وتاندىق تەلەارنالاردىڭ بىرىندە حابارلانعانداي, مارقۇم بولعان ساربازدىڭ ءبىرى قوستاناي وبلىسىنان بورىشىن وتەۋگە كەلگەن. قايعىلى وقيعا 31 مامىردا شىعىس قازاقستان وبلىسىنىڭ 3477 اسكەري بولىمىندە بولعان. بۇل وسىمەن ەكىنشى ساربازدىڭ قايتىس بولۋى.
ەسكە سالا كەتەيىك, ءدال وسى ىسپەتتەس جاعداي 20 مامىر كۇنى جامبىل وبلىسىنداعى 82796 اسكەري بولىمىندە بولعان ەدى. وندا مەرزىمدى قىزمەتىن اتقارىپ جۇرگەن قىزمەتكەر ءوز-وزىنە قول جۇمساعان بولاتىن.
قر ۇلتتىق ۇلانىنىڭ «شىعىس» وڭىرلىك قولباسشىلىعىنىڭ ءباسپاسوز قىزمەتى 29 مامىردا 3477 اسكەري ءبولىمىنىڭ كەلىسىمشارت بويىنشا قاتارداعى جاۋىنگەر ءىلياس مۇرات ۇلى ايدوسوۆ بەكەتتە قىزمەت اتقارا وتىرىپ, بەكىتىلگەن قارۋدان باس ايماعىنا وق اتىپ, ناتيجەسىندە قايتىس بولعانىن مالىمدەيدى.
ال «Astana» تەلەارناسىنىڭ دەرەگىنشە, مارقۇم كەلىسىمشارت بويىنشا ەگىز باۋىرىمەن بىرگە وسكەمەندە قىزمەت ەتكەن.
اسكەريدىڭ بىرنەشە جىل بۇرىن اناسىنان ايىرىلعانى ايتىلدى. تەرگەۋ ءجۇرىپ جاتقاندىقتان, بارلىق اقپارات ازىرگە تولىق جاريالانبايدى.
