*سيريانىڭ الەپپو قالاسىندا توعىز كۇندە بومبالاۋ سالدارىنان 330-دان استام ادام وپات بولعان. ولاردىڭ 99-ى بالالار بولسا, 30 شاقتىسى ايەلدەر جانە 30 شاقتىسى ءبۇلىكشىلەر كورىنەدى. سيريا پرەزيدەنتى باشار اسادتىڭ اسكەرلەرى وپپوزيتسيا باسىپ العان الەپپو قالاسىن 15 جەلتوقساننان بەرى بومبالاۋ ۇستىندە. بۇل مالىمەتتەردى «فرانس-پرەسس» اگەنتتىگى تاراتتى.
*سيريانىڭ الەپپو قالاسىندا توعىز كۇندە بومبالاۋ سالدارىنان 330-دان استام ادام وپات بولعان. ولاردىڭ 99-ى بالالار بولسا, 30 شاقتىسى ايەلدەر جانە 30 شاقتىسى ءبۇلىكشىلەر كورىنەدى. سيريا پرەزيدەنتى باشار اسادتىڭ اسكەرلەرى وپپوزيتسيا باسىپ العان الەپپو قالاسىن 15 جەلتوقساننان بەرى بومبالاۋ ۇستىندە. بۇل مالىمەتتەردى «فرانس-پرەسس» اگەنتتىگى تاراتتى.
*بۇرناعى كۇنى 95 جاسقا قاراعان شاعىندا اتاقتى اك-47 اۆتوماتىن جاساپ شىعارعان ميحايل كالاشنيكوۆ ومىردەن وزدى. ونى جەرلەۋ ءراسىمى 26 جەلتوقسان كۇنى يجەۆسك قالاسىندا وتەدى. بۇل تۋرالى ۋدمۋرتيا پرەزيدەنتى ۆيكتور چۋلكوۆتىڭ ءباسپاسوز حاتشىسى حابارلادى. 1947 جىلدان بەرى الەمدە اك اۆتوماتىنىڭ ءتۇرلى موديفيكاتسياداعى 70 ميلليوننان استام داناسى شىعارىلىپتى.
*امەريكالىق ەدۆارد سنوۋدەن ءوزىنىڭ الدىنا قويعان ميسسياسى ورىندالدى دەپ ەسەپتەيدى. اقش-تىڭ ارنايى قىزمەتتەرىنىڭ جاعىمسىز ءىس-ارەكەتىن جاريا ەتكەن بۇرىنعى بارلاۋ باسقارماسىنىڭ قىزمەتكەرى بۇل تۋرالى «ۆاشينگتون پوست» گازەتىنە بەرگەن سۇحباتىندا مالىمدەگەن. ونىڭ ايتقاندارى اقش-تا عانا ەمەس, شەتەلدەردە دە ۇلكەن رەزونانس تۋعىزعان بولاتىن.
*رەسەيدىڭ ستراتەگيالىق باعىتتاعى زىمىران اسكەرلەرى «پلەسەتسك» كوسمودرومىندا رس-24 «يارس» دەپ اتالاتىن قۇرلىقارالىق بالليستيكالىق زىمىراندى سىناقتان وتكىزدى. ءۇش ساتىلى اتالعان زىمىران «توپول-م» زىمىرانىنىڭ بازاسىندا جاسالىپتى. «يارس» 11 مىڭ شاقىرىم قاشىقتىقتاعى نىسانانى جويۋعا قابىلەتتى كورىنەدى. ونىڭ باسقا مۇمكىندىكتەرى قۇپيادا ۇستالۋدا.
*مىسىر ۇكىمەتىنىڭ باسشىسى حازەم ءال-بەبلاۆي «مۇسىلمان-باۋىرلار» قوزعالىسىن تەررورلىق ۇيىم دەپ جاريالادى. ول بۇل ءمالىمدەمەسىن مانسۋرا قالاسىندا اتالعان قوزعالىس جۇزەگە اسىرعان لاڭكەستىك ارەكەتتەن سوڭ ىلە-شالا جاسادى. لاڭكەستىكتەن 14 ادام قازا تاپسا, 100-دەن استامى جارالانعان بولاتىن. ال لاڭكەستىككە جاۋاپكەرشىلىكتى ازىرشە ەلدەگى ەشبىر ەكسترەميستىك ۇيىم موينىنا العان جوق.
* ۇلىبريتانيادا قاتتى داۋىلدان كەم دەگەندە 3 ادام قازا تاپقان. بىرەۋى جەلدىڭ ەكپىنىنە شىداماي وزەنگە قۇلاپ مەرت بولسا, بىرەۋى توسىن تابيعات تۋىنداتقان جول اپاتىنان كوز جۇمعان. ال سوڭعىسىنىڭ قازا بولۋ سەبەبى ناقتى ايتىلمايدى. روجدەستۆو قارساڭىندا ۇيلەرىنە اسىققاندار اۋەجايلاردا قامالىپ وتىر. مۇنداي توسىن جاعداي فرانتسيا جاعالاۋلارىندا دا ورىن الۋدا.
*وڭتۇستىك سۋدان پرەزيدەنتى سالۆا كايرانىڭ ءمالىمدەۋىنشە, ەلدە بۇرىنعى ۆيتسە-پرەزيدەنت ريەك ماچاردىڭ جاقتاستارى اسكەري توڭكەرىس ۇيىمداستىرۋعا ارەكەتتەنىپ جاتىر. وسى ورايداعى قاقتىعىستار ەلدە 16 جەلتوقساندا باستالعان ەدى. بۇگىندە 45 مىڭ تۇرعىن بوسقىنعا اينالعان. قازىرگى كەزدە وڭتۇستىك سۋداندا بۇۇ-نىڭ 7 مىڭداي ءبىتىمگەرشىلەرى ورنالاسسا, باس ۇيىم شەشىمىمەن جاقىندا تاعى 5,5 مىڭ بىتىمگەرشى جىبەرىلمەك بولىپ وتىر.
*ۋكراينا پرەزيدەنتى ۆيكتور يانۋكوۆيچ 21 قاراشادا كيەۆتە ۇستالعان نارازىلىق اكتسياسىنا قاتىسۋشىلاردىڭ ءبارىن قىلمىستىق جانە اكىمشىلىك جاۋاپكەرشىلىكتەن بوساتاتىن زاڭعا قول قويدى. نارازىلىق اكتسيالارى كيەۆتە كۇنى بۇگىنگە دەيىن جالعاسىپ جاتىر. بىراق ونىڭ اۋقىمى ايتارلىقتاي تارىلعان. قازىرگى كەزدە كوشەگە شىققان كوپشىلىك جاڭا جىل مەيرامىن قارسى الۋ قامىمەن جۇرگەنگە ۇقسايدى.
اقپارات اگەنتتىكتەرى ماتەريالدارى نەگىزىندە ازىرلەندى.
