جامبىل وبلىسىندا 70-تەگى كىسى 21-دەگى قىزعا ۇيلەنبەكشى بولىپ الىپ قاشقان. بۇل تۋرالى «ۆرەميا» گازەتى جازدى.
حابارلانعانداي, وقيعا وتكەن جىلعى 18 جەلتوقسان كۇنى تۇندە ورىن العان.
جامبىل وبلىسىندا 70-تەگى كىسى 21-دەگى قىزعا ۇيلەنبەكشى بولىپ الىپ قاشقان. بۇل تۋرالى «ۆرەميا» گازەتى جازدى.
حابارلانعانداي, وقيعا وتكەن جىلعى 18 جەلتوقسان كۇنى تۇندە ورىن العان.
«ساعات 21:30-دا ماعان قاراتاۋ قالاسىندا تۇراتىن التىناي دەگەن تانىسىم كەلدى. ول ەكەۋمىزدىڭ ورتاق قۇربىمىزدىڭ ۇيىنە بىرگە قوناققا بارىپ قايتۋىمدى سۇرادى. دايىن ماشينا بار دەدى. دالادا شىنىندا اق ءتۇستى BMW تۇر ەكەن. ەشقانداي بوتەن ويدا بولماعان مەن ونىڭ ارتقى ورىندىعىنا وتىردىم. ەكى جاعىما ەكى ايەل جايعاستى. ال الدىندا شاشىن اق شالعان, ماعان اتا بولىپ كەلەتىن قارت كىسى وتىردى. ونىڭ مەندە ويى بار ەكەنىن ەڭ ءبىر قورقىنىشتى تۇسىمدە دە كورمەس ەدىم», – دەدى 21 جاستاعى ءجابىر كورۋشى, تاراز پوليتەحنيكالىق كوللەدجىنىڭ وقۋشىسى كەنجەايىم قويتەلى.
ونىڭ ايتۋىنشا, بۇلار قاراتاۋعا كەلگەندە, تويعا گۋىلدەسىپ دايىندالىپ جاتقان جۇرتتىڭ ۇستىنەن تۇسەدى. كەلە سالا ولار قىزدى ءبىر بولمەگە قاماپ, ۇيالى تەلەفونىن الىپ قويادى. تۇندە وعان ماناعى قاريا كەلىپ, سويلەسپەكشى بولادى. ونىڭ اۋزىنان اراقتىڭ ءيىسى اڭقىپ تۇرادى. سول كەزدە كەنجەايىم ەگەر وزىنە تيىسەتىن بولسا, وزىنە ءوزى قول جۇمسايتىنىن ايتىپ قورقىتادى.
كەلەسى كۇنى تويدى ۇيىمداستىرىپ جۇرگەندەر مۇندا ءوز ەركىمەن كەلگەنى تۋرالى قولحات جازىپ بەرسە, ۇيالى تەلەفونىن قايتىپ بەرەتىندەرىن ايتادى. الايدا, كەنجەايىمنان كەرەگىن جازدىرىپ العاننان كەيىن دە تەلەفوندى قايتارمايدى. ال قولحاتتى حابارشىلار قىزدىڭ اتا-اناسىنا اپارىپ بەرىپتى. سول بويىنشا سوڭىنان تۋىستارى كەلگەن كەزدە كەنجەايىم تەك ءوزىن الىپ كەتۋدى عانا سۇرايدى…
ايتۋلارىنشا, بوستاندىققا شىققان سوڭ قىز پوليتسياعا ارىزدانىپتى. بىراق ونداعىلار ۇرلاپ كەتۋشىلەردىڭ ونى ءوز ەرىكتەرىمەن بوساتىپ جىبەرگەندەرىن ايتىپ, ءىس قوزعاماي قويادى.
«ەگەمەن-اقپارات».
