28 قاڭتار، 2014

وليمپيادا: ەلسيار قاناعاتوۆ شەف-دەميسسيون بولىپ بەكىتىلدى

127 رەت كورسەتىلدى

Elsiar Kanagatov

رەسەيدىڭ سوچي قالاسى مەن ونىڭ ماڭىندا وتەتىن قىسقى وليمپيادا كەزىندە قازاقستاننىڭ سپورتتىق دەلەگاتسياسىنىڭ  شەف-دەميسسيونى بولىپ سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى ەلسيار قاناعاتوۆ بەكىتىلدى. بۇل تۋرالى egemen.kz ءتىلشىسى حابارلادى.

قازاقستان قۇراماسى كوماندالارى وسىمەن 6-رەت قىسقى وليمپيا ويىندارىنا جەكە كوماندا رەتىندە قاتىساتىن بولادى. تاۋەلسىزدىك العاننان بەرى ەلىمىز سپورتشىلارى قىسقى وليمپيادالاردا 6 مەدالدى، سونىڭ ىشىندە ءبىر التىن، ءۇش كۇمىس جانە ەكى قولا جۇلدەنى يەلەنگەنىن بىلەمىز. وليمپيادا كەزىندە قازاقستاننىڭ سپورتتىق دەلەگاتسياسىنىڭ  شەف-دەميسسيونى قىزمەتىن اتقاراتىن ەلسيار قاناعاتوۆتىڭ ايتۋىنشا، ەندى بيىلعى وليمپيادادا سپورتشىلارمىز كەم دەگەندە ەكى جۇلدەنى جەڭىپ الۋعا تىرىساتىن بولادى. «قازىر ءبارىن كەسىپ ايتۋ قيىن. ءبارىن جارىستار كورسەتەدى. دەگەنمەن سپورتشىلارىمىز بەن جارىستارىمىزعا قاراساق، ءبىزدىڭ ەلگە كەم دەگەندە ەكى مەدالدى الۋعا بولادى. بىراق ول التىن بولا ما نەمەسە باسقا جۇلدە بولا ما ونى ايتۋ ەرتە»، دەيدى ول. ونىڭ ايتۋىنشا، قازىر سپورتشىلارىمىزعا بارلىق جاعداي جاسالعان. ۇلتتىق قۇراما مۇشەلەرىنە، سونىڭ ىشىندە جاتتىقتىرۋشىلارعا، دارىگەرلەر مەن ماسساجيستەرگە دە مەملەكەت تاراپىنان قولدا بار جاعدايدىڭ ءبارى جاسالىپ وتىر. ەندى ەڭ باستىسى سپورتشىلارىمىز ەلىمىزدىڭ ارتقان سەنىمىن، ءۇمىتىن  اقتاسا يگى، دەيدى ول.

داستان كەنجالين.

دەرەككوز: سپورت جانە دەنە شىنىقتىرۋ ىستەرى اگەنتتىگى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار