قوعام • 09 ماۋسىم، 2021

الماتىلىقتار ءال-فارابي بويىنداعى قۇرىلىسقا نارازى

12 رەت كورسەتىلدى

الماتىلىقتار ءال-فارابي داڭعىلى ماڭىندا سالىنىپ جاتقان ءىرى قۇرىلىسقا شاعىمداندى. تۇرعىندار وندا قۇرىلىس سالۋ ەرەجەلەرى بۇزىلعان دەپ سانايدى. شاعىمدارعا قۇرىلىس كومپانياسى جاۋاپ بەردى، دەپ حابارلايدى Egemen.kz.

قالا تۇرعىندارى ماركوۆ - سەيفۋللين - ءال-فارابي - پوپوۆ كوشەلەرى شارشىسىندا سالىنىپ جاتقان تۇرعىن ءۇي كەشەنىنە قاتىستى شاعىم ايتتى. ەكوبەلسەندى سالتانات ءتاشىموۆا Facebook-پاراقشاسىندا قۇرىلىس سالۋشى كومپانيا  ەرەجەلەردى بۇزىپ قانا قويماي، قالا تۇرعىندارىن الداعانىن جازدى.

«سايتتا بەس ءۇيدىڭ سۋرەتى كورسەتىلگەن. بىراق ساتۋ بولىمىندە 27 ءۇيدىڭ قۇرىلىسى تۋرالى ايتىلادى. قۇرىلىس جاقىن ماڭداعى ۇيلەردىڭ ءبارىن جاۋىپ قالادى. تۇرعىندارعا تاۋلاردىڭ كورىنىسى بۇرىنعىداي كورىنبەيدى. ونىڭ ۇستىنە تاۋدان تۇسەتىن جولعا تىم جاقىن سالىنىپ جاتىر...»، دەپ جازدى ەكوبەلسەندى تاشيموۆا

قۇرىلىس سالۋشى كومپانيانىڭ مالىمەتى بويىنشا، توعىز گەكتار اۋماقتا ءۇش كىرەبەرىسى بار ءۇش، ەكى كىرەبەرىسى بار ءتورت جانە 12-دەن 19 قاباتقا دەيىنگى توعىز ءبىر كىرەبەرىستى ۇيلەر سالىنىپ جاتىر.

«كەشەن اۋماعىنداعى عيماراتتار اۋا اعىنىنا كەدەرگى كەلتىرمەيتىندەي ورنالاسقان. قازىرگى ۋاقىتتا قۇرىلىستىڭ ءبىرىنشى كەزەگىندە ەكى ءۇيى سالىندى. 2-ءشى جانە 3-ءشى كەزەكتىڭ قۇرىلىسى جالعاسىپ جاتىر. قالا اكىمدىگى قول قويعان مەموراندۋمعا سايكەس، قالالىق مەكتەپ قۇرىلىسىن سالۋعا كىرىستىك. جاڭا عيمارات ەكى اۋىسىمدا 600 ورىندى قامتاماسىز ەتەدى. اۋماقتا ەكى بالاباقشا سالىنادى، مۇندا سپورت كەشەندەرى، دەنساۋلىق ساقتاۋ ورتالىقتارى مەن بالالار ستۋديالارى، street retail بولمەلەرى قاراستىرىلعان»، دەدى كومپانيا وكىلى.

ۇيىم مالىمەتىنە سۇيەنسەك، جوبانىڭ ەرەكشەلىگى - كوگالداندىرۋ جۇيەسىندە. سونداي-اق قۇرىلىس كومپانياسى عيماراتتاردىڭ سەيسميكالىق توزىمدىلىگىنە ەرەكشە نازار اۋدارعان.

قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ تۇرعىن ءۇي كەشەنى 2018 جىلى كەلىسىلگەنىن ايتتى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار