ءبىلىم • 10 مامىر، 2021

الماتىدا تاعى ءبىر ۋنيۆەرسيتەت ليتسەنزياسىنان ايىرىلدى

638 رەت كورسەتىلدى

ءبىلىم جانە عىلىم مينيسترلىگى شەت تىلدەر جانە ىسكەرلىك كارەرا ۋنيۆەرسيتەتىنىڭ ليتسەنزياسىن توقتاتتى، دەپ حابارلايدى Egemen.kz

ۆەدومستۆوعا قاراستى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنە شەت تىلدەر جانە ىسكەرلىك مانساپ ۋنيۆەرسيتەتى ۇسىناتىن ءبىلىم ساپاسىنا شاعىم تۇسكەن. وسىعان بايلانىستى وقۋ ورنىندا جوسپاردان تىس تەكسەرۋ جۇرگىزىلدى. وقۋ پروتسەسىنىڭ ۇيىمداستىرىلۋىن باقىلاۋ قورىتىندىسى بويىنشا ۋنيۆەرسيتەت ليتسەنزياسىنىڭ قولدانىلۋىن زاڭ بۇزۋشىلىقتاردى جويعانعا دەيىن توقتاتا تۇرۋ تۋرالى شەشىم قابىلداندى.

باقىلاۋ اياسىندا جوعارى وقۋ ورنى ستۋدەنتتەرىنىڭ ءبىلىمى شەكتەلدى. بعم مالىمەتتەرى بويىنشا، ءبىلىم الۋشىلاردىڭ 97 پايىزى شەكتى بالدى ەڭسەرە المادى جانە وقۋ پروتسەسىندە العان ءبىلىم مەن قۇزىرەتتىلىكتىڭ جەتكىلىكتى دەڭگەيىن راستاي المادى.

«تەكسەرۋ بارىسىندا ۋنيۆەرسيتەتتەگى ساباقتار كەستە بويىنشا وتكىزىلمەيتىنى انىقتالدى. ءبىلىم ءبولىمى مەن ساۋالناما ناتيجەلەرى ءبىلىم بەرۋ ساپاسىنىڭ تومەن دەڭگەيىن جانە جۇمىس بەرۋشىلەردىڭ كادرلار دايارلاۋعا قاتىسۋى ناشار ەكەنىن كورسەتتى. وقۋ ورنىندا اكادەميالىق ادالدىق قاعيداتتارى ساقتالمايدى: ستۋدەنتتەردىڭ كۋرستىق جۇمىستارى قارىز الۋدى تەكسەرۋ جۇيەسى ارقىلى وتپەيدى، ال ديپلومدىق جۇمىستار اكادەميالىق ادالدىق قاعيداتتارىن بۇزۋ انىقتالعان جاعدايدا دا قورعاۋعا جىبەرىلەدى. جالپى، ۋنيۆەرسيتەت ءبىلىم بەرۋ سالاسىنداعى زاڭنامانى ورەسكەل بۇزۋعا جول بەردى»، دەدى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.

ايتا كەتەيىك، بۇعان دەيىن الماتىداعى قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى (قازمۇببۋ)، شىمكەنتتە اكادەميك قۋاتبەكوۆ اتىنداعى حالىقتار دوستىعى ۋنيۆەرسيتەتتەرى ليتسەنزياسىنان ايىرىلعان بولاتىن.

جالپى، بىلتىر ەلىمىزدەگى 128 جوو-نىڭ 55-نە جوسپاردان تىس تەكسەرۋ جۇرگىزىلدى. ناتيجەسىندە، ءتورت وقۋ ورنى تولىعىمەن جابىلىپ، تاعى 25 جوعارى وقۋ ورنى جەكە بەيىندەر بويىنشا ليتسەنزياعا 74 قوسىمشانى قايتىپ بەردى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار