كەشە قازاقستان رەسپۋبليكاسى پارلامەنتى سەناتىنىڭ توراعاسى, الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى قاسىم-جومارت توقاەۆ استانا جانە قازاقستان ءميتروپوليتى الەكساندرمەن كەزدەستى.
كەشە قازاقستان رەسپۋبليكاسى پارلامەنتى سەناتىنىڭ توراعاسى, الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى قاسىم-جومارت توقاەۆ استانا جانە قازاقستان ءميتروپوليتى الەكساندرمەن كەزدەستى.
جۇزدەسۋشىلەر قازاقستان پرەزيدەنتى ن.ءا.نازارباەۆتىڭ باستاماسىنا سايكەس قازىرگى زامانداعى ەڭ وزەكتى ماسەلەلەر بويىنشا دىنارالىق ۇنقاتىسۋدى دامىتۋدىڭ كەلەشەگىن تالقىلادى. ق.توقاەۆ الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ كەزەكتى وتىرىسى ۇستىمىزدەگى جىلعى 17-18 قىركۇيەكتە بولاتىنى جانە ونىڭ بارىسىندا 2015 جىلعى سەزدىڭ وتەتىن ناقتى مەرزىمى انىقتالاتىنى تۋرالى حاباردار ەتتى.
سونداي-اق, ق.توقاەۆتىڭ ماسكەۋ جانە بۇكىل رەسەي پاتريارحى كيريللمەن كەزدەسۋى ءۇشىن بيىلعى جىلدىڭ سوڭىندا ماسكەۋگە ساپارمەن بارۋ ءمۇمكىندىگى تالقىلاندى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
