وڭتۇستىك سۋداندا بىرىككەن ۇلتتار ۇيىمىنىڭ بازاسىنا شابۋىل جاسالدى. بۇل تۋرالى يتار-تاسس حابارلادى.
بۇۇ وڭتۇستىك سۋداننىڭ دجونگلەي شتاتىنداعى ەكى بازاسىن قاۋىپسىز ايماققا كوشىردى. سەبەبى ونىڭ بىرىنە جاقىندا 2 مىڭ ەرەۋىلشى شابۋىل جاساعان بولاتىن. قاقتىعىس سالدارىنان 13 ادام قازا بولدى.
سوڭعى كەزدەرى وڭتۇستىك سۋداندا پرەزيدەنت سالۆاتورە كير مەن بۇرىنعى ۆيتسە-پرەزيدەنت ريەك ماشاردىڭ جاقتاستارى اراسىندا جاعداي شيەلەنىسىپ كەتكەن ەدى. بۇلار ءوزارا جاۋلاسقان ەكى توپقا جاتاتىندىقتان مۇنىڭ ارتى ەتنيكالىق قاقتىعىسقا ۇلاسۋى مۇمكىن دەگەن قاۋىپ بار. بۇگىنگە دەيىن وڭتۇستىك سۋداندا ورىن العان قاقتىعىستاردان 500-دەن اسا ادام قازا تاپتى. سونداي-اق ادامداردى قاۋىپسىز ايماققا كوشىرۋ ءۇشىن وڭتۇستىك سۋدان اۋماعىنا كەلىپ جاتقان اقش تىكۇشاقتارى ۇنەمى شابۋىلعا ۇشىراۋدا.
بۇۇ ايماقتاعى وزگە ەلدەردە ورنالاسقان تەحنيكا مەن باسقا دا رەسۋرستارىن وڭتۇستىك سۋدانعا كىرگىزۋدە. بۇل جونىندە مانيلادا وتكەن ءباسپاسوز كونفەرەنتسياسىندا حالىقارالىق ۇيىمنىڭ باس حاتشىسى پان گي مۋن مالىمدەدى. «وڭتۇستىك سۋدانداعى بۇۇ بازالارىندا 40 مىڭعا جۋىق ادام باسساۋعالاپ جاتىر. بۇۇ ەڭ بىرىنشىدەن, بەيبىت تۇرعىنداردىڭ قاۋىپسىزدىگىنە باسىمدىق بەرەدى» – دەدى ول.
ايدار ورىسباەۆ.
دەرەككوز: Itar-tass.com
فوتو: Itar-tass.com
