دۇنيەجۇزىلىك دەنساۋلىق ساقتاۋ ۇيىمى لۋدومانيانى نەمەسە قۇمار ويىندارعا تاۋەلدىلىكتى رەسمي تۇردە پاتولوگيالىق تاۋەلدىلىك دەپ تانىدى. قۇمار ويىندارعا تاۋەلدىلىك ءبىزدىڭ رەسپۋبليكامىزدا دا تارالعان.
«قازاقستانداعى قۇمار ويىنشىلاردىڭ سانى 350 مىڭعا جۋىق. جانە وسى سانمەن شەكتەلمەيدى. ولاردىڭ كوپشىلىگى جاسوسپىرىمدەر. مەملەكەت تۇراقتى تۇردە زاڭسىز ويىن بيزنەسىمەن كۇرەس جۇرگىزىپ, سول ارقىلى حالىقتى قۇمار ويىنعا تاۋەلدىلىكتىڭ زياندى اسەرىنەن قورعاپ كەلەدى. وسىلايشا, ويىنعا تاۋەلدىلىكتىڭ جانە زاڭسىز ويىن بيزنەسىنىڭ دامۋ سەبەپتەرىمەن كۇرەس اياسىندا قازاقستاندا 2021 جىلدىڭ 1 توقسانىندا قارجىلىق باقىلاۋ ورگاندارى 49 قىلمىستىق ءىس قوزعادى», دەلىنگەن حابارلامادا.
ۆەدومستۆونىڭ مالىمەتىنشە, 63 زاڭسىز ويىن مەكەمەسى جابىلعان. زاڭسىز اينالىمنان 300-دەن استام ويىن اۆتوماتى, تەرمينال, پوكەر ۇستەلى, كومپيۋتەر سەكىلدى قۇرىلعىلار تاركىلەنگەن.
«بارلىق تەرمينالدار زاڭعا قايشى ەمەس. ۇلتتىق وپەراتور ەل اۋماعىندا ءوزىنىڭ تەرمينالدارى ارقىلى ۇتىس ويىنىن وتكىزۋ قۇقىعىنا يە. ولار سارعىش-كوك ءتۇستى. مىندەتتى تۇردە لوگوتيپ, ءنومىر جانە QR كود بولۋى كەرەك.
زاڭسىز ويىن بيزنەسىمەن كۇرەسۋدە اگەنتتىككە زاڭسىز تۇرعان ويىن اۆتوماتتارى تۋرالى اقپارات جولدايتىن ەلدىڭ بەلسەندى ازاماتتارى دا ماڭىزدى ءرول اتقارادى», دەلىنگەن حابارلامادا.
وسىعان بايلانىستى, قارجىلىق مونيتورينگ اگەنتتىگى باسقا دا ازاماتتاردى كومەك بەرۋگە شاقىرادى.
ء«اربىر ازاماتتى الەۋمەتتىك جاۋاپكەرشىلىك تانىتىپ, وسىنداي فاكتىلەر جايلى حابارلاۋعا شاقىرامىن. ارقايسىسىمىز بالالارىمىزدى قۇمار ويىندارعا تاۋەلدىلىكتىڭ زياندى اسەرىنەن قورعاي الامىز», دەدى اگەنتتىك توراعاسى جانات ەليمانوۆ.
