ەكونوميكا • 24 تامىز، 2021

زەينەتاقى قورىندا قانشا قارجى بار؟

53 رەت كورسەتىلدى

«بىرىڭعاي جيناقتاۋشى زەينەتاقى قورى» اق 2021 جىلدىڭ 1 تامىزداعى نەگىزگى كورسەتكىشتەرىن جاريالادى، دەپ حابارلايدى Egemen.kz.

2021 جىلدىڭ 1 تامىزىنداعى جاعداي بويىنشا بىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 12،8 تريلليون تەڭگە زەينەتاقى جيناقتارى قالىپتاستى. سوما 759 ميللياردتان اسا تەڭگەگە نەمەسە 6% ءوستى.

زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (مزج) بويىنشا قالىپتاستى، ونىڭ مولشەرى 12،5 ترلن تەڭگە. مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 335،7 ملرد تەڭگە، ال ەرىكتى زەينەتاقى جارنالارى (ەزج) بويىنشا زەينەتاقى جيناقتارىنىڭ سوماسى 1،6 ملرد تەڭگەگە جەتتى.

1 تامىزداعى جاعداي بويىنشا بجزق-دا 11،6 ملن جەكە زەينەتاقى شوتى بار. شوتتىڭ ەڭ كوبى مىندەتتى زەينەتاقى جارنالارى (مزج) بويىنشا اشىلدى، ولاردىڭ سانى – 10،9 ملن. ودان ءارى مكزج ەسەبىنەن قالىپتاسقان شوتتار – 529 مىڭ، بجزق-داعى ەزج ەسەبىنەن قالىپتاسقان شوتتار سانى قازىر 49،6 مىڭ. 2021 جىلدىڭ جەتى ايىندا جزش-عا تۇسكەن جارنالار كولەمى وتكەن جىلدىڭ سايكەس كەزەڭىندەگى كورسەتكىشتەن 23% اسىپ، شامامەن 741 ملرد تەڭگەگە جەتتى. باسىم بولىگىن – 708،7 ملرد تەڭگە نەمەسە 95،7% - مزج بويىنشا اۋدارىمدار قۇرايدى.

بجزق تولەمدەرى جىل باسىنان بەرى 1،8 ترلن تەڭگەدەن استى. جالپى سومانىڭ شامامەن 1،7 ترلن تەڭگەسى بىرجولعى زەينەتاقى تولەمدەرى (بزت) تۇرىندە تۇرعىن ءۇي جاعدايىن جاقسارتۋ جانە ەمدەلۋ ءۇشىن تولەندى. بۇل رەتتە تۇرعىن ءۇي جاعدايىن جاقسارتۋعا ورتاشا تولەم 4،4 ملن تەڭگەنى، ەمدەلۋگە ورتاشا تولەم - 0،9 ملن تەڭگەنى قۇرادى.

زەينەت جاسىنا تولۋ بويىنشا تولەمدەر 54،7 ملرد تەڭگەدەن استى. كەستە بويىنشا اي سايىنعى ورتاشا تولەم سوماسى (زەينەتكەرلىك جاسقا تولۋىنا بايلانىستى) 28،6 مىڭ تەڭگەنى قۇرادى، جاسىنا بايلانىستى اي سايىنعى ەڭ جوعارى تولەم 673،6 مىڭ تەڭگە.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار