چيلي زەرتتەۋشىلەرى جاڭا باكتەريا تاپتى

چيلي زەرتتەۋشىلەرى جاڭا باكتەريا تاپتى. بۇل تۋرالى يتار-تاسس اگەنتتىگىنە سىلتەمە جاساعان Ras.kz حابارلادى.

«Borrelia chilensis اتاۋىن العان جاڭا باكتەريا سپيروحەت تارتىبىنە جاتادى. ول ءارتۇرلى كەمىرگىشتەردىڭ بويلارىندا قان سوراتىن يكسود كەنەسىنەن تابىلدى», – دەلىنگەن حابارلامادا.

عالىمدار بۇل جاڭالىقتىڭ الەمدىك عىلىمدا الاتىن ورنىنىڭ ماڭىزدىلىعىنا توقتالىپ وتىر. سەبەبى, وسى كەزگە دەيىن سولتۇستىك جارتى شاردا كەزدەسەتىن لايما اۋرۋىن قوزدىراتىن باكتەريانى يكسود كەنەسى تاراتادى دەپ ەسەپتەلىپ كەلگەن بولاتىن. كەيدە بۇل كەنەلەر ادامداردى دا اۋرۋعا شالدىقتىرادى.

جاڭا باكتەريانى اشقاندا قاتارىندا زەرتتەۋشىلەر دانيەل گونسالەس اكۋنيا, روبەرتو مۋرۋا, كلاۋديو ەرناندەس, حاۆەرۋ كابەلو, سونداي-اق چيليدەگى بىرقاتار ۋنيۆەرسيتەتتەردىڭ وكىلدەرى لاريسا يۆانوۆا, الەحاندرا توموۆ, توماس دەنيەلس, گەنري گودفري جانە فەليپە كابەلو بار.

ال «دە كونسەپسون» ۋنيۆەرسيتەتى ۆەتەرينارلىق عىلىمدار فاكۋلتەتىنىڭ اكادەميگى دانيەل گونسالەس اكۋنيا: «قازىرگى ساتتەگى يدەيا كەنەنىڭ دامۋ تسيكلىن زەرتتەۋ, ونىڭ ءپارازيتيزمى باسقا ءسۇت قورەكتىلەر مەن ادامعا اسەر ەتۋى مۇمكىن بە؟ وسىنى ءبىلۋدىڭ ماڭىزى زور», – دەدى.

ايدار ورىسباەۆ.

دەرەككوز: Ras.kz

فوتو: Itar-tass.com