ونىڭ ايتۋىنشا, وتكەن ءورت قاۋىپسىزدىگى كەزەڭىندە وبلىستا 24 ورمان ءورتى جانە 20 ءورت وقيعاسى تىركەلگەن. بۇل وتكەن جىلدىڭ سايكەس كەزەڭىمەن سالىستىرعاندا التى ەسە جوعارى. نەگىزىنەن ءورتتىڭ كوبىسى قاراۋسىز قالعان وت, تاستالعان تەمەكى تۇقىلى مەن سىرىڭكە, كولىك قۇرالدارىنىڭ سوندىرگىشىنەن شىققان ۇشقىن, ءشوپ جاعۋ, لينزا سياقتى ىسكە قوسىلاتىن شىنى سىنىقتارىنان بولىپ وتىر.
«دەپارتامەنت بالالار مەن جاسوسپىرىمدەردىڭ جازعى دەمالىس ورىندارىنىڭ, سونداي-اق قاۋىپتى اۋماقتار مەن ورمان القاپتارىنداعى پانسيوناتتار مەن ساناتوريلەردىڭ ءورت قاۋىپسىزدىگى سالاسىندا تەكسەرۋلەر جۇرگىزەدى, ولار مامىر ايىنىڭ سوڭىنا دەيىن اياقتالادى. ءموبيلدى توپتار ورماندا ءورت قاۋىپسىزدىگى تالاپتارى مەن سانيتارلىق ەرەجەلەردى بۇزۋ انىقتالعان جاعدايدا, سونداي-اق قالدىقتار مەن قۇرعاق وسىمدىكتەردى ورتەگەنى ءۇشىن اكىمشىلىك قۇقىق بۇزۋ كودەكسىنىڭ 336 جانە 367-باپتارى بويىنشا اكىمشىلىك جاۋاپكەرشىلىككە تارتادى», دەپ اتاپ ءوتتى د.دالەشوۆ.
ونىڭ ايتۋىنشا, 26 مامىردا ساعات 07:45-تە ءبىرجان سال اۋدانىنىڭ ماكينكا اۋىلىندا جەكە تۇرعىن ۇيدە ءورت شىقتى. ءورت اۋماعى 100 شارشى مەتردى قۇرادى. ءورتتىڭ سەبەپتەرىن انىقتاۋ ءۇشىن سىناق-ءورت زەرتحاناسى جانە ممس تاعايىندالدى.
«قايتىس بولعان اداممەن ءساۋىر ايىندا عانا تۇرمىستاعى ءورت قاۋىپسىزدىگى ەرەجەلەرىن ءتۇسىندىرۋ بويىنشا پروفيلاكتيكالىق اڭگىمە وتكىزىلگەن ەدى», دەپ تولىقتىردى د.دالەشوۆ.
