«رودينا» اگروفيرماسىنىڭ كەشەگىسى مەن بۇگىنگى تىرشىلىگىنە كوز سالعان كىسى ەلەسكە دە باعىنبايتىن وزگەرىستەر قۇشاعىندا تولعاناتىنى بار. ەل ومىرىندەگى ەلەۋلى وقيعالاردىڭ ءبارى وسىندا. شارۋاشىلىققا جۇرتتى جۇمىلدىرا بىلەتىن, قيىندىققا قايىسپاۋعا باۋليتىن باسشى بۇيىرعان ەكەن. مۇنداعىلار «رودينانىڭ» ارتتا قالۋعا حاقىسى جوقتىعىن تۇسىنەدى.
«رودينا» اگروفيرماسىنىڭ كەشەگىسى مەن بۇگىنگى تىرشىلىگىنە كوز سالعان كىسى ەلەسكە دە باعىنبايتىن وزگەرىستەر قۇشاعىندا تولعاناتىنى بار. ەل ومىرىندەگى ەلەۋلى وقيعالاردىڭ ءبارى وسىندا. شارۋاشىلىققا جۇرتتى جۇمىلدىرا بىلەتىن, قيىندىققا قايىسپاۋعا باۋليتىن باسشى بۇيىرعان ەكەن. مۇنداعىلار «رودينانىڭ» ارتتا قالۋعا حاقىسى جوقتىعىن تۇسىنەدى.
بۇگىنگى كۇنى زامانالىق اگروقالاشىققا اينالعان شارۋاشىلىق كوپ سالالى قىزمەت اتقارادى. سوڭعى ءۇش جىل قاتارىنان مۇندا جىل سايىن 2,5 ميلليارد تەڭگەنىڭ ءونىمى ءوندىرىلىپ, ءار جۇمىسشىعا شاققانداعى ەڭبەك ونىمدىلىگى 35 مىڭ دوللارعا جەتىپ وتىر. جالپى, ءونىمنىڭ 35 پايىزى مال شارۋاشىلىعىنىڭ ۇلەسىندە. ەلباسى جۇكتەگەن مارتەبەلى مىندەت – استانانىڭ ازىق-ت ۇلىك بەلدەۋىن قامتاماسىز ەتۋدەگى ەگىنشىلەر ۇلەسى دە سالماقتى. ديقاندار «ءونۇشىنشى» ەڭبەكاقىنى قوسپاعاندا, ايىنا150 مىڭ, مالشىلار 100 مىڭ تەڭگەدەن كەم جالاقى المايدى.
وتكەن جىلى رودينادا توي كوبەيىپ, 20 بوبەك دۇنيەگە كەلدى. بۇل ۇلكەن مەرەكە. مۇندا جاس جۇبايلارعا 100 مىڭ تەڭگە, ءسابي تۋعاندا 100 مىڭ تەڭگە قارجىلاي ساۋعا جاساۋ ءداستۇرى بار. «التىن بەلگى» گرانتى, ستۋدەنتتىك شاكىرتاقى دا وسىندا. ورتالىقتان جىلىتىلاتىن جايلى ۇيدە تۇراتىن رودينالىقتار سۋ مەن جىلۋ قۇنىنىڭ 40 پايىزىن, ازىق-ت ۇلىك ونىمدەرىنىڭ 20 پايىزىن عانا تولەپ, ناندى 25 تەڭگەدەن ساتىپ الادى. مۇنداي جەڭىلدىك اۋىلداعى 230 زەينەتكەر مەن 117 بيۋدجەتتىك مەكەمە قىزمەتكەرلەرىنە بىردەي دارەجەدە قاراستىرىلعان. جاس ماماندار جاڭا جىلدى «جاستار» شاعىن اۋدانىنداعى جارقىراعان جاڭا تۇرعىن ۇيلەردە قارسى الدى.
ەلباسى نۇرسۇلتان نازارباەۆ قازاقستان تاۋەلسىزدىگىنىڭ 22 جىلدىعىنا ارنالعان سالتاناتتا شارۋاشىلىق ديرەكتورى يۆان ساۋەردىڭ ومىراۋىنا قازاقستاننىڭ ەڭبەك ەرى التىن جۇلدىزىن تاقتى. «رودينانىڭ» التىن ءداۋىرى جالعاسا بەرمەك.
باقبەرگەن امالبەك,
«ەگەمەن قازاقستان».
اقمولا وبلىسى,
تسەلينوگراد اۋدانى.
سۋرەتتەردى تۇسىرگەندەر ەرمۇرات دوسىموۆ, يگور بۋرگاندينوۆ.
