جۋىردا عانا «KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى ىرگەمىزدە وتىرعان قىتاي حالىق رەسپۋبليكاسىنىڭ شىڭجاڭ-ۇيعىر اۆتونوميالىق اۋدانى يمپورتتاۋعا اسا ۇلكەن مۇددەلىلىك تانىتىپ وتىرعان تاۋارلار تىزىمىندە قازاقستاندىق ونىمدەردىڭ بۇرىنعىداي كوش باستاپ تۇرعاندىعىن مالىمدەدى.
جۋىردا عانا «KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى ىرگەمىزدە وتىرعان قىتاي حالىق رەسپۋبليكاسىنىڭ شىڭجاڭ-ۇيعىر اۆتونوميالىق اۋدانى يمپورتتاۋعا اسا ۇلكەن مۇددەلىلىك تانىتىپ وتىرعان تاۋارلار تىزىمىندە قازاقستاندىق ونىمدەردىڭ بۇرىنعىداي كوش باستاپ تۇرعاندىعىن مالىمدەدى.
مۇنى جەرگىلىكتى كاسىپورىندارعا سەرىكتەستەر ىزدەستىرۋ ءۇشىن «KAZNEX INVEST» اگەنتتىگى ۇيىمداستىرعان قىتايلىق بيزنەسمەندەردىڭ الماتىعا جاساعان ساپارى راستاپ بەردى. شۇاا-دان كەلگەن كوتەرمە-ساۋدا كومپانيالارى مەن ترەيدەرلەرى الماتىنىڭ ازىق-ت ۇلىك, مەتالل ونىمدەرىن, جانار-جاعارماي شىعاراتىن 11 كاسىپورنىن ارالاپ كوردى.
كومپانيالارمەن كەلىسسوزدەردەن كەيىن قىتايلىق تاراپ ساتىپ الاتىن تاۋارلارى تۋرالى شەشىمگە كەلگەن. بۇلار – «ماسلودەل» شىعارعان وسىمدىك مايى, «Sun Beە» جشس وندىرگەن بال, «Korona Export» جانە «Sultan» كومپانيالارى شىعارعان ماكاروندار, سونداي-اق, «Asem Ai» مينەرالدى سۋى. ساتىپ الۋشىلار ءونىمنىڭ ساپاسىن دا, قاپتاماسى مەن ديزاينىن دا جوعارى باعالادى. بۇگىنگى كۇنى وندىرۋشىلەردىڭ ارقايسىسىمەن, ەڭ الدىمەن, تاۋارلاردى قحر-عا كىرگىزۋ جانە رەسىمدەۋدى رەتتەۋ راسىمدەرى بويىنشا ەگجەي-تەگجەيلى كەلىسسوزدەر جۇرگىزىلۋدە.
اتاپ وتەتىن جاعداي, قىتايدا, اسىرەسە, وسىمدىك مايىنا دەگەن سۇرانىس وتە جوعارى. جىل سايىن وسى ءونىمنىڭ وتاندىق وندىرۋشىلەرى «KAZNEX INVEST» اگەنتتىگىنىڭ قحر شۇاا جاساعان ساۋدا ميسسياسىنا قاتىسادى جانە ءاربىر رەتتە بۇل ءونىم الەۋەتتى قىتايلىق ساتىپ الۋشىلاردىڭ ءۇلكەن قىزىعۋشىلىعىن تۋعىزادى. وسى ايدا ءۇرىمجىدە وتكەن ساۋدا ميسسياسىندا «ماسلودەل» جانە «شىمكەنتماي» كومپانيالارى وسىمدىك مايىن تانىستىردى. ەكى ءوندىرۋشى دە قازىرگى كەزدە جەتكىزۋلەر تۋرالى كەلىسسوزدەردى جالعاستىرۋدا.
سونىمەن قاتار, قازاقستاندا وندىرىلگەن مايلى داقىلدار, ماكاروندار, كونديتەرلىك تاعامدار, ءجۇن جانە ەمدىك شوپتەر ساتىپ الۋشىلاردىڭ قىزىعۋشىلىعىن تۋدىردى.
2009 جىلدان باستاپ «KAZNEX INVEST» اگەنتتىگى قىتايعا جىل سايىن ساۋدا ميسسيالارىن وتكىزۋدە. 2009 جىلدان 2012 جىلعا دەيىنگى كەزەڭدە بەيجىڭدە, ينيندە جانە ۇرىمجىدە وتكەن ساۋدا ميسسيالارىندا 60-تان استام قازاقستاندىق وندىرۋشىلەر قاتىسقانىن ايتا كەتۋگە بولادى. ساۋدا ميسسيالارى ناتيجەسىندە جاسالعان قازاقستاندا وندىرىلگەن ءونىمدى قىتايعا جەتكىزۋ بويىنشا كەلىسىمشارتتاردىڭ جالپى سوماسى 35 ميلليون اقش دوللارىنان استى. ۇرىمجىگە جاسالعان ساۋدا ميسسيالارى شۇاا حالىقارالىق ساۋداعا ىقپالداستىق بويىنشا كوميتەتىمەن سەرىكتەستىكتە وتكىزىلەدى.
ايناش ەسالي,
«ەگەمەن قازاقستان».
الماتى.
