يەرۋساليمدە يزرايلگە رەسمي ساپارى شەڭبەرىندە قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆتى يزرايل مەملەكەتىنىڭ پرەزيدەنتى شيمون پەرەس قابىلدادى.
يەرۋساليمدە يزرايلگە رەسمي ساپارى شەڭبەرىندە قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆتى يزرايل مەملەكەتىنىڭ پرەزيدەنتى شيمون پەرەس قابىلدادى.
كەزدەسۋدە ادىلبەك جاقسىبەكوۆ: «ءبىزدىڭ مەملەكەتتەرىمىز قازاقستان رەسپۋبليكاسى ءوز تاۋەلسىزدىگىن جاريالاعان ساتتەن باستاپ ديپلوماتيالىق قارىم-قاتىناس ورناتتى. قازاقستان ورتالىق ازيا ەلدەرى اراسىندا تەل-اۆيۆتە العاشقى بولىپ ءوز ەلشىلىگىن اشقان مەملەكەت ەكەنىن اتاپ وتكىم كەلەدى. بۇل قازاقستاننىڭ قازىرگى ۋاقىتتا جوعارى ساياسي دەڭگەيگە كوتەرىلگەن ەكىجاقتى ىنتىماقتاستىقتى دامىتۋ مەن نىعايتۋ بويىنشا نىق جانە ۇزاقمەرزىمدى نيەتىن كورسەتەدى», دەدى جانە ءيزرايلدىڭ قازاقستاننىڭ باستامالارىنا قولداۋ كورسەتىپ كەلە جاتقانى, سونداي-اق, ازياداعى ءوزارا ءىس-قيمىل جانە سەنىم شارالارى جونىندەگى كەڭەس جۇمىسىنا بەلسەندى قاتىسقانى ءۇشىن ريزاشىلىعىن جەتكىزدى.
يزرايل پرەزيدەنتى كوپتەگەن جىلداردان بەرى قازاقستان-يزرايل قارىم-قاتىناسىنىڭ جەمىستى دامىپ كەلە جاتقانىنا توقتالىپ, قازاقستان نۇرسۇلتان نازارباەۆتىڭ سىرتقى جانە ىشكى سارابدال ساياساتىنىڭ ارقاسىندا ورتالىق ازياداعى بىردەن-ءبىر قارقىندى دامۋشى ەل بولىپ تابىلاتىنىن اتاپ ءوتتى.
شيمون پەرەس ءيزرايلدىڭ جوعارى تەحنولوگيالاردى دامىتۋ سالاسىنداعى ىنتىماقتاستىققا ءازىر ەكەنىن جەتكىزدى. اسكەري ءوزارا ءىس-قيمىلعا قاتىستى ول قازاقستان پوليگوندارىندا ەكى ەل قارۋلى كۇشتەرىنىڭ بىرلەسكەن وقۋ-جاتتىعۋلارىن وتكىزۋ تۋرالى ۇسىنىسىن ءبىلدىردى.
ءوز كەزەگىندە ادىلبەك جاقسىبەكوۆ قازاقستاننىڭ اسكەري-ونەركاسىپ سالاسىندا يزرايلمەن ينۆەستيتسيالىق جانە تەحنيكالىق ىنتىماقتاستىقتى كەڭەيتۋگە ايرىقشا ماڭىز بەرەتىنىن اتاپ ءوتتى. سونىمەن قاتار, ول «بولاشاقتىڭ ەنەرگياسى» تاقىرىبىندا وتەتىن ەكسپو-2017 حالىقارالىق مامانداندىرىلعان كورمەسىن استانادا وتكىزۋ يدەياسىن قولداعانى ءۇشىن يزرايل تاراپىنا قازاقستاندىقتاردىڭ العىسىن جەتكىزگىم كەلەدى, سونداي-اق, يزرايلدىك كومپانيالاردى وسى شاراعا قاتىسۋعا شاقىرامىن», دەدى.
قورعانىس سالاسىنداعى قازاق-يزرايل قاتىناسىن دامىتۋدىڭ وڭ ۇدەرىسى رەتىندە وتكەن جىلدىڭ سوڭىندا قازاقستاننىڭ يزرايلدەگى ەلشىلىگى جانىندا اسكەري اتتاشە اپپاراتىنىڭ اشىلعانى بولىپ تابىلادى. بۇل قازاقستان-يزرايل اسكەري ىنتىماقتاستىق ماسەلەلەرىن جەدەل جانە ءتيىمدى شەشۋگە مۇمكىندىك بەرەدى.
قازىرگى ۋاقىتتا يزرايلدە تەك قازىرگى زامانعى عىلىمي-زەرتتەۋ جانە جوعارى تەحنولوگيالىق وندىرىستىك بازاسىنىڭ يەگەرى عانا ەمەس, يزرايل ەكونوميكاسى نەگىزگى قۇراۋشىلارىنىڭ ءبىرى بولىپ تابىلاتىن قارۋ-جاراق پەن اسكەري تەحنيكانى شىعارۋ جونىندەگى دامىعان اسكەري-ونەركاسىپتىك كەشەن جۇمىس ىستەيدى. ال جالپى, يزرايل قورعانىس ونەركاسىبىنىڭ ونىمدەرى الەمدە سۇرانىسقا يە. قازاقستان دا سولاردىڭ قاتارىندا. بۇگىندە «Rafael», «IMI» جانە «Elbit Systems», «ءىاى» جانە «Ness» سياقتى يزرايل اسكەري-ونەركاسىپ كەشەنىنىڭ كاسىپورىندارىمەن بايلانىس ورناتىلعان.
قازاقستان قورعانىس ءمينيسترى: «بۇگىنگى تاڭدا قازاقستان قارۋلى كۇشتەرىنىڭ دامۋىن ايقىنداۋشى ۇدەرىس ونى كاسىبيلەندىرۋ بولىپ تابىلادى. قازىرگى كەزەڭدە سوعىستاردىڭ تۇرلەرى مەن ولاردى جۇرگىزۋ ادىستەرى وزگەردى, ال وندا قولدانىلاتىن قارۋ-جاراق پەن اسكەري تەحنيكا بىلىكتىلىگى جوعارى مامانداردى – اسكەري كاسىپقويلاردى قاجەت ەتەدى. بۇل رەتتە ءبىز يزرايل قارۋلى كۇشتەرىنىڭ جاۋىنگەرلىك دايارلىق تاجىريبەسىن زەردەلەۋگە ايرىقشا ءمان بەرەمىز», دەدى قابىلداۋ قورىتىندىسىندا.
ەندى ءا.جاقسىبەكوۆ يزرايل قورعانىس ءمينيسترى م.ياالونمەن كەزدەسەتىن بولادى.
«ەگەمەن-اقپارات».
