونىن دۇرىس پايدالانباۋدان بولعانى انىقتالىپ ەدى. ال سوڭعى جىلدارى جەكە تۇرعىن ۇيدەگى پەشتەردىڭ دۇرىس سالىنباۋىنان بىرنەشە ادام ۋلانىپ قالدى. سوندىقتان جەرگىلىكتى بيلىك وكىلدەرى جاۋاپتى تۇلعالارعا باقىلاۋدى كۇشەيتۋدى مىندەتتەدى.
ءامىرحان الماعانبەتوۆ.
دەرەككوز: «قازاقستان جاڭالىقتارى».
فوتو: Kursiv.kz.
