اقپارات جانە قوعامىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ ورتالىق كوممۋنيكاتسيالار قىزمەتىندە وتكەن بريفينگىدە وسىلاي دەدى.
«بيىل ۇكىمەت قاۋلىسىمەن «مەرەيلى وتباسى» ۇلتتىق كونكۋرسىن وتكىزۋدىڭ جاڭا قاعيدالارى بەكىتىلدى. ول بويىنشا كونكۋرستى تانىمال ەتۋ جانە ۇمىتكەرلەردىڭ سانىن ۇلعايتۋ ءۇشىن وتىنىمدەردى وتباسىنىڭ وزدەرىنەن باسقا جەرگىلىكتى اتقارۋشى ورگاندار جانە زاڭدى تۇلعالار ەنگىزە الادى. وڭىرلىك كەزەڭنىڭ بارلىق جەڭىمپاز وتباسىلاردىڭ ەڭبەك, سپورت, شىعارماشىلىق, زياتكەرلىك, عىلىمي جەتىستىكتەرى بولعاندىقتان, رەسپۋبليكالىق دەڭگەيدە ءبىر وتباسىن عانا تاڭداماي, بارلىق 17 وتباسىنا كونكۋرس لاۋراەاتى اتاعى بەرۋ تۋرالى شەشىم قابىلداندى. كونكۋرس ءادىل ءارى اشىق ءوتۋى ءۇشىن وڭىرلىك كوميسسيالاردىڭ قۇرامىنا ازاماتتىق قوعام وكىلدەرى, وتكەن جىلدارداعى جەڭىمپازداردى قوسۋ كوزدەلگەن. كوميسسيا وتىرىستارى جەرگىلىكتى اتقارۋشى ورگانداردىڭ ينتەرنەت رەسۋرستارىندا جانە الەۋمەتتىك جەلىدەگى رەسمي اككاۋنتارىندا ونلاين كورسەتىلىم ارقىلى وتەدى», دەدى كوميتەت توراعاسى.
كونكۋرسقا قاتىسۋعا ۇمىتكەرلەرلەر وتىنىمدەرىن جەرگىلىكتى كوميسسيالارعا 15 ماۋسىمعا دەيىن جولداي الادى. كونكۋرس لاۋرەاتتارىن سالتاناتتى ماراپاتتاۋ ءراسىمى قىركۇيەك ايىنىڭ ەكىنشى جەكسەنبىسى – وتباسى كۇنى مەرەكەسى قارساڭىندا وتەدى.
