ۇكىمەت قاۋلىسىمەن عالىم ورازباقوۆ باسەكەلەستىكتى قورعاۋ اگەنتتىگىنىڭ توراعاسى بولىپ تاعايىندالدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت قاۋلىسىمەن عالىم ورازباقوۆ باسەكەلەستىكتى قورعاۋ اگەنتتىگىنىڭ توراعاسى بولىپ تاعايىندالدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەشە ۇكىمەت باسشىسى سەرىك احمەتوۆ ۇجىمعا ۆەدومستۆونىڭ جاڭا باسشىسىن تانىستىرىپ, مەملەكەتتىك ورگاننىڭ الدىندا تۇرعان مىندەتتەردى بەلگىلەدى.
مەملەكەت باسشىسىنىڭ تاپسىرمالارىن ورىنداۋ تۇرعىسىندا باسەكەلەستىكتى قورعاۋ اگەنتتىگىنىڭ الدىندا وتاندىق كاسىپورىنداردىڭ بەك جانە كو ەلدەرىنىڭ تاۋارلىق نارىقتارىنا قولجەتىمدىلىگىنە تەپە-تەڭ جاعدايلاردى قامتاماسىز ەتۋ, سول سياقتى بيزنەستى جۇرگىزۋ, باسەكەلەستىك ورتا قالىپتاستىرۋ ءۇشىن قولايلى جاعدايلار جاساۋ جونىندە ماڭىزدى مىندەتتەر تۇر, دەپ اتاپ ءوتتى پرەمەر-مينيستر.
س.احمەتوۆ اگەنتتىك ۇجىمىنا العا قويىلعان مىندەتتەردى شەشۋدە تابىستار تىلەدى.
* * *
سونداي-اق, ۇكىمەت قاۋلىسىمەن بولاتبەك قۋاندىقوۆ تۇتىنۋشىلار قۇقىقتارىن قورعاۋ اگەنتتىگىنىڭ توراعاسى بولىپ تاعايىندالدى.
سوعان وراي كەشە ءتۇس قايتا پرەمەر-مينيستر سەرىك احمەتوۆ اگەنتتىك ۇجىمىنا جاڭا باسشىنى تانىستىرىپ, ۆەدومستۆو الدىنداعى باسىم مىندەتتەردى بەلگىلەدى.
اگەنتتىك الدىندا تۇتىنۋشىلار قۇقىقتارىن جانە بۇتىندەي العاندا, وتاندىق تاۋار وندىرۋشىلەردىڭ قۇقىقتارىن قورعاۋ جونىندە مىندەتتەر تۇر. باسىمدىقتار قاتارىندا ازىق-ت ۇلىك ونىمدەرىنىڭ قاۋىپسىزدىگىن قامتاماسىز ەتۋ, سانيتارلىق-ەپيدەميولوگيالىق احۋالدى باقىلاۋ, ونىمدەر مەن قىزمەتتەردىڭ تەحنيكالىق رەگلامەنتتەرىنىڭ ساقتالۋىن قاداعالاۋ سياقتى جۇمىستار بار. ەڭ قىسقا مەرزىم ىشىندە تۇتىنۋشىلار قۇقىقتارىن قورعاۋ سالاسىنداعى مەملەكەتتىك ساياساتتى جەتىلدىرۋ مەن قالىپتاستىرۋ بويىنشا ۇسىنىستار ازىرلەۋ قاجەت, دەپ اتاپ ءوتتى س.احمەتوۆ.
