21 قاڭتار، 2014

جولداۋعا جەدەل ۇنقوسۋ

114 رەت كورسەتىلدى

ERA 1756رومان كيم،

پارلامەنت ءماجىلىسىنىڭ دەپۋتاتى:

– پرەزيدەنت ءوزىنىڭ ءار جولداۋىندا مەم­لە­كەتتى العا جىلجىتۋ ءۇشىن ەلدىڭ ناقتى، اي­قىن ماقساتى بولۋى قا­جەت­تىگىن ايتىپ كەلەدى. «قازاقستان-2050» سترا­تەگياسى مەملەكەتتىڭ جان-جاقتى دامۋىنا، ونىڭ ىلگەرى جىلجۋىنا ىق­پال ەتەتىن وسىنداي ءبىر­دەن-ءبىر ايقىندالعان ماقسات-مىندەت دەپ ەسەپتەيمىن. ارينە، بۇل ستراتەگيا ۇلكەن، اۋقىمدى كەزەڭدى قامتيدى. الايدا، ەلباسى ءوز جولداۋىندا بۇل كەزەڭنىڭ بەلەسىن 5 كەزەڭگە ءبولىپ، باعىندىرۋ قاجەتتىگىنە نازار اۋداردى.

 

ماڭگىلىك قازاقستان جوباسى – جاڭا ءداۋىردىڭ كەمەل كەلبەتى

 

ERA 1756رومان كيم،

پارلامەنت ءماجىلىسىنىڭ دەپۋتاتى:

– پرەزيدەنت ءوزىنىڭ ءار جولداۋىندا مەم­لە­كەتتى العا جىلجىتۋ ءۇشىن ەلدىڭ ناقتى، اي­قىن ماقساتى بولۋى قا­جەت­تىگىن ايتىپ كەلەدى. «قازاقستان-2050» سترا­تەگياسى مەملەكەتتىڭ جان-جاقتى دامۋىنا، ونىڭ ىلگەرى جىلجۋىنا ىق­پال ەتەتىن وسىنداي ءبىر­دەن-ءبىر ايقىندالعان ماقسات-مىندەت دەپ ەسەپتەيمىن. ارينە، بۇل ستراتەگيا ۇلكەن، اۋقىمدى كەزەڭدى قامتيدى. الايدا، ەلباسى ءوز جولداۋىندا بۇل كەزەڭنىڭ بەلەسىن 5 كەزەڭگە ءبولىپ، باعىندىرۋ قاجەتتىگىنە نازار اۋداردى.

مەملەكەت باسشىسى، سونداي-اق، ءوز جولداۋىندا قازاقستاننىڭ ءاربىر ازاماتىنىڭ، ەلىمىزدىڭ ءاربىر تۇرعىنىنىڭ ءال-اۋقاتىنىڭ كوتەرىلۋى مەن ارتۋى ۇنەمى نازاردا تۇراتىنىنا توقتالدى. بۇل مەملەكەت الدىندا تۇرعان اۋقىمدى مىندەت دەپ ويلايمىن. وسى ورايدا، ەلباسى نۇرسۇلتان نازارباەۆ ءوزى كوتەرگەن ماسەلەلەر جونىندە تاپسىرمالار بەرىپ قانا قويماي، ولاردىڭ ورىندالۋىنىڭ ناقتى مەرزىمدەرىنە دەيىن بەلگىلەپ بەردى.

ارينە، ەلىمىزدىڭ الەمنىڭ دامىعان 30 ەلىنىڭ قاتارىنا ەنۋىنە قاجەتتى بىرنەشە العىشارت بار. سولاردىڭ ءبىرى – پرەزيدەنت ايرىقشا توقتالعان اگروونەركاسىپتىك كەشەن. مەن پارلامەنت ماجىلىسىندەگى اگرارلىق كوميتەتتىڭ مۇشەسىمىن. وسى رەتتە، مەن ەلباسى اتاپ وتكەن بىرقاتار ماسەلەگە نازار اۋدارعىم كەلەدى. ماسەلەن، پرەزيدەنت ءوزىنىڭ سوزىندە اۋىل شارۋاشىلىعىندا جۇمىس ىستەپ جۇرگەن كەز كەلگەن ازامات كەشەگى كۇنمەن ءومىر سۇرمەۋى قاجەتتىگىن باسا ايتتى. ياعني، بۇگىنگى تاڭدا اۋىل شارۋاشىلىعىن كوتەرۋ ءۇشىن جاڭا تەحنولوگيالار، جاڭا يننوۆاتسيالار اۋاداي قاجەت. مەملەكەت باسشىسى، مىنە، وسىنداي ماسەلەلەردى كۇن تارتىبىنە شىعاردى.

 

ERA 1241عاني قاليەۆ،

«اۋىل» پارتياسىنىڭ توراعاسى:

– اگروونەركاسىپ كەشە­نى – اسا كۇردەلى ماسە­لە. مۇناي مەن گاز، ۋران، باسقا دا جەراس­تى قاز­با بايلىقتارى ءماڭ­گى­لىك ەمەس، ءتۇبى ءبىر تاۋ­سىلادى، سارقىلادى. حالىق­تى نەگىزىنەن اۋىل شا­رۋا­شىلىعى اسىرايدى.

ءبىزدىڭ ەلىمىزدە اۋىل شارۋاشىلىعىنا قا­جەت­تى جەرلەر كوپ. وكىنىشكە قاراي، بىزدەگى جەر قۇنارلىلىعى دامىعان ەل­دەر جەرلەرىنە قاراعاندا تومەندەۋ، اۋا رايى دا قاتالداۋ. «بيوپوتەنتسيال» دەگەن بار. وسى جاعىنان العاندا، ءبىزدىڭ اۋىل شارۋا­شى­لىعىمىزدىڭ بيوالەۋەتى رەسەيدەن 2،5-3 ەسە، ەۋروپادان 5 ەسە كەم. سوندىقتان اۋىل شا­رۋا­شىلىعى سالاسىنا ۇكىمەت تاراپىنان كوبىرەك قولداۋ كورسەتىلۋى كەرەك. بۇل ماسەلە كەيدە ەسكەرىلەدى، كەيدە ەسكەرىلمەيدى. پرەزيدەنتتىڭ جولداۋىنان كەيىن وسى ماسەلەلەر قولعا الىناتىن شىعار دەگەن ويدامىن.

ەلباسىمىز ەرەكشە توقتالعان تاعى ءبىر ماسەلە – عىلىمنىڭ جەتىستىگىن پايدالانۋ. عىلىمدى پايدالانباسا، ەكونوميكانىڭ بارلىق سالاسى ەشقاشان دامىمايدى. ونىڭ ىشىندە، ارينە، اۋىل شارۋاشىلىعى دا بار. سوڭعى كەزدەردە عىلىمدى، ونىمەن اينالىساتىن عالىمداردىڭ بەدەلىن تومەندەتىپ جىبەردىك. عالىمداردىڭ الەۋمەتتىك جاعدايلارىن شەشۋدى، ولاردىڭ قوعامداعى ورنىن قايتا قالپىنا كەلتىرۋدى قولعا الساق، جاقسى-اق بولار ەدى.

 

ERA 1903الەكساندر سميرنوۆ،

«سۋومي» ەتنومادەني بىرلەستىگىنىڭ توراعاسى:

– ەلباسى ن.نازار­باەۆ ءوزىنىڭ ءار جىل­دار­دا­عى جولداۋلارىندا مەم­لەكەتكە جاڭا مىندەتتەر جۇك­تەپ قانا قويماي، سول ارقىلى حالىقتىڭ جۇرە­گىنە سەنىم ۇيالاتىپ كەلە­دى. ارينە، مەملەكەت باس­­شىسى بەلگىلەگەن ماق­­سات-مىندەتتەر، ولاردى جۇزەگە اسىرۋ وڭاي ەمەس. دەسەك تە، ولاردى كە­زەڭ-كەزەڭمەن باعىندىرۋعا بولادى دەپ ويلايمىن.

پرەزيدەنت اتاپ وتكەندەي، الداعى ۋاقىتتا ءبىز «جاسىل ەكونوميكانى» دامىتۋىمىز كەرەك. وتكەن جىلدىڭ ءساۋىر ايىندا قازاقستان–فينليانديا ءسامميتى ۇيىمداستىرىلعان بولاتىن. سول كەزدە دە ەكى ەلدىڭ پرەزيدەنتتەرى «جاسىل ەكونوميكا» توڭىرەگىندە اڭگىمە قوزعاپ، ونى جاڭعىرتۋ ماسەلەسىن تالقىلاعان ەدى. دەمەك، بولاشاقتا قوس تاراپ وسى باعىتتاعى اۋقىمدى جوبالاردى قولعا الىپ، ولاردى بىرلەسە جۇزەگە اسىراتىن بولادى. مەنىڭ ويىمشا، «جاسىل ەكونوميكانى» باسشىلىققا الىپ، مەملەكەتتى العا جىلجىتۋ باستاماسى دەر كەزىندە قولعا الىنىپ وتىر. بۇل وتە دۇرىس شەشىم. سەبەبى، «جاسىل ەكونوميكا» – بولاشاق، ەلدىڭ بولاشاعىن ايقىندايتىن تەتىك. دەمەك، سول ارقىلى ءبىز ىلگەرى قادام جاساپ، جاڭاشا ءومىر ءسۇرۋىمىز كەرەك.

بۇگىندە مەنىڭ اينالامدا بىلىكتى ينجەنەرلەر توبى جۇمىس ىستەيدى. ولار فيندەرمەن بىرلەسىپ، بىرقاتار جوبالاردى ازىرلەۋدە. ءبىزدىڭ ەكسپو-2017 حالىقارالىق كورمەسىنە دايىنداپ جاتقان ءبىر اۋقىمدى جوبامىز بار. ونى ۋاقىتى كەلگەندە كورىپ، باعاسىن بەرەسىزدەر دەپ ويلايمىن.

 

ERA 1681باقىت سۇلتانوۆ، قارجى ءمينيسترى:

– ەلباسى «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى جولداۋىندا 30 ەڭ دامىعان ەلدىڭ قاتارىنا كىرۋگە قاتىستى ناقتى مىندەتتەردى 7 باسىمدىق بويىنشا ايقىنداپ بەردى. سونىڭ ىشىندە «ماڭگىلىك ەل» دەگەن ۇلتتىق يدەيانىڭ 7 قاعيداتىن العا تارتۋى قازاقستاندىقتار ءۇشىن مول مۇمكىندىكتەردىڭ اشىلىپ وتىرعاندىعىنىڭ ايعاعى بولسا كەرەك. بۇل وتە جاۋاپكەرشىلىكتى ءىس بولعاندىقتان، وعان بارلىعى دا اتسالىسۋى قاجەت.

جانە دە جولداۋدا ۇكىمەت پەن ۇلتتىق بانك الدىنا 7 تاپسىرما قويىلعاندىعىن دا ايتا كەتكەن ءجون. جولداۋدا كورىنىس تاپقان مىندەتتەردى جۇزەگە اسىرۋ ءۇشىن ۇكىمەت ناقتى جوسپارلار قۇراتىن بولادى. تۇتاستاي العاندا، ەل ەكونوميكاسىنىڭ ءوسىمى 6-7 پايىز دەڭگەيىندە ساقتالىپ، تۇراقتى داميتىندىعىنا سەنىم مول.

 

ERA 1576سەرىك ۇمبەتوۆ،

پارلامەنت ءماجىلىسىنىڭ دەپۋتاتى:

– ەلباسى «دامىعان ەل» ۇعىمىنىڭ ۋاقىتقا سايكەس وزگەرىپ تۇراتىن كاتەگوريا ەكەندىگىن، دامىعان ەلدەردە حا­لىق­تىڭ مۇلدە جاڭا ءومىر ساپاسىنا قول جەتكىزگەنىن تاعى دا ايتىپ ءوتتى. بىراق وسىنداي نارىقتىق جاعدايدا قول جايىپ بىرەۋدەن كومەك كۇتپەي، ءوزىڭنىڭ قارمانۋىڭ قا­جەتتىگىن، ەڭبەكتەنۋىڭ، ونىڭ ىشىندە ءتيىمدى ەڭبەكتەنۋ قاجەتتىگىن اركىم-اق ءتۇسىنۋى ءتيىس. حالقىمىز «ەڭبەك ەتسەڭ – ەمەرسىڭ» دەمەي مە. ال مەملەكەتتىڭ مىندەتى وسىعان بارلىق جاعدايدى جاساۋ دەسەك، زاڭدىق نەگىزدەر قالانعان قوعامدا بۇگىنگى كۇنى ورتا جانە شاعىن بيزنەستىڭ تىنىسى اشىلىپ، ولارعا كىدىڭدەپ باراتىن تەكسەرۋلەر ازايدى. ەندىگى ماقسات – شاعىن بيزنەستى ورتا دەڭگەيگە كوتەرۋ. ورتالار، ارينە، العا ۇمتىلسىن. ال الەمنىڭ كوشباسشى ەلدەرىندە وسى ورتا دەڭگەيدەگى بيزنەس الاتىن ۇلەس قوماقتى. ال ورتا دەڭگەيدىڭ كوبەيۋى حالىق تۇرمىسىنىڭ جاقسارعانى عوي.

ەلباسى باعا قالىپتاستىرۋدىڭ اشىق تەتىكتەرى ارقىلى ءتيىمدى جەر نارىعىن قۇرۋدىڭ ماڭىزدىلىعىنا ءمان بەردى. شىنىندا، جولداۋدا ايتىلعانداي، اۋىلشارۋاشىلىق جەرلەرىن ينۆەستيتسيا تارتۋ جانە وزىق تەحنولوگيالار ەنگىزۋدى ەسكەرىپ جالعا بەرگەندە عانا باسەكە كۇشەيەدى. ال جاقسى ماعىناداعى باسەكەلەستىك تيىمدىلىك، جوعارى ءونىم. سوندىقتان دا بيزنەستىڭ دامۋىنا، فەرمەرلەر كووپەراتسياسىنىڭ ۇدەرىسىنە، جەردى ءتيىمدى پايدالانۋعا بوگەت جاسايتىن بارلىق كەدەرگىلەردى جويۋ قاجەت دەگەن ويعا تولىق قوسىلامىن. اگرارلىق سەكتوردىڭ دۇرىس دامۋى دەگەنىمىز، ەگەر وسى سەكتورداعى حالىقتىڭ دەنى ءوزىمىزدىڭ قاراكوزدەر ەكەنىن ەسكەرسەك، ول ۇلتقا جاسالعان جاناشىرلىق دەپ ۇققان ءجون.

ەلدى مەكەندەردە شاعىن جانە ورتا بيزنەس تۇرىندەگى جاڭا وڭدەۋ كاسىپورىندار جەلىسى قۇرىلىپ جاتسا، ولاردى نەسيەلەۋگە نيەت تۇبىرىمەن دۇرىستالىپ جانە ول ۇزاقمەرزىمدى قارجىلاندىرۋ مەن وتكىزۋ نارىقتارىنا دەلدالسىز، تىكەلەي شىعا السا، اۋىل شارۋاشىلىعىنىڭ ايدارىنان جەل ەسەتىن بولادى.

 

ERM 7099نيكولاي قۋاتوۆ،

قۇرلىق اسكەرلەرى اسكەري ينستيتۋتىنىڭ باستىعى، گەنەرال-مايور:

– ءبىز مەملەكەت باس­شىسىنىڭ قازاقستان حال­قىنا كەزەكتى جول­داۋىن ءوز اۋزىنان ەستىپ، زور اسەر الدىق. داۋلەتتى مەملەكەت بولعانىمىز قاراپايىم تىلمەن جەت­كىزىلدى. مۇنى ءبىز ۇزاق جىلداردان بەرى ەل پرەزيدەنتى – قارۋلى كۇشتەردىڭ جوعارعى باس قولباسشىسىنىڭ 1991 جىلدان باستاپ قارۋلى كۇشتەرىمىزدىڭ، ارميامىزدىڭ دامۋىنا جاساپ وتىرعان قامقورلىعىن سەزىنىپ، ونى ءوز كوزىمىزبەن كورىپ كەلەمىز.

جولداۋدا مەملەكەت باسشىسى عىلىم مەن بىلىمگە، قازاقستاندىق پاتريوتيزمگە باسا نازار اۋداردى. مۇنىڭ، ارينە، بىزگە، بولاشاق ۇرپاق تاربيەلەپ وتىرعان، اسىرەسە، بولاشاق وتان قورعاۋشى ازىرلەيتىن اسكەر باسشىلارىنا قاتىسى بار. راسىندا، قازاقستان داۋلەتتى دە ساۋلەتتى مەملەكەتكە اينالدى، جوعارعى باس قولباسشىنىڭ بەلگىلەگەن باعىت-باعدارى بويىنشا قويىلعان تاپسىرمالار تولىعىمەن ورىندالدى. جانە دە جوعارعى باس قولباسشىنىڭ العا قويعان تاپسىرمالارى ماقساتقا ساي. ول ءۇشىن اركىم ءوز ورنىندا جۇمىس ىستەپ، ەڭبەك ەتۋى ءتيىس، ءوزىنىڭ بار ءبىلىمى مەن تاجىريبەسىن مەملەكەتتىڭ وركەندەۋىنە ارناۋى قاجەت.

عىلىمعا بايلانىستى سوزىندە جوعارعى باس قولباسشى عىلىمسىز العا باسۋدىڭ مۇلدەم مۇمكىن ەمەستىگىن شەگەلەپ ايتتى. ءبىز كۋرسانتتاردىڭ – بولاشاق وفيتسەرلەردىڭ ساناسىنا وتانسۇيگىشتىك سەزىمىن ءسىڭىرىپ كەلەمىز. سوندىقتان كۋرسانتتار، بولاشاق وفيتسەرلەر وتاندى سۇيۋگە، وتاندى قورعاۋ ءۇشىن ءبىزدىڭ ەلىمىزدىڭ جانە جوعارعى باس قولباسشىمىزدىڭ بۇيرىعىن ورىنداۋعا ارقاشان دايىن ەكەندىگىن ايتقىم كەلەدى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار