كورشى مەملەكەتتەرمەن شەكارا جابىلعاندا ءبىرىنشى قاجەتتىلىكتى قامتاماسىز ەتەتىن تاۋارلاردىڭ باعاسى اسپانداپ شىعا كەلدى. وسىنداي ساتتە ءوڭىر ەكونوميكاسىنا جۇرگىزىلگەن تالداۋ وبلىسقا ازىق-ت ۇلىك تاۋارلارىنىڭ 95 پايىزى سىرتتان كەلەتىنىن كورسەتتى.
ىركىلىستىڭ سىلكىنىسكە سەبەپ بولارى راس ەكەن. سىرتتان كەلەتىن ونىمگە تاۋەلدى وبلىستى 2023 جىلعا دەيىن ەكونوميكالىق دامىتۋ جوسپارى قابىلدانىپ, سونىڭ ناتيجەسىندە ءبىرشاما بيزنەس قۇرىلىمدارى مەملەكەت قولداۋىنا يە بولدى. بۇگىندە وڭىردە جالپى قۇنى 8,6 ملرد تەڭگەنى قۇرايتىن 145 جوبا ىسكە جۇزەگە استى.
– دامۋ جوسپارى وبلىس تۇرعىندارىن ءبىرىنشى قاجەتتىلىكتەگى تاۋارلارمەن قامتاماسىز ەتۋدى كوزدەيدى. جاڭاعى جۇزدەگەن جوبانىڭ ىشىندە ءونىمى ەكولوگيالىق جاعىنان تازا جانە ساپالى كاسىپورىن كوپ. تاماق ونەركاسىبىندە قوي, سيىر, جىلقى ەتىنەن كونسەرۆىلەر, جارتىلاي فابريكاتتار, 16 ءتۇرلى شۇجىق ونىمدەرى, ماكارون ونىمدەرى, سونداي-اق اسقاباق سۋسىنى مەن شوكولاد وندىرىستەرى ىسكە قوسىلدى. سونىمەن بىرگە, قۇرىلىس سالاسىندا بىرقاتار ماتەريالدىڭ وندىرىستەرى, سابىن جانە انتيسەپتيك شىعاراتىن كاسىپورىندار بار, – دەيدى وبلىستىق كاسىپكەرلىك جانە تۋريزم باسقارماسىنىڭ باسشىسى فەردوۋسي قوجابەرگەنوۆ.
جالپى بيىل «بيزنەستىڭ جول كارتاسى – 2025», «ەڭبەك» مەملەكەتتىك باعدارلامالارى اياسىندا, سونداي-اق «قىزىلوردا» وڭىرلىك ينۆەستيتسيالىق ورتالىعى ارقىلى شاعىن جانە ورتا بيزنەستى قارجىلاندىرۋعا وبلىستىق جانە رەسپۋبليكالىق بيۋدجەتتەن 10 ملرد تەڭگەدەن استام قارجى ءبولىندى. «جۇمىسپەن قامتۋ جول كارتاسى» باعدارلاماسى اياسىندا 6 پايىزبەن نەسيەلەندىرۋ ەنگىزىلىپ, ۇكىمەت شەشىمىمەن وبلىسقا 1 ملرد تەڭگە قاراستىرىلعان. بۇگىندە ايماقتاعى شاعىن جانە ورتا بيزنەستىڭ 1 600-گە جۋىق جوباسىنا 15,5 ملرد تەڭگە نەسيە بەرىلدى.
بۇدان بولەك, كاسىپكەرلەردى قولداۋ ماقساتىندا «قىزىلوردا» وڭىرلىك ينۆەستيتسيالىق ورتالىعىنا وبلىستىق بيۋدجەتتەن قوسىمشا 400 ملن تەڭگە قارجى قاراستىرىلىپ وتىر. بۇل قاراجات وبلىستا وڭدەۋ ونەركاسىبى سالاسىنا جىلدىق 2 پايىزبەن 4 جىلعا جەڭىلدەتىلگەن نەسيە تۇرىندە بەرىلەتىن بولادى. وسى سالاداعى تاعى ءبىر جاڭالىق – تاماق ونەركاسىبى سالاسىنداعى جاڭا جوبالاردى جۇزەگە اسىرۋ ءۇشىن قىزىلوردا قالاسىندا «ارنايى ەكونوميكالىق ايماق قۇرۋ» قولعا الىنباق. جاڭا باستامانى جانداندىرۋ ءۇشىن مۇناي سەرۆيسى سالاسىنداعى جەرگىلىكتى ينۆەستورلار 5 ملرد تەڭگە سالۋعا دايىن. بۇگىندە بۇل ارنايى ايماقتى قۇرۋعا ۇكىمەتتىڭ تۇجىرىمدامالىق ماقۇلداماسى الىندى.
بيىل مەملەكەت باسشىسى ۇكىمەتكە باعدارلامالاردىڭ قارجىلاندىرۋ تەتىكتەرىن قايتا قاراستىرۋدى جانە ميكروقارجى ۇيىمدارىنىڭ باعدارلامالارعا بەلسەندى قاتىسۋىن قامتاماسىز ەتۋدى تاپسىردى. سوعان سايكەس وبلىس اكىمدىگى «اتامەكەن» كاسىپكەرلەر پالاتاسىمەن بىرلەسىپ, جاڭا ميكروقارجى ۇيىمىن قۇرۋ ۇستىندە. الدا بۇل ۇيىم «قىزىلوردا» وڭىرلىك ينۆەستيتسيالىق ورتالىعى سەكىلدى مەملەكەتتىك باعدارلامالارعا قاتىسىپ, اۋىل كاسىپكەرلەرىن قارجىلاندىرۋ ساياساتىن ىسكە اسىراتىن بولادى.
ىندەتكە بايلانىستى شەكتەۋ شارالارى تويحانالاردىڭ قىزمەتىنە تۇساۋ سالعانى بەلگىلى. وبلىستىڭ 2023 جىلعا دەيىنگى دامۋ جوسپارىندا بيزنەستىڭ وسى ءتۇرىن باسقا سالالارعا باعىتتاۋعا باسا ءمان بەرىلگەن.
تويحانا قىزمەتىن كاسىپتىڭ وزگە سالاسىنا بەيىمدەۋگە نيەت بىلدىرگەن كاسىپكەرلەرگە «بيزنەستىڭ جول كارتاسى – 2025», «قاراپايىم زاتتار ەكونوميكاسى» مەملەكەتتىك باعدارلامالارى جانە «قىزىلوردا» وڭىرلىك ينۆەستيتسيالىق ورتالىعى ارقىلى جان-جاقتى قولداۋلار كورسەتىلىپ وتىر.
بۇگىندە وبلىستا تىركەلگەن 128 تويحانانىڭ 22-ءسى قىزمەتىن وزگە سالالارعا باعىتتاعان. مىسالى, ارال اۋدانىندا ورنالاسقان «اقنيەت», «الماز», «حان شاتىر» تويحانالارى ساۋدا ورىندارىنا جانە «نۇرسۇلتان» تويحاناسى شاعىن ناۋبايحاناعا اينالسا, قازالىداعى «وردا», «الاتاۋ», RR, «اقتىلەك», «تىلەۋلەس» تويحانالارى قوعامدىق تاماقتانۋ نىساندارى رەتىندە كەلۋشىلەرگە قىزمەت كورسەتە باستادى. قارماقشى اۋدانىنداعى «ماليكە انا» تويحاناسى بالالار ويىن الاڭى مەن كونديتەرلىك ونىمدەر تسەحىنا, «اقتىلەك» تويحاناسى تىگىن شەبەرحاناسىنا, جالاعاشتاعى «بەرەكە» تويحاناسى نىسانى سپورت كەشەنىنە اينالىپ شىعا كەلدى. كەيبىر تويحانا يەلەرى مال, قۇس شارۋاشىلىعىمەن اينالىسۋعا دەن قويدى.
– بۇگىندە كاسىپپەن اينالىسامىن دەگەن ازاماتتارعا ءتۇرلى مەملەكەتتىك جانە وڭىرلىك باعدارلامالار ارقىلى قولداۋ جاسالىپ وتىر. سونىڭ نەگىزىندە ءوڭىر كاسىپكەرلەرىنە جەڭىلدەتىلگەن پايىزبەن نەسيەلەرگە, قايتارىمسىز گرانتتارعا وزگە دە ءتۇرلى قولداۋ شارالارىنا قول جەتكىزۋگە مۇمكىندىكتەر جەتەرلىك. ودان بولەك, ء«بىر تەرەزە» قاعيداتى نەگىزىندە قىزمەت كورسەتەتىن «بيزنەسكە ارنالعان ۇكىمەت» پلاتفورماسى بيزنەس جوسپار ازىرلەۋ, باعدارلامالارعا قاتىسۋ بارىسىندا بارىنشا كومەك كورسەتەدى, – دەيدى باسقارما باسشىسى.
قىزىلوردا
