قاراعاندى مەملەكەتتىك تەحنيكالىق ۋنيۆەرسيتەتىنىڭ ءماجىلىس زالىندا وقۋ ورنىنىڭ رەكتورى, ۇعا اكادەميگى ارىستان عازاليەۆتىڭ توراعالىق ەتۋىمەن عىلىمي كەڭەستىڭ پرەزيدەنت ن.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن تالقىلاۋعا ارنالعان كەڭەيتىلگەن وتىرىسى ءوتتى. القالى جيىنعا وقۋ ورنىنىڭ پروفەسسور-وقىتۋشىلار قۇرامى, قۇرىلىمدىق بولىمشەلەرىنىڭ باسشىلارى, قوعامدىق جانە جاستار ۇيىمدارىنىڭ وكىلدەرى قاتىستى.
قاراعاندى مەملەكەتتىك تەحنيكالىق ۋنيۆەرسيتەتىنىڭ ءماجىلىس زالىندا وقۋ ورنىنىڭ رەكتورى, ۇعا اكادەميگى ارىستان عازاليەۆتىڭ توراعالىق ەتۋىمەن عىلىمي كەڭەستىڭ پرەزيدەنت ن.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن تالقىلاۋعا ارنالعان كەڭەيتىلگەن وتىرىسى ءوتتى. القالى جيىنعا وقۋ ورنىنىڭ پروفەسسور-وقىتۋشىلار قۇرامى, قۇرىلىمدىق بولىمشەلەرىنىڭ باسشىلارى, قوعامدىق جانە جاستار ۇيىمدارىنىڭ وكىلدەرى قاتىستى.
ەلىمىزدىڭ ساياسي ومىرىنە سەرپىلىس اكەلىپ, ميلليونداعان قازاقستاندىقتاردىڭ جۇرەگىنە سەنىم مەن ءۇمىت ۇيالاتقان ەلباسى جولداۋىن حالىقتىڭ جىل سايىن اسىعا كۇتەتىنى بەلگىلى. بيىل ون سەگىزىنشى رەت جاسامپازدىقتىڭ جارشىسى رەتىندە قازاقستان حالقىنا جول تارتقان جولداۋ بۇل جولى دا ەل كۇتكەن ەڭسەلى نىسانالاردى بەلگىلەۋىمەن ەرەكشەلەندى. عالىمداردىڭ بۇل باس قوسۋىنىڭ ماقساتى – ەلباسى جولداۋىن ناقتىلاپ, وندا قامتىلعان مىندەتتەردىڭ جوعارى وقۋ ورنى دەڭگەيىندە شەشىلۋ جولدارىن تالقىلاۋ. جينالعاندار الدىندا بايانداما جاساعان وقۋ ورنىنىڭ باسشىسى ارىستان عازاليەۆ:
– وتانىمىزدىڭ جەتىستىكتەرى – ءاربىر ازاماتتىڭ ۇلتتىق ماقتانىشى. كۇشتى, قۋاتتى مەملەكەتتەر عانا ۇزاقمەرزىمدىك جوسپارلاۋمەن, تۇراقتى ەكونوميكالىق وسۋمەن اينالىسادى. «قازاقستان-2050» ستراتەگياسى – بارلىق سالانى قامتيتىن جانە ۇزدىكسىز ءوسۋدى قامتاماسىز ەتەتىن جاڭعىرۋ جولى. بۇل رەتتە ەكونوميكانىڭ جوعارى تەحنولوگيالىق سالالارى جانە عىلىمدى قاجەتسىنەتىن ەكونوميكالىق بازيس عىلىمي-زەرتتەۋلەردىڭ وزىق دامۋىمەن ساباقتاسا وتىرىپ ۇلتتىق ءبىلىم بەرۋ جۇيەسىن ودان ءارى نىعايتۋعا نەگىزدەلەدى, – دەدى.
سونداي-اق, رەكتور ءوز بايانداماسىندا ەلباسى جولداۋىنا وزەك بولعان «قازاقستان-2050» ستراتەگياسىن ورىنداۋدىڭ بەسجىلدىق كەزەڭدى قامتيتىن جەتى باعىتى مەن ستراتەگيا باسىمدىقتارىن جۇزەگە اسىرۋدىڭ نەگىزگى 10 تەتىگىنە ايرىقشا توقتالىپ, بۇل ءمىندەتتەردى ورىنداۋداعى عىلىم مەن ءبىلىم سالاسىنداعى ەرەكشەلىكتەردى اڭگىمە ارقاۋى ەتتى.
رەكتور بايانداماسىنان كەيىن جارىسسوزگە شىققان بارلىق شەشەندەر ەلباسى جۇكتەگەن مىندەتتەردى جۇزەگە اسىرۋ باعىتىنداعى ءوز وي-پىكىرلەرىن ورتاعا سالىپ, جولداۋدىڭ باسىم باعىتتارىنىڭ نەگىزىندە ازىرلەنگەن ۋنيۆەرسيتەتتى دامىتۋدىڭ كەشەندى باعدارلاماسىنىڭ جوو-نىڭ ءبىلىم بەرۋ قىزمەتتەرىنىڭ ساپاسىن جانە جوعارى تەحنيكالىق ءبىلىمنىڭ باسەكەگە قابىلەتتىلىگىن ارتتىرۋ بويىنشا دامۋدىڭ ستراتەگيالىق جوسپارى بولىپ تابىلاتىنىنا جان-جاقتى توقتالدى.
عىلىمي كەڭەستىڭ كەڭەيتىلگەن وتىرىسىن قورىتىندىلاعان قارمتۋ رەكتورى ارىستان عازاليەۆ:
– باعدارلامانىڭ نەگىزگى ماقساتى «ءبىلىم بەرۋ – عىلىم – ءوندىرىس» جۇيەسىندە كاسىبي بىلىكتىلىكتەرىن دامىتۋ جانە جاڭا قازاقستاندىق پاتريوتيزمدى قالىپتاستىرۋ نەگىزىندە ەكونوميكانىڭ جوعارى تەحنولوگيالىق جانە عىلىمدى قاجەتسىنەتىن سالالارى ءۇشىن باسەكەگە قابىلەتتى ماماندار دايارلاۋ بولىپ تابىلادى. ەلباسى جولداۋىن جۇزەگە اسىرۋدا تۇڭعىش پرەزيدەنتتىڭ ءبىلىم ورداسى – قاراعاندى مەملەكەتتىك تەحنيكالىق ۋنيۆەرسيتەتى كوش باسىنان كورىنۋى ءتيىس. وعان ءبىزدىڭ مۇمكىندىگىمىز دە بار, كۇش-جىگەرىمىز دە جەتكىلىكتى, – دەپ, رەكتوراتقا, قۇرىلىمدىق بولىمشەلەر باسشىلارىنا ناقتى تاپسىرمالار جۇكتەدى.
ءسابيت بەكسەيىت.
قاراعاندى.
