ء«بىزدىڭ تاراپىمىزدان ازاماتتاردىڭ سۋداعى قاۋىپسىزدىگىن قامتاماسىز ەتۋ جۇمىستارى جۇرگىزىلۋدە بۇگىندە 65 ەسكەرتۋ تاقتايشا ورناتىلدى. قايعىلى جاعدايدىڭ ورىن الۋىنىڭ نەگىزگى سەبەبى قاۋىپسىزدىك شارالارىن ساقتاماۋدان», دەدى مەدەت ۋساين.
ال توتەنشەلىكتەر 54 سۇڭگۋىر مامان مەن تەحنيكالىق قۇرالداردى تەكسەرۋدەن وتكىزگەن. ماماندار سۋ ايدىندارىندا 144 رەيد ۇيىمداستىرىپ, تۇسىندىرمە جۇمىستارىن جۇرگىزىپتى. جالپى وبلىستا سۋعا تۇسۋگە رۇقسات ەتىلگەن 2 جاعاجاي بار. ولار «سىر سامالى» جانە «اباي» جاعاجايى.
«جىل باسىنان بەرى 14 ادام سۋعا كەتىپ, قايتىس بولدى. ونىڭ 9-ى كامەلەتكە تولماعاعاندار. 25 مامىر كۇنى قاراۋىلتوبە اۋىلىنداعى بايقادام كانالىندا ءبىر بالا سۋعا قۇلاپ كەتىپ, ارادا ەكى كۇن وتكەننەن كەيىن 800 مەتر قاشىقتىقتان تابىلدى», دەيدى قىزىلوردا وبلىسى تجد باستىعىنىڭ ورىنباسارى باۋىرجان ءىزباساروۆ.
وبلىس اكىمى بيىل ءتيىستى سالالارعا سۋعا شومىلاتىن جەرلەردى انىقتاپ, كومۋنالدىق جاعاجايلار اشۋ جونىندە تاپسىرما بەرگەن.
بريفينگتە وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى شامشيدين ءاميتوۆ ءوز سالاسى بويىنشا قاۋىپتىڭ الدىن الۋدا اتقارىلىپ جاتقان جۇمىستار جايلى ايتتى.
