الەم • 12 مامىر، 2021

قازانداعى قانتوگىستەن قازا تاپقانداردى جەرلەۋ ءراسىمى ءوتتى

150 رەت كورسەتىلدى

تاتارستاننىڭ قازان قالاسىنداعى №175 گيمنازيادا بولعان اتىستا قازا تاپقانداردى جەرلەۋ ءراسىمى ءوتىپ جاتىر، دەپ حابارلايدى Egemen.kz

11 مامىردا قايتىس بولعان ەكى مۇعالىم مەن جەتى ءجاسوسپىرىمدى اقتىق ساپارعا شىعارىپ سالۋ ءراسىمى ءوتىپ جاتىر. ۇلداردىڭ ءبىرى قازانداعى مۇسىلمان زيراتىنا جەرلەندى، راسىمگە تەك تۋىستارى قاتىستى. تاعى ءبىر ءجاسوسپىرىم تۋعان جەرىندە، مالىە كلىكي اۋىلىندا جەرلەندى. ەكى مۇعالىم كونستانتينوۆكا جانە ساموسىروۆو اۋىلدارىندا جەر قوينىنا تاپسىرىلدى.

تاتارستان پرەزيدەنتى رۋستام ميننيحانوۆ بيلىك ولگەندەردى جەرلەۋدى قارجىلاندىرۋدى جانە ۇيىمداستىرۋدى ءوز موينىنا الۋعا ۋادە بەردى.

سونداي-اق قوشتاسۋ راسىمىنە مامانداندىرىلعان پسيحياترلار مەن دارىگەرلەر قاتىسادى دەپ حابارلاندى. نەگىزگى اتىس بولعان 8 «ا» سىنىپ وقۋشىلارىمەن پسيحولوگتار جۇمىس ءجۇرىپ جاتىر. بۇگىن رەسپۋبليكادا ۇلتتىق ازا تۇتۋ كۇنى دەپ جاريالاندى.

ەستەرىڭىزگە سالا كەتەيىك، 11 مامىردا قازان قالاسىنداعى مەكتەپتەردىڭ بىرىندە 19 جاستاعى جىگىت وق اتىپ، 9 ادام قازا تاپتى. ولاردىڭ اراسىندا 7 بالا مەن ەكى مۇعالىم بار. جاراقات العان 21 ادام اۋرۋحاناعا جەتكىزىلدى. قازىرگى تاڭدا كۇدىكتى ۇستالىپ، قاماۋعا الىندى.


سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

ۇقساس جاڭالىقتار