جاقىندا قىزىلوردا وبلىسىنىڭ اكىمى قىرىمبەك كوشەرباەۆتىڭ توراعالىق ەتۋىمەن ەلباسى نۇرسۇلتان نازارباەۆتىڭ قازاقستان حالقىنا جولداۋىن تالقىلاۋعا ارنالعان اكتيۆ جينالىسى بولىپ ءوتتى.
جاقىندا قىزىلوردا وبلىسىنىڭ اكىمى قىرىمبەك كوشەرباەۆتىڭ توراعالىق ەتۋىمەن ەلباسى نۇرسۇلتان نازارباەۆتىڭ قازاقستان حالقىنا جولداۋىن تالقىلاۋعا ارنالعان اكتيۆ جينالىسى بولىپ ءوتتى.
– ەندىگى كەزەكتە, ءبىز ەلباسى ءوز جولداۋىندا ايقىنداپ بەرگەن مىندەتتەردى جۇزەگە اسىرۋ بويىنشا ناقتى شارالار قابىلداۋىمىز قاجەت, – دەدى ايماق باسشىسى جيىندا. – ەل ەكونوميكاسىندا ىشكى جالپى ءونىمنىڭ جىل سايىنعى ءوسىمى 4 پايىزدان كەم بولماۋى مىندەتتەلدى. ول بيىلعى جىلى 6-7 پايىزدى قۇرايتىن بولسا, بۇل باعىتتا ءبىزدىڭ وبلىس بۇدان دا جوعارى كورسەتكىشكە قول جەتكىزۋى ءتيىس. ماقساتتى مىندەتتەردى جۇزەگە اسىرۋدى وسى باستان قولعا الۋىمىز كەرەك. ەلباسى 2050 جىلعا دەيىن ەڭبەك ونىمدىلىگىن 5 ەسەگە ارتتىرۋدى تاپسىردى. وزدەرىڭىز جاقسى بىلەتىندەي, ءوڭىرىمىز ەڭبەك ونىمدىلىگى بويىنشا دامىعان مەملەكەتتەردەن بىرنەشە ەسەگە كەيىن قالىپ كەلەدى. بۇل الشاقتىقتى جوسپارلى جانە ماقساتتى تۇردە تەڭگەرۋگە مىندەتتىمىز.
ارينە, بۇل ءبىلىم, ونەركاسىپ, اۋىل شارۋاشىلىعى جانە باسقا دا سالالارعا تىكەلەي قاتىستى. وسىعان بايلانىستى وبلىس اكىمى وبلىستىق يندۋستريالىق-يننوۆاتسيالىق دامۋ باسقارماسىنىڭ باسشىسى مۇرات يماندوسوۆقا, قىزىلوردا قالاسى مەن اۋداندار اكىمدەرىنە كاسىپورىندارمەن جۇمىس جاساۋدا, ونىڭ قىزمەت سالاسىنا, مەنشىك نىسانىنا قاراماستان, بىرلەسىپ ەڭبەك ونىمدىلىگىن كەزەڭ-كەزەڭىمەن ارتتىرۋ ماسەلەلەرىن پىسىقتاۋدى تاپسىردى.
وبلىس باسشىسى جيىندا ءبىلىم بەرۋ سالاسىنا دا توقتالدى. قىرىمبەك كوشەرباەۆتىڭ اتاپ وتۋىنشە, «بالاپان» باعدارلاماسى بويىنشا وتكەن جىلى 3-6 جاس ارالىعىنداعى بالالاردىڭ 80,9 پايىزى مەكتەپكە دەيىنگى ءبىلىم بەرۋ مەكەمەلەرىمەن قامتىلعان. ەندى 2015 جىلى وسى كورسەتكىشتى 100 پايىزعا جەتكىزۋ كەرەك. وعان مۇمكىندىك بار.
– ءبىلىم ساپاسىنا بايلانىستى ناقتى شەشىمدەر قابىلدانۋدا. ورتا ءبىلىم بەرۋ سالاسىندا جالپى ءبىلىم بەرۋ مەكەمەلەرىن نازارباەۆ زياتكەرلىك مەكتەپتەرىنىڭ دەڭگەيىنە جەتكىزۋ مىندەتى تۇر. بىزگە تەك جاي وقىتىپ قانا قويماي, سونىمەن بىرگە, جەكە تۇلعا تاربيەلەيتىن مەكتەپتەر دە قاجەت, – دەدى قىرىمبەك ەلەۋ ۇلى وسى جونىندە. – ءبىزدىڭ بولاشاعىمىز – ەلىمىزدىڭ قۇندىلىقتارىن, تاريحى مەن سالت-ءداستۇرىن, قازاق, ورىس جانە اعىلشىن تىلدەرىن مەڭگەرگەن ازاماتتار. ولار وي-ءورىسى كەڭ, ىشكى مادەنيەتى جوعارى, شىعارماشىل جانە ءوز بەتىنشە ويلاي الاتىن جاندار بولۋى ءتيىس.
وسى رەتتە ايماق باسشىسى وبلىس اكىمىنىڭ ورىنباسارى اقمارال النازاروۆاعا, وبلىستىق ءبىلىم باسقارماسىنىڭ باسشىسى ناۋرىزباي بايقاداموۆقا ءبىر اي مەرزىم ىشىندە مۇعالىمدەردىڭ بىلىكتىلىگىن ارتتىرۋدى جانە ولاردى ۇزدىكسىز دايارلاۋدىڭ جۇيەسىن ەنگىزە وتىرىپ, مەكتەپتەرگە مامان دايارلاۋدىڭ كەشەندى باعدارلاماسىن ازىرلەۋدى تاپسىردى.
وتكەن جىلى وبلىس اۋماعىندا ءۇش اۋىسىمدى مەكتەپتەر ماسەلەسى تولىعىمەن شەشىلگەن ەدى. وسى جيىندا وبلىس اكىمى ق.كوشەرباەۆ: «بارلىق اپاتتىق جاعدايداعى عيماراتتارعا بايلانىستى بيۋدجەتتىك قارجىلار قاراستىراتىن بولامىز.
– تەحنيكالىق جانە كاسىپتىك ءبىلىم بەرۋ جۇيەسىندەگى كوللەدجدەر قۇرىلىمىن قايتا قاراپ جاتىرمىز. ەندى نارىق تالابىنا قاراي كوللەدجدەردىڭ باعدارلارىن جاڭا ستاندارتتار تالابىنا ساي كەلتىرۋ قاجەت. مەكتەپتىڭ كاسىپتىك بەيىمدەلۋىن قايتا دامىتۋ, ءوڭىردىڭ قاجەتتىلىگىن قامتاماسىز ەتەتىن ماماندار دايارلاۋ بويىنشا جۇمىستار بارىنشا كۇشەيتىلەدى», دەدى.
بۇگىندە وبلىستاعى تەحنيكالىق جانە كاسىپتىك ءبىلىم بەرەتىن وقۋ ورىندارىندا دۋالدى وقىتۋ تەحنولوگياسىن ەنگىزۋ باعىتىندا العىشارتتار جاسالىپ جاتىر. وسىعان قاتىستى ايماق باسشىسى وبلىس اكىمىنىڭ ورىنباسارى اقمارال النازاروۆاعا 1 ناۋرىزعا دەيىن دۋالدى وقىتۋدى ەنگىزۋ بويىنشا ءتيىستى شارالار قابىلداۋدى ۇيىمداستىرۋدى تاپسىردى.
ءالىمجان جارىلقاعانوۆ,
جۋرناليست.
قىزىلوردا.
