ەلوردادا كۇزگە سالىم ءار وبلىستىڭ كۇندەرىن وتكىزۋ داستۇرگە اينالعان. سول كۇندەردە اۋىلشارۋاشىلىق تاۋارلارىنىڭ جارمەڭكەسى, وبلىستىڭ جاڭا جوبالارىن تانىستىرۋ مەن ءتۇرلى دەڭگەيدە كونتسەرتتەر ۇيىمداستىرىلادى. كەشە شىعىس قازاقستان وبلىسىنىڭ ەلورداداعى كۇندەرى باستالدى. ونىڭ اياسىندا رەسپۋبليكا الاڭىندا اۋىلشارۋاشىلىق جارمەڭكەسى, وبلىستىڭ دەكوراتيۆتى-قولدانبالى ونەر شەبەرلەرى بۇيىمدارىنىڭ كورمەسى ۇيىمداستىرىلماق. ايتۋلى شارانىڭ قارساڭىندا كونگرەسس-حولل سارايىندا استانالىقتارعا «شۇعىلالى شىعىستان – ارايلى استاناعا» دەگەن اتپەن گالا-كونتسەرت قويىلدى.
ەلوردادا كۇزگە سالىم ءار وبلىستىڭ كۇندەرىن وتكىزۋ داستۇرگە اينالعان. سول كۇندەردە اۋىلشارۋاشىلىق تاۋارلارىنىڭ جارمەڭكەسى, وبلىستىڭ جاڭا جوبالارىن تانىستىرۋ مەن ءتۇرلى دەڭگەيدە كونتسەرتتەر ۇيىمداستىرىلادى. كەشە شىعىس قازاقستان وبلىسىنىڭ ەلورداداعى كۇندەرى باستالدى. ونىڭ اياسىندا رەسپۋبليكا الاڭىندا اۋىلشارۋاشىلىق جارمەڭكەسى, وبلىستىڭ دەكوراتيۆتى-قولدانبالى ونەر شەبەرلەرى بۇيىمدارىنىڭ كورمەسى ۇيىمداستىرىلماق. ايتۋلى شارانىڭ قارساڭىندا كونگرەسس-حولل سارايىندا استانالىقتارعا «شۇعىلالى شىعىستان – ارايلى استاناعا» دەگەن اتپەن گالا-كونتسەرت قويىلدى.
كونتسەرت باعدارلاماسى جان-جاقتى ويلاستىرىلعان ەكەن. ونىڭ ىشىندە «بابالار ءۇنى» كومپوزيتسياسى, فولكلورلىق انسامبل مەن كۇيشىلەر تورتتىگىنىڭ ورىنداۋىنداعى «كۇي تارتىس», «زىريانوچكا» جانە «ەۋراز-شوۋ» بي ۇجىمدارىنىڭ ونەرى, سونداي-اق, مادەنيەت قايراتكەرلەرى بەرىك وماروۆ, ۆياچەسلاۆ تكاچ, گۇلدانا نوعايباەۆا, ماپرۋزا وتەگەنوۆا سىندى ۇلكەن بۋىننىڭ وكىلدەرى مەن نۇرلان ءتۇتىنوۆ, ەۆگەني ۆىبلوۆ, ەليزاۆەتا مينۋللينا, ديانا مۇراتوۆا سەكىلدى ەندى ءوسىپ كەلە جاتقان جاستاردىڭ ءداستۇرلى جانە ەسترادالىق باعىتتاعى ءان-كۇيلەرى ساحنانىڭ سالتاناتىن اسىرىپ, ءوڭىر ونەرىنىڭ جوعارى دەڭگەيىن كورسەتتى. كونتسەرتتىڭ رەجيسسەرلەرى قازاقستان رەسپۋبليكاسىنىڭ ءمادەنيەت قايراتكەرى عيبرات ازۋباەۆ پەن وبلىس اكىمى ءجۇلدەسىنىڭ يەگەرى ليۋدميلا كورياكوۆتسەۆا ەكەنىن دە اتاپ ءوتۋ كەرەك.
كونگرەسس-حوللدا وتكەن ۇلكەن كونتسەرتكە حالىق مولىنان جينالدى. شىعارماشىلىق زيالى قاۋىم وكىلدەرى, وقىتۋشىلار مەن دارىگەرلەر, ستۋدەنتتەر شىعىسقازاقستاندىق ونەرپازدارعا قول سوعىپ قوشەمەت كورسەتتى. كونتسەرتتى مادەنيەت جانە اقپارات ءمينيسترى مۇحتار قۇل-مۇحاممەد تە تاماشالادى.
ايگۇل سەيىلوۆا,
«ەگەمەن قازاقستان».
