ايماقتار • 10 مامىر، 2021

تەمىرتاۋدا مىلتىقپەن وق اتقان ەر ادام ۇستالدى

42 رەت كورسەتىلدى

جەلىدە جانجالداسىپ قالعان بالاسى ءۇشىن اتىس شىعارعان تەمىرتاۋلىق اكەنىڭ ۆيدەوسى قىزۋ تارالىپ كەتتى، دەپ حابارلايدى Egemen.kz قاراعاندى وبلىسى پد ءباسپاسوز قىزمەتىنە سىلتەمە جاساپ.

«9 مامىردا جەدەل-ىزدەستىرۋ شاراسى بارىسىندا تەمىرتاۋ پوليتسيا باسقارماسىنىڭ كريمينالدىق پوليتسيا قىزمەتكەرلەرى 32 جاستاعى قالا تۇرعىنىن ۇستادى. كۇدىكتى ءوز كىناسىن مويىندادى. «Armsan» ماركالى تەگىس ۇڭعىلى مىلتىق تاركىلەندى. ءتيىستى ساراپتامالار تاعايىندالدى»، دەدى پد ءباسپاسوز قىزمەتى وكىلدەرى. 

ايتا كەتەيىك، بۇعان دەيىن تەمىرتاۋدا بالالار اراسىنداعى جانجال اتىسپەن اياقتالعانى حابارلانعان بولاتىن. 8 مامىردا كەشكە تەمىرتاۋداعى 8-ءشى شاعىن اۋدان اۋلالارىنىڭ بىرىندە ەكى كامەلەتكە تولماعان بالا اراسىندا جانجال تۋىپ، ولاردى اجىراتۋ ءۇشىن اكەلەرى شىققان. وقيعانىڭ ءمان-جايىن انىقتاۋ بارىسىندا بالالاردىڭ ءبىرىنىڭ 43 جاستاعى اكەسى 32 جاستاعى قارسىلاسىنىڭ بەتىنەن ۇرعان. كەيىن سوققى جەگەن ەر ادام ۇيىنەن مىلتىق الىپ شىعىپ، ەكى رەت اۋاعا وق اتىپ، قاشىپ كەتكەن.

بۇل دەرەككە قاتىستى قر قك-نىڭ 293-بابى 3-بولىگى «بۇزاقىلىق» بويىنشا قىلمىستىق ءىس تىركەلگەن.

سوڭعى جاڭالىقتار

ۇقساس جاڭالىقتار