سونىمەن قاتار وسى جىلدىڭ ماۋسىم-شىلدە ايلارىندا ينفەكتسيالىق توسەك-ورىن 585-تەن 2 340-قا, ال رەانيماتسيالىق ورىن 90-نان 172-گە دەيىن كوبەيىپ, قازىر جۇكتەمە 55 پايىزدى قۇراپ وتىر. پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ايماقتاعى ەپيدەميالىق احۋالدى بايانداعان وبلىس اكىمى گۇلشارا ابدىقالىقوۆا وسىنداي دەرەكتەردى ءمالىم ەتتى.
«قۇرىلىسى بىلتىر باستالعان مودۋلدىك ستاتسيونار ىسكە قوسىلىپ, كوۆيدتىك ناۋقاستاردى قابىلداي باستادى. وڭىردە 6 وتتەگى ستانساسى جۇمىس ىستەۋدە. ءدارى-دارمەكتەن تاپشىلىق جوق. كوروناۆيرۋس ينفەكتسياسىنا قارسى كۇرەس جۇمىستارىنا قاجەتتى مەديتسينالىق كادرلار مەن قۇرال-جابدىقتار جەتكىلىكتى», دەدى وبلىس اكىمى.
قازىر وبلىستا تاۋلىگىنە 1300-1500 سىناما الىنۋدا. ەكپە الاتىن 401 مىڭ تۇرعىننىڭ 61,4%-ى ۆاكتسينا الدى. قىركۇيەك ايىندا كورسەتكىش 85%-عا جەتەدى دەپ جوسپارلانۋدا. ايماقتا Ashyq جوباسى ارقىلى 2 749 نىسان جۇمىس ىستەپ جاتىر. بۇل رەتتە مونيتورينگتىك توپتار جۇمىستارىنا باسا نازار اۋدارىلىپ وتىر. بۇگىنگە دەيىن 167 توپ 12 441 نىسانعا رەيدتىك تەكسەرىس جۇرگىزدى. ناتيجەسىندە, كارانتين تالاپتارىن بۇزۋدىڭ 459 دەرەگى انىقتالىپ, 33,4 ملن تەڭگە ايىپپۇل سالىندى.
ەپيدەميالىق احۋالعا بايلانىستى اتقارىلىپ جاتقان جۇمىستار بارىسى كۇن سايىن دەرلىك وتكىزىلىپ جاتقان بريفينگتەردە ايتىلادى. باق وكىلدەرىمەن وسىنداي كەزدەسۋدە تەك 9 تامىزدا مونيتورينگتىك توپ وبلىس بويىنشا 15 رەيد ۇيىمداستىرىپ, 55 نىسان تەكسەرۋدەن وتكەنى بايان ەتىلدى. وسى ءبىر كۇننىڭ ىشىندە كارانتين تالاپتارىن ساقتاماعان 12 وقيعا تىركەلگەن. ولاردىڭ كوپشىلىگى – وتباسىندا توي ۇيىمداستىرعاندار. وندايلار وبلىس ورتالىعىمەن قاتار ارال, قازالى, شيەلى اۋداندارىندا كوبىرەك انىقتالىپ وتىر. قىزىلوردا قالاسىندا ورنالاسقان كافە قىزمەتكەرىنىڭ كەلۋشىلەرگە قورعانىش قۇرالدارىنسىز قىزمەت كورسەتكەنى دە بەلگىلى بولدى. ولاردىڭ بارىنە اكىمشىلىك ايىپپۇل سالىندى.
بىلتىر ەگدە كىسىلەرگە جاۋداي تيگەن دەرت بيىل بالالار اراسىنان ءجيى بايقالىپ وتىرعانى دا مامانداردى الاڭداتۋلى. قازىر كوپبەيىندى وبلىستىق بالالار اۋرۋحاناسىندا 72 ناۋقاس ەم الۋدا. ونىڭ 59-ى – ءارتۇرلى جاستاعى بالالار. قالعاندارى – بالالاردىڭ انالارى مەن كۇتىم بويىنشا جاتقىزىلعاندار.
وبلىستىق بالالار اۋرۋحاناسىنىڭ پەدياتر دارىگەرى جۇلدىز قۋاتوۆانىڭ ايتۋىنشا, ءساۋىر ايىندا اۋرۋحانادان 20 توسەكتىك كوروناۆيرۋس ينفەكتسياسى بولىمشەسى اشىلسا, شىلدەدە ىندەتتىڭ ورشۋىنە بايلانىستى ورىن سانى 90-عا جەتكەن.
ء«بىر جاسقا دەيىنگى سابيلەر اراسىندا دا ىندەتكە شالدىققاندار تىركەلۋدە. وسى كۇنى جانساقتاۋ بولىمىندە 2 بالا جاتىر. ونىڭ ءبىرى – نارەستە, ەكىنشىسى – ءجاسوسپىرىم بالا. كوپشىلىگى اۋرۋحاناعا جاعدايى ناشارلاپ, تەمپەراتۋراسى 39-40-تان تۇسپەي كەلەدى. سوندىقتان بالالاردى كوپشىلىك ورىندارعا اپارۋدان باس تارتا تۇرعان ءجون», دەيدى دارىگەر.
مونيتورينگتىك توپ وكىلدەرى دە, دارىگەر ماماندار دا اۋرۋدى تاراتپاۋدىڭ بىردەن-ءبىر جولى توي وتكىزۋدى توقتاتۋ ەكەنىن ايتىپ وتىر. ءدال قازىر تەرەزەسى تارس بۇركەلگەن تويحاناعا سىرت كوزگە ەلەۋسىز ساڭىلاۋدان سىپ ەتىپ كىرىپ, «قازاقتىڭ تويى بىتپەسىن» دەپ سىبىرلاي تىلەك ايتاتىن كەز ەمەس. ءوزىمىزدىڭ, جاقىنىمىزدىڭ اماندىعى ءۇشىن ونداي جاسىرىن جيىندارعا بارۋدان باس تارتساق, ىندەتتىڭ بەتىن قايتارۋعا قوسقان ۇلەسىمىز بولار ەدى.
