بۇگىندە شىعىس قازاقستان وبلىسىندا كەنەگە قارسى وڭدەۋ شارالارىمەن اۋدانداردىڭ 97,5% قامتىلعان. 2020 جىلعى ەپيدەميالىق ماۋسىمدا وبلىستىڭ 7 ەندەميالىق اۋماعىندا (گلۋبوكوە, زايسان, كاتونقاراعاي, كوكپەكتى اۋداندارىندا, ريددەر, وسكەمەن قالالارىندا جانە التاي اۋدانىندا) كەنە ەنتسەفاليتىنىڭ 21 جاعدايى تىركەلگەن. اعىمداعى كەزەڭدە وبلىس اۋماعىندا كەنە ينفەكتسيالارىمەن اۋىرۋ جاعدايلارى تىركەلگەن جوق.
كوكتەمگى سالقىن اۋا رايىنىڭ سالدارىنان بيىل كەنە شاعۋدىڭ ەپيدەميالىق ماۋسىمى كەش باستالعاندىقتان, بۇگىنگە دەيىن كەنە شاعۋ جاعدايلارى از تىركەلگەن. 23 مامىرداعى جاعداي بويىنشا وبلىستىڭ ەندەميالىق اۋماقتارىندا كەنە شاققان 1494 ادام جۇگىنگەن. ولاردىڭ 502-ءسى – 14 جاسقا دەيىنگى بالالار.
اۋرۋدىڭ الدىن الۋ ماقساتىندا كەنە ەنتسەفاليتىنە قارسى يممۋنوگلوبۋليندى كەنە شاعۋدان زارداپ شەككەن 1320 ادام الدى. قر دسم سەبك «ۇلتتىق ساراپتاما ورتالىعى» رمك شىعىس قازاقستان وبلىسى بويىنشا فيليالى گلۋبوكوە (كاراگۋجيحا اۋىلى – 10 گا) جانە ۇلان («ايۋدا» دەمالىس بازاسىنىڭ ماڭى -10 گا) اۋداندارىنان باسقا, كەنە ەنتسەفاليتىمەن سىرقاتتانۋشىلىق بويىنشا ەندەميالىق اۋدانداردا «رەسپۋبليكالىق دەڭگەيدە سانيتارلىق-ەپيدەميولوگيالىق سالاۋاتتىلىعىن قامتاماسىز ەتۋ» باعدارلاماسى بويىنشا كەنەگە قارسى وڭدەۋدىڭ كوكتەمگى تۋرىن اياقتاعان.
جوسپارلانعان 755 گا جەردىڭ 735 گا وڭدەلگەن. دالىرەك ايتقاندا, وڭدەۋ شارالارىمەن اۋداندارىمەن 97,5% قۇرادى. ايتا كەتەيىك, شىعىس قازاقستان وبلىسى كەنە ەنتسەفاليتى ۆيرۋسىن جۇقتىرۋدىڭ «جوعارى» قاۋپى بار اۋماقتارعا جاتادى.
مۇنداعى سىرقاتتانۋشىلىق دەڭگەيى رەسپۋبليكا بويىنشا ورتاشا كورسەتكىشتەن 1,5 ەسە جوعارى. گلۋبوكوە, زايسان, التاي, كاتونقاراعاي, كوكپەكتى (سامار ءوڭىرى), ۇلان, شەمونايحا اۋداندارىنىڭ اۋماقتارى جانە ريددەر, وسكەمەن قالالارىنىڭ اينالاسى كەنە ەنتسەفاليتىنىڭ تابيعي وشاقتارى سانالادى.
