قىزىلوردادا قارجى پوليتسەيلەرى وبلىستىق مونوپولياعا قارسى ينسپەكتسيانىڭ باستىعى ءالىم ايمىرزاەۆتى (سۋرەتتە) پارا الۋ فاكتىسى بويىنشا ۇستادى. بۇل تۋرالى Ras.kz حابارلادى.
«2014 جىلعى 16 قاڭتاردا قىزىلوردا وبلىستىق قارجى پوليتسياسى دەپارتامەنتى قىزمەتكەرلەرىنىڭ وبلىستىق مونوپولياعا قارسى ينسپەكتسيانىڭ باستىعى ءالىم ايمىرزاەۆقا قاتىستى جۇرگىزگەن ارنايى جەدەل ىزدەستىرۋ شارالارىنىڭ ناتيجەسىندە ونىڭ پارا الۋ فاكتىسى بويىنشا قىلمىستىق ءىس قوزعادى», – دەلىنگەن حابارلامادا.
«ول 2014 جىلدىڭ 15 جانە 16 قاڭتار كۇندەرى مەملەكەتتىك ساتىپ الۋ مەرزىمىن ۇزارتۋعا كەلىسىم بەرۋ ءۇشىن «قىزىلوردا تازالىعى» جشس ديرەكتورىنان جالپى سوماسى 2 مىڭ اقش دوللارى جانە 295 مىڭ تەڭگە كولەمىندە پارا الدى دەپ ايىپتالىپ وتىر», – دەپ تۇسىندىرىلەدى ءباسپاسوز پاراقشاسىندا.
سوتتىڭ 18 قاڭتارداعى سانكتسياسىمەن ايمىرزاەۆ ۇيقاماققا الىندى.
قىلمىستىق ءىستىڭ باسقا اقپارلارى تەرگەۋ مۇددەسى ءۇشىن ايتىلماي وتىر.
فارحات فازىل.
دەرەككوز: Ras.kz
فوتو: Ras.kz.
