كوروناۆيرۋستىڭ كەلەسى تارالۋ قاۋپىنە بايلانىستى 15 ناۋرىزدان باستاپ يتاليادا مەكتەپتەر, مەيرامحانالار, دۇكەندەر مەن مۇراجايلار جابىلادى. كاتوليكتىك پاسحا مەيرامى ۋاقىتىندا شەكتەۋلەر ءوز كۇشىندە قالادى.
نيۋ-يوركتە كوروناۆيرۋس ينفەكتسياسى راستالعان العاشقى ادامنىڭ قايتىس بولۋىنان ءبىر جىل وتكەن سوڭ, مەگاپوليستە پاندەميانىڭ 30 مىڭنان استام قۇرباندارى ءۇشىن ازا تۇتۋ مەموريالدىق شاراسى ءوتتى. نيۋ-يورك قالاسى 2020 جىلدىڭ كوكتەمىندە اقش-تاعى COVID-19 ەپيتسەنترى اتانعان بولاتىن.
15 ناۋرىزدان باستاپ وزبەكستانعا كىرەتىن كوروناۆيرۋستى مىندەتتى تەستىلەۋ توقتاتىلادى. اۋەجايلاردا, ۆوكزالداردا جانە شەكارالىق وتكىزۋ پۋنكتتەرىندە تەست تاپسىرۋدىڭ ورنىنا ەلگە كەلگەندەر "شەكارادان وتكەنگە دەيىن سوڭعى 72 ساعات ىشىندە كوروناۆيرۋستىق ينفەكتسيانىڭ جوق ەكەندىگى تۋرالى پتر ادىسىمەن جاسالعان انىقتاما بەرۋى كەرەك", دەپ حابارلادى ەل بيلىگى.
