باتىس قازاقستان وبلىسىنىڭ ورتالىعى – ورال قالاسىندا 13 مىڭ توننا استىق ۇرلادى دەپ ايىپتالعان ەلەۆاتور باسشىلارىنا قاتىستى سوت ۇكىمى شىقتى. بۇل تۋرالى «استانا» تەلەارناسى حابارلادى.
«پويما» استىق قابىلداۋ كاسىپورنىنىڭ بۇرىنعى ديرەكتورى مالىك يمانعاليەۆ 2012 جىلدىڭ ءساۋىر ايىنان باستاپ ءوز قويماسىنان بەلگىسىز ادامدارعا بيداي بەرىپ وتىرعان. ونىسى ازداي, جوق استىقتى قۇجات جۇزىندە بار دەپ كورسەتىپ, بيدايدى ساقتاعانى ءۇشىن اي سايىن «ازىق-ت ۇلىك كەلىسىم-شارت كورپوراتسياسى» اكتسيونەرلىك قوعامىنان قاراجات العان. وسىنىڭ نەگىزىندە اتالعان اكتسيونەرلىك قوعامعا 601 ملن.تەڭگە شىعىن كەلگەن. سوت بۇل ولقىلىقتىڭ ورىن الۋىنا جول بەرگەن «پويما» استىق قابىلداۋ پۋنكتىنىڭ قۇرىلتايشىسى مۇرات جاركەەۆتىڭ مۇلكىن تاركىلەپ, 7 جىلعا سوتتادى. سونداي-اق م. يمانعاليەۆ تە 7 جىلعا تەمىر تورعا قامالدى.
ايتا كەتەيىك, مۇرات جاركەەۆتىڭ ۇستىنەن بۇدان بولەك تاعى بىرنەشە قىلمىستىق ءىس قوزعالدى. ول قىزمەت بابىن اسىرا پايدالانىپ, كوكتەمگى دالالىق جۇمىستارعا بولىنگەن 339 ملن. تەڭگەنى جىمقىرعانى ءۇشىن ايىپتالۋدا. باقىتبەك كەنەش ۇلى.
دەرەككوز: «استانا» تەلەارناسى.
فوتو: Ukr apk.
