ساياسات • 29 شىلدە، 2021

وزەكتى ماسەلەلەر – دەپۋتاتتار نازارىندا

15 رەت كورسەتىلدى

سەناتور عۇمار دۇيسەمباەۆ اتىراۋ وبلىسىنا ساپارى اياسىندا ءوڭىردى ەت-ءسۇت ونىمدەرىمەن قامتاماسىز ەتۋگە ماماندانعان قىزىلقوعا اۋدانىندا بولدى، دەپ حابارلادى جوعارعى پالاتا­نىڭ ءباسپاسوز قىزمەتى.

سەناتورمەن كەزدەسۋدە مۇقىر اۋىلىنىڭ تۇرعىندارى مادەنيەت ءۇيى مەن سپورت كەشەنىنىڭ قۇرىلىسىنا قاتىستى ماسەلەلەردى كوتەردى. بۇل قۇرىلىستاردىڭ ءبىرى باستالماي، ەكىنشىسى اياقتالماي تۇر. مۇقىر – قۇلسارى اۆتوموبيل جولىنىڭ جاعدايى دا تۇرعىنداردى الاڭداتىپ وتىر. سەناتور بۇل ماسەلە تۋرالى حاباردار ەكەنىن جانە بۇدان بۇرىن ول تۋرالى ەلىمىزدىڭ پرەمەر-ءمينيسترىنىڭ اتىنا دەپۋتاتتىق ساۋال جولداعانىن ايتتى.

«مەنىڭ دەپۋتاتتىق ساۋالىما مۇقىر – قۇلسارى اۆتوموبيل جولى ماقات – قاندىعاش جولى­نىڭ قۇرىلىسىنان ۇنەم­دەل­گەن قاراجات ەسەبىنەن سالىنادى دەگەن جاۋاپ كەلدى. بۇل جول­دىڭ قۇرىلىسى 2025 جىلعا دە­يىنگى اۆتو­موبيل جولدارىنىڭ كە­شەن­دى جوسپارىندا جەكە تار­ماق­پەن بەلگىلەنگەن»، دەدى عۇمار دۇيسەمباەۆ.

سەناتور سونداي-اق شاعىن اۋىل­داردى ارالاپ، تۇرعىندارمەن كەزدەسىپ، ەلدى مەكەندەردىڭ پروب­لەمالارىمەن تانىستى.

«وسى ساپار بارىسىندا مەن كەنباي، قوڭىراۋلى، تاس­قۇدىق، سوركول، سارىقۇماق جانە بىلقىلداقتى اۋىلدارىنا با­رۋدى جوسپارلاعان ەدىم. ولار­دىڭ كۇردەلى ماسەلەلەرىن شەشۋگە كومەكتەسۋ ماڭىزدى دەپ سا­ناي­مىن. بۇرىن فەرمەرلىك ور­تا­لىقتار بولعان قىزىلقوعا اۋدانىنىڭ وسى التى اۋىلىنا گاز قۇبىرىن تارتۋ جۇمىستارىن باستاۋ ءۇشىن جاقىندا 300 ميل­ليون تەڭگە ءبولىندى. قازىرگى ۋاقىتتا تەندەر جاريالانىپ، العاشقى جوبا­لىق جۇمىستار باستالادى»، دەدى عۇمار دۇيسەمباەۆ.

سەناتور سونداي-اق ەلەكتر قۋاتىن ءوشىرۋ پروبلەما­سىن «اتىراۋ-جارىق» باسشىلى­عى­مەن پىسىقتاۋ قاجەتتىگىن، ال گاز قۇبىرىن تارتۋ جۇمىس­تارى اياق­تالعانعا دەيىن اۋىل تۇرعىن­دارىن كومىرمەن ۋاقىتىندا قامتاماسىز ەتۋ قاجەت ەكەنىن اتاپ ايتتى.

تاسقۇدىق اۋىلىنىڭ تۇر­عىن­دارى تازا اۋىزسۋمەن قامتا­ما­سىز ەتۋ ماسەلەسىن ايتى. ويت­كە­نى اۋىز سۋى بار قۇدىق جەكە شا­­­رۋا قو­جا­لىعىنىڭ جەرىن­دە قال­­عان ەكەن. سەناتور بۇل ماسە­لە­گە نازار اۋدارىپ، اكىمدىك وكىل­دەر­ى­­نە ماسەلەنى شەشۋ قاجەت­تى­گىن ايت­­تى. ولار اۋىزسۋ ماسە­لەسى جا­­­قىن ارادا شەشىلەتىن بو­لا­دى، ال مالعا ارنالعان سۋ «قازترانسويل»كومپانياسىنىڭ جەر­­گى­­­­لىك­تى فيليالىنىڭ قولداۋى­مەن قام­­تاماسىز ەتىلەدى دەپ جا­ۋاپ بەردى.

عۇمار دۇيسەمباەۆ اتىراۋ وبلىسىنداعى شاعىن اۋىلداردىڭ وتكىر ماسەلەلەرى ۇنەمى ءوز نازارىن­دا ەكەنىن ايتىپ، ولاردى شەشۋ جونىندەگى جۇمىستاردى جالعاس­تىرۋعا ۋادە ەتتى.

سەناتورلار باقىتجان جۇما­عۇلوۆ پەن ءلاززات سۇلەيمەن ال­ماتى وبلىسىنىڭ اقسۋ اۋدا­نىن­­داعى قاپال اۋىلىنا بارعان سا­پارلارى بارىسىندا بىرقاتار الەۋ­مەتتىك نىساندى ارالاپ، حا­لىق­پەن كەزدەستى.

دەپۋتاتتار 1984 جىلى سا­لىنع­ان ەمحانانىڭ جۇمىسىمەن دە تانىستى. دارىگەرلەر ۇجىمى­مەن كەزدەسۋدە اۋىلدا اكۋشەر-گينەكولوگ پەن حيرۋرگ ماماندار جەتىسپەيتىندىگى جانە «جەدەل جار­دەم» كولىكتەرىنىڭ ەسكىرگەندىگى ايتىلدى. سەناتورلار بۇل ماسە­لەلەردىڭ شەشىمى تابىلاتىنىن جانە وبلىس باسشىلىعىمەن بىر­لەسىپ، «جەدەل جاردەم» كولىكتەرىن جاڭالاۋدى قولعا الاتىندارىن اتاپ ءوتتى.

دەپۋتاتتار اۋىلداعى اتاقتى تامشىبۇلاقتى كورىكتەندىرۋ جوسپارىمەن، تاريحي جادىگەر – شاياحمەت باي ۇيىنە جۇرگىزىلگەن رەستاۆراتسيالىق جۇمىستارمەن تانىستى. وسى ۇيدە قاپالدىڭ ولكەتانۋ مۋزەيىن ۇيىمداستىرۋ جوس­پارى تۋرالى ايتىلدى. سەنا­تورلار وعان قولداۋ كورسەتى­لەتىنىن اتاپ ءوتتى.

«قاپال – قۇندى تاريحي جادى­گەر­لەر كوپ ساقتالعان جەر. سون­دىقتان بۇل مەكەندە بولاشاق­تا ءتۋريزمدى دامىتۋعا، ونى ءتول تاريحىمىزدى تانىتاتىن ەلدى مەكەندەردىڭ بىرىنە اينالدىرۋعا كۇش سالۋىمىز قاجەت»، دەدى باقىت­جان جۇماعۇلوۆ.

دەپۋتاتتار عالي ورمانوۆ اتىنداعى مەكتەپ وقۋشىلاردىڭ جاز­عى لاگەرىنە باردى. وندا باقىت­­جان جۇماعۇلوۆ ءبىلىم سالاسىنا قاتىستى قابىلدانعان زاڭدار تۋ­رالى، مەملەكەت تاراپىنان ۇستاز­دار مەن وقۋشىلارعا جاسالىپ جاتقان جاعدايلار تۋرالى ايتتى.

ساپار بارىسىندا سەناتورلار حالىقپەن كەزدەسىپ، ولاردىڭ ماسەلەلەرىن تىڭدادى. اتالعان كەزدەسۋدە قاپال اۋىلىنداعى جەر قاتىناستارىن رەتتەۋ، جايى­لىم­مەن قامتاماسىز ەتۋ، ۆەتە­رينار­لىق پۋنكت اشۋ، اۋىلدى ابات­تان­دىرۋ جانە جولداردى جون­دەۋ ماسەلەلەرى كوتەرىلدى. بۇل ماسە­لەلەردىڭ بارلىعى سەناتورلار­لاردىڭ باقىلاۋىنا الىندى.

ءماجىلىس دەپۋتاتى، «اق جول» پار­تياسىنىڭ مۇشەسى ايگۇل جۇ­ماباەۆا قاراعاندى وبلىستىق جانە قالالىق ءماسليحاتتار دەپۋتاتتارىمەن بىرگە قالاداعى جانە ەلدى مەكەندەردەگى قۇرىلىس نىساندارىن ارالادى، دەپ حابارلادى تومەنگى پالاتانىڭ ءباسپاسوز قىزمەتى.

ساپار بارىسىندا قۇرىلىس­شىلار دەپۋتاتتارعا قۇرىلىس ماتەريالدارىنىڭ كۇرت قىمبات­تاۋى­نا بايلانىستى پروبلەما­لاردى ايتىپ، شىعىنعا ۇشىرا­عان­دارى جايلى باياندادى. كاسىپ­كەر­لەردىڭ ايتۋىنشا، ولار ۇلكەن شىعىنعا ۇشىراسا دا، جۇمىس ىستەۋگە ءماجبۇر.

اتاپ ايتقاندا، ساران قالاسىن­دا «اسپاپ» وندىرىستىك كووپەراتيۆى سپورت زالىنىڭ قۇرىلىسىن اياق­تاي الماي وتىر. سونىمەن قاتار اقجولدىق دەپۋتاتتار ساران جانە اباي قالالارىنداعى قۇرى­لى­سى اياقتالماعان تۇرعىن ءۇي كەشەن­دەرىنە دە باردى. ولارداعى جاعداي دا قۇرىلىس زاتتارىنىڭ كۇرت وسۋىمەن بايلانىستى.

ءىسساپار بارىسىندا دەپۋتاتتار شاحتينسك قالاسىنداعى اۆتوۆوكزالدى قايتا جوندەۋ جۇمىس­تارىمەن تانىستى.

كەزدەسۋ قورىتىندىسىندا دەپۋتاتتار تۋىنداپ وتىرعان پروب­لەمالاردى شەشۋگە كۇش سالاتىندارىن ايتتى.

ايتا كەتۋ كەرەك، بۇعان دەيىن ءماجىلىس دەپۋتاتتارى وزدەرىنىڭ دەپۋتاتتىق ساۋالدارى ارقىلى ۇكىمەتكە قۇرىلىس ماتەريالدارى نارىعىندا ءتارتىپ ورناتۋدى سۇراعان بولاتىن.

سوڭعى جاڭالىقتار

مارافون نەسىمەن ماڭىزدى؟

الەم • 26 قىركۇيەك، 2021

تاعدىرى تەمىردەي شىڭداعان قايراتكەر

قازاقستان • 26 قىركۇيەك، 2021

شەكتەۋدە شيرىققان شاعىن بيزنەس

بيزنەس • 26 قىركۇيەك، 2021

پياندج وزەنىندەگى ەرلىك

تاريح • 26 قىركۇيەك، 2021

ەڭبەكپەن ەسەيگەن ەر

قازاقستان • 26 قىركۇيەك، 2021

بەيتانىس ساعىنىش

الەم • 26 قىركۇيەك، 2021

Astana Open ءتۋرنيرى اياقتالدى

سپورت • 26 قىركۇيەك، 2021

شەكاراشىلار ەليتالىق اسكەر بولسا...

قازاقستان • 26 قىركۇيەك، 2021

ۇلىبريتانيادا تانىستىرىلادى

وقيعا • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

ايماقتار • 26 قىركۇيەك، 2021

مۇراعاتتاردىڭ ءحالى مۇشكىل

قوعام • 26 قىركۇيەك، 2021

نۇر-سۇلتان اۋەجايىندا ءتۇتىن شىقتى

ەلوردا • 26 قىركۇيەك، 2021

جالعىزدىق ارالى

كينو • 26 قىركۇيەك، 2021

تەننيس: Astana Open ءتۋرنيرى اياقتالدى

سپورت • 26 قىركۇيەك، 2021

ەلوردادا قار جاۋادى

قازاقستان • 26 قىركۇيەك، 2021

بالالار الاڭىنداعى تج: بالا ەسىن جيدى

ايماقتار • 26 قىركۇيەك، 2021

قاراعاندى-بالقاش تاس جولى جوندەلۋدە

ايماقتار • 26 قىركۇيەك، 2021

الماتىدا كىتاپ فەستيۆالى ءوتىپ جاتىر

ايماقتار • 26 قىركۇيەك، 2021

ماسكەۋدە جەتى جۇلدە الدىق

سپورت • 26 قىركۇيەك، 2021

ەلوردادا Astana Marathon-2021 ءوتىپ جاتىر

ەلوردا • 26 قىركۇيەك، 2021

بۇگىن ماشينا جاساۋ كۇنى

قازاقستان • 26 قىركۇيەك، 2021

قىزىلوردا وبلىسى «جاسىل» ايماققا ءوتتى

كوروناۆيرۋس • 26 قىركۇيەك، 2021

قانشا قازاقستاندىق ۆاكتسينا سالدىردى؟

كوروناۆيرۋس • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

قازاقستان • 26 قىركۇيەك، 2021

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار