اقمولا وبلىسىنىڭ باس مەملەكەتتىك سانيتارلىق دارىگەرى ايناگۇل مۋسينانىڭ №19 جاڭا قاۋلىسى مامىردىڭ 27-نەن باستاپ كۇشىنە ەندى.
بۇل قۇجاتقا سايكەس, قولدانىستاعى «اقمولا وبلىسىنىڭ اۋماعىندا شەكتەۋ كارانتين شارالارىن كۇشەيتۋ تۋرالى» №14 قاۋلىسىنا بىرقاتار وزگەرىستەر ەنگىزىلەدى.
جاڭا قاۋلىدا بانكەت زالدارىندا 30 ادامنان اسپايتىن ەسەپپەن جانە ءبىر ادامعا كەمىندە 4 شارشى مەتر الاڭدى قامتاماسىز ەتۋ كەزىندە ەسكە الۋ شاراسىن وتكىزۋگە رۇقسات بەرەدى. بۇل نىسانداردىڭ تولىمدىلىعى 30 پايىزدان اسپاعان جاعدايدا ساعات 07:00-دەن 02:00-گە دەيىن جۇمىس ىستەيتىن بولادى. ال قوسىمشا بويىنشا جۇمىس ىستەمەيتىن نىساندارعا 20:00-گە دەيىن جۇمىس ىستەۋگە رۇقسات ەتىلەدى.
قۇجات بيليارد, كومپيۋتەرلىك كلۋبتاردىڭ, سونىڭ ىشىندە PlayStation كلۋبتارىنىڭ, بوۋلينگ ورتالىقتارىنىڭ جۇمىسىن 00:00-دەن 02:00-گە دەيىن ۇزارتادى. بۇل رەتتە كومپيۋتەرلىك كلۋبتارعا 16 جانە ودان جوعارى جاستاعى ادامدار عانا جىبەرىلەدى. كاراوكە وسى كەستە بويىنشا جۇمىس ىستەيدى, بىراق 50 پايىزعا دەيىن تولتىرىلۋى مۇمكىن, 30 ادامنان اسپايدى. سونداي-اق قۇجات لوتەرەيا كلۋبتارى مەن لوتەرەيانى ساتۋدىڭ باسقا نۇكتەلەرىنىڭ جۇمىسىن قاراستىرادى. ولار ءبىر ادامعا كەمىندە 4 شارشى مەتر اۋماقتى قامتاماسىز ەتۋ كەزىندە جانە ءبىر مەزگىلدە 30 ادامنان اسپايتىن ۋاقىتتا جۇمىس ىستەي الادى.
ەسكە سال كەتەيىك, ءوڭىر ءالى دە «قىزىل» ايماقتا قالىپ وتىر. الايدا «Ashyq» قوسىمشاسى بويىنشا جۇمىس ىستەيتىن نىساندار ەندى قوسىمشا جەڭىلدىكتەرگە يە جانە «سارى» ايماقتا جۇمىس ىستەيدى.
