– وڭىردە جاستاردى قولداۋدىڭ 2021-2025 جىلدارعا ارنالعان كەشەندى جوسپارى جۇزەگە اسىرىلا باستادى. جوسپارعا ەنگىزىلگەن كوپ مىندەتتىڭ ءبىرى – جاس وتباسىلاردى باسپانامەن قامتۋ تەتىكتەرىن وڭتايلاندىرۋ, – دەدى وبلىستىق جاستار ساياساتى باسقارماسى باسشىسىنىڭ مىندەتىن اتقارۋشى سايات شايمۇرىنوۆ.
اتالعان باسقارما «جاستار ءۇشىن قولجەتىمدى باسپانا» باعدارلاماسىن ازىرلەپ تە قويىپتى. بۇل باعدارلاما بويىنشا جاستار مەن جاس وتباسىلارعا باسپانا ساتىپ الۋ ءۇشىن كومەك رەتىندە مولشەرى 3 ملن تەڭگەگە دەيىن تۇرعىن ءۇي سەرتيفيكاتتارى بەرىلمەك. قارجى تۇرىندەگى الەۋمەتتىك كومەك جاس وتباسىلاردىڭ «وتباسى بانكتەگى» دەپوزيتتەرىنە باستاپقى جارنا رەتىندە سالىنادى. بۇگىندە قوستاناي وبلىسىندا 6 462 جاس تۇرعىن ءۇي كەزەگىندە تۇر. ولار باسپانا سەرتيفيكاتىنا جاس ەرلى-زايىپتىلاردىڭ نەشە جىل بىرگە تۇرىپ جاتقانىن, بالالارىنىڭ سانىن انىقتاۋ ارقىلى باعالاناتىن كونكۋرس ارقىلى عانا قول جەتكىزە الادى. بۇل كونكۋرستىڭ قالاي وتەتىنى قازىرشە بەلگىسىز. جاستار ساياساتى باسقارماسىنىڭ باسشىسى باعدارلامانى ىسكە قوسۋ ءۇشىن زاڭنامالىق اكتىلەرگە بىرقاتار وزگەرىس ەنگىزۋ كەرەكتىگىن ايتتى. قازىر باسقارما وسى باعىتتا جۇمىس ىستەپ جاتىر.
– تۇزەتۋلەر ەنگىزىلە سالىسىمەن, ءبىز بىردەن جاستاردىڭ ءوتىنىشىن قابىلداۋدى باستايمىز, – دەدى س.شايمۇرىنوۆ.
قوستاناي وبلىسى
