وسىعان بايلانىستى قر پارلامەنتى ءماجىلىسىنىڭ دەپۋتاتى, ماجىلىستەگى فراكتسيا مۇشەسى گەننادي شيپوۆسكيح, «Nur Otan» پارتياسى ورتالىق اپپاراتىنىڭ قىزمەتكەرى گۇلنار نۇراحمەتحانوۆا جانە پارتيا اتىنان قارماقشى اۋدانىنداعى اقاي اۋىلى اكىمدىگىنە ۇمىتكەر ەلميرا قازيەۆا تۇرعىندارمەن كەزدەستى.
كارانتين تالاپتارىنا ساي اۋىلدىق كلۋب الدىندا وتكەن كەزدەسۋگە اۋىل تۇرعىندارى, اقساقالدار, جاستار جينالدى.
كەزدەسۋدە گ.شيپوۆسكيح پارتيانىڭ سايلاۋالدى باعدارلاماسىنىڭ جول كارتاسى نەگىزىندە اتقارىلىپ جاتقان جانە جۇزەگە اسىرىلعان جۇمىستارعا توقتالىپ ءوتتى.
- پارتيانىڭ 5 جىلعا ارنالعان سايلاۋالدى باعدارلاماسىندا بۇل اۋىلعا قاتىستى دا ءبىراز جاڭالىق بار. قازىر وبلىس بويىنشا جول كارتاسىندا جوبالانعان جۇمىستاردىڭ 16% جۇزەگە اسىرىلىپ وتىر. اتاپ ايتار بولسام, 6000 عا جۋىق تۇرعىنى بار اقاي اۋىلدىق وكرۋگىندەگى ەلەكتر جەلىلەرىن كەڭەيتۋ جانە قايتا جاڭعىرتۋ جۇزەگە اسىپ, ونىڭ يگىلىگىن ەل كورۋدە, - دەدى دەپۋتات.
كەزدەسۋگە الداعى وتەتىن اۋىل اكىمدەرىنىڭ تىكەلەي سايلاۋىندا اقاي اۋىلدىق وكرۋگى اكىمدىگىنە «Nur Otan» پارتياسىنان ۇمىتكەر ەلميرا قازيەۆا جەرلەستەرىنە ءوزىنىڭ سايلاۋالدى باعدارلاماسىن جان-جاقتى تانىستىردى.
ۇمىتكەر وكرۋگ اكىمى لاۋازىمىنا سايلانعان جاعدايدا العان ءبىلىمى مەن ومىردەن جيناقتاعان ءىس-تاجىريبەسىن اۋىلداستارىنىڭ ءال-اۋقاتىن, تۇرمىس-تىرشىلىگىن جاقسارتۋ ءۇشىن جانە شارۋاشىلىق قۇرىلىمدارىنىڭ ەكونوميكالىق نىعايۋىنا جۇمسايتىنىن ايتتى. حالىقتىڭ بۇقارالىق سپورتپەن اينالىسۋىنا, اۋىلداعى مادەنيەتتىڭ دامۋىنا مۇمكىندىك جاساپ, جاستاردىڭ بوس ۋاقىتىن ءتيىمدى پايدالاناتىن ءىس-شارالاردىڭ ۇيىمداستىرىلۋىنا, پارتيالىق جوبالاردىڭ جۇزەگە اسۋىنا جانە جۇمىسسىز جاستاردىڭ ومىردەن ءوز جولىن تابۋىنا ىقپال ەتەتىن جەتكىزدى.
كەزدەسۋ بارىسىندا اۋىل تۇرعىندارى وزدەرىنىڭ تالاپ-تىلەكتەرى مەن ۇسىنىستارىن ايتتى.
