جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە تاراز قالاسىنىڭ اۆتوبەكەتى اۋماعىندا تۇركىستان وبلىسىنىڭ 55 جاستاعى تۇرعىنىنىڭ باسقارۋىنداعى Mazda كولىگىن توقتاتقان. اتالعان كولىكتىڭ سالونىنان پوليەتيلەن پاكەتكە سالىنعان جالپى سالماعى 6 كەلى 655 گرامم «كەپتىرىلگەن ماريحۋانا» ەسىرتكى زاتى تابىلىپ, تاركىلەنگەن.
«اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 296-بابى 4-بولىگى (اسا ءىرى مولشەردە ەسىرتكى زاتتارىن زاڭسىز ساقتاۋ) بويىنشا سوتقا دەيىنگى تەرگەۋ امالدارى باستالدى. وسى قىلمىستى جاساعانى ءۇشىن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان. ۇستالعان ەر ادام ءوز كىناسىن مويىنداپ, تاراز قالاسىنىڭ ۋاقىتشا ۇستاۋ يزولياتورىنا قاماققا الىندى», دەدى جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى اسقار جۇمابەكوۆ.
