تاراپتار دەنساۋلىق ساقتاۋ سالاسىنداعى ەكىجاقتى ىنتىماقتاستىق ماسەلەلەرىن تالقىلاپ, الداعى بىرلەسكەن جوسپاردى ايقىندادى, سونداي-اق Covid-19 كوروناۆيرۋس ينفەكتسياسىنا قارسى ۆاكتسينوپروفيلاكتيكا جانە حالىقتىڭ سانيتارلىق-ەپيدەميولوگيالىق سالاۋاتتىلىعى بويىنشا تاجىريبە الماستى.
«الدىمەن دەنساۋلىق ساقتاۋ سالاسىنداعى ەكىجاقتى ىنتىماقتاستىقتىڭ ماڭىزدىلىعىن اتاپ وتكىم كەلەدى. Covid-19 قارسى كۇرەسىپ كەلە جاتقانىمىزعا دا ءبىر جىل بولدى. قازىر مەملەكەتتەردىڭ ءبىر-بىرىنە قولداۋ كورسەتۋى اسا قاجەت. بۇكىل الەمگە تارالعان پاندەميانى ءبىز بىرىككەندە عانا جەڭە الامىز», - دەدى ا.تسوي.
دەنساۋلىق ساقتاۋ ءمينيسترى قازاقستان رەسپۋبليكاسىنىڭ ەكونوميكالىق تۇراقتىلىقتى قامتاماسىز ەتۋ جانە ينفەكتسيانىڭ تارالۋىنا قارسى ءىس-قيمىل, سونداي-اق حالىقتى COVID-19-عا قارسى ۆاكتسيناتسيالاۋ بويىنشا اتقارعان جۇمىس جايلى حاباردار ەتتى.
«2021 جىلدىڭ 11 ناۋرىزىنا قر بويىنشا ەلەكتروندىق تىركەۋ جۇيەسىنىڭ مونيتورينگ دەرەكتەرى بويىنشا ءبىرىنشى كەزەكتە 50 737 ادام ەگۋ سالدىردى. سونىمەن قاتار, رەسپۋبليكا بويىنشا 41 829 مەديتسينا قىزمەتكەرى, 5 392 پەداگوگ, 1 156 كۇش قۇرىلىمدارىنىڭ قىزمەتكەرى, 445 ۋچاسكەلىك پوليتسيا قىزمەتكەرى جانە 174 مەديتسينالىق-الەۋمەتتىك مەكەمەلەردىڭ پەرسونالى ۆاكتسيناتسيالاندى. ەكىنشى كەزەڭدە - 18 210 ادام. نەگىزىنەن اقپاندا العاشقى دوزا قابىلداعان مەديتسينا قىزمەتكەرلەرى ەگىلدى. ۆاكتسينالاۋ كەزەڭ-كەزەڭىمەن جۇرگىزىلەدى», - دەدى ا.تسوي.
مونيتورينگ مالىمەتىنە سايكەس يممۋنداۋدان كەيىن جاعىمسىز جاعداي تىركەلگەن جوق. بۇل رەتتە, ۆاكتسيناتسيالانعان ادامداردىڭ 1% - ىندا كۇتىلەتىن رەاكتسيالار تىركەلەدى, ولار ۆاكتسيناعا نۇسقاۋلىقتا سيپاتتالعان, مىسالى, دەنە قىزۋىنىڭ كوتەرىلۋىمەن تۇماۋعا ۇقساس جاي-كۇيلەر, جالپى السىزدىك, سونداي-اق ۆاكتسينانى ەنگىزۋ ورنىندا ءىسىنۋ جانە قىزارۋ تۇرىندەگى جەرگىلىكتى كورىنىستەر.
سونىمەن قاتار, Covid-19 تارالۋىنا بايلانىستى ساقتالىپ وتىرعان تۇراقسىز جاعدايدى ەسكەرە وتىرىپ, ا.تسوي اعىمداعى ەپيدەميولوگيالىق احۋال جانە ونى تۇراقتاندىرۋ بويىنشا جۇرگىزىلىپ جاتقان شارالار بويىنشا تۇراقتى اقپارات الماسۋ تۇرىندە تۇرىكمەنستانمەن ارىپتەستىكتى جالعاستىرۋدى ۇسىندى.
سونىمەن قاتار, دەنساۋلىق ساقتاۋ سالاسىنداعى ەكىجاقتى ىنتىماقتاستىقتىڭ ماڭىزدىلىعىن ەسكەرە وتىرىپ, قر دەنساۋلىق ساقتاۋ ءمينيسترى مەديتسينالىق ۇيىمداردى, IT-تەحنولوگيالاردى, جەدەل جاردەم, مساك جانە مەديتسينا عىلىمىن اككرەديتتەۋدە كونسۋلتاتيۆتىك جانە تەحنيكالىق كومەك كورسەتۋ, قر مەديتسينالىق ۇيىمدارىندا تۇرىكمەنستان ازاماتتارى ءۇشىن جوعارى تەحنولوگيالىق مەديتسينالىق قىزمەتتەر كورسەتۋ بويىنشا ارىپتەستىكتى جالعاستىرۋدىڭ ماڭىزدىلىعىن اتاپ ءوتتى. سونداي-اق تۇرىكمەن مەديتسينا قىزمەتكەرلەرى ءۇشىن مەديتسينالىق ماماندىقتار بويىنشا بىلىكتىلىكتى ارتتىرۋ كۋرستارىن ۇيىمداستىرۋ دا ءسوز بولدى.
كەزدەسۋ سوڭىندا تاراپتار دەنساۋلىق ساقتاۋ سالاسىنداعى ىنتىماقتاستىقتىڭ ماڭىزدىلىعىن تاعى ءبىر رەت اتاپ ءوتتى جانە COVID-19 تارالۋىنىڭ الدىن الۋدا ەلدەردىڭ تاجىريبەسىن پايدالانۋعا سەنىم ءبىلدىردى.
