بۇرناعى كۇنى استانادا رەسەي عىلىم اكادەمياسى ەكونوميكالىق ستراتەگيالار ينستيتۋتى حالىقارالىق ساراپشىلار توبىنىڭ «ك نوۆىم ۆىسوتام» اتتى ۇجىمدىق مونوگرافياسىنىڭ تۇساۋكەسەرى وتكەنى بەلگىلى. وندا شاراعا قاتىسقان حالىقارالىق ساراپشىلار توبىنىڭ وكىلدەرى رەسەيلىك الەكساندر اگەەۆ پەن ۇلىبريتانيالىق روبين مەتيۋز مونوگرافيانى جارىققا شىعارۋعا نەگىز بولعان قاعيداتتار جونىندە ايتىپ بەرگەن بولاتىن.
الەمدەگى 100 ەل ينتەگرالدى قۋاتىنىڭ جاھاندىق رەيتينگىن قالىپتاستىرعان ساراپشىلار استانادا ءبىزدىڭ ەلىمىز مەملەكەت باسشىسى نۇرسۇلتان نازارباەۆ «قازاقستان-2050» ستراتەگياسىندا العا قويعان الەمدەگى اسا دامىعان 30 ەلدىڭ قاتارىنا 2025 جىلى-اق سەنىمدى تۇردە جەتەتىندەي مۇمكىندىككە يە ەكەنىن اتاپ كورسەتكەن ەدى.
ال ارنايى بەتتە باسقا دا الەمگە بەلگىلى ساياساتكەرلەر مەن ساراپشىلاردىڭ «قازاقستان-2050» ستراتەگياسىنا قاتىستى ايتقان تۇجىرىمدى ويلارى جاريالانىپ وتىر.
...تاياۋداعى 15-20 جىل بويى جاھاندىق ترەندتەردىڭ ىقپالى قازاقستان ءۇشىن وڭتايلى بولادى. جانە بۇل بىزگە ءدال وسى 15-20 جىلدا بارىنشا ۇلكەن ناتيجەلەرگە قول جەتكىزۋ ءۇشىن قىسقا مەرزىمدىك «مۇمكىندىكتەر تەرەزەسىن» اشادى.
نۇرسۇلتان نازارباەۆ,
قازاقستان رەسپۋبليكاسىنىڭ پرەزيدەنتى.
بۇرناعى كۇنى استانادا رەسەي عىلىم اكادەمياسى ەكونوميكالىق ستراتەگيالار ينستيتۋتى حالىقارالىق ساراپشىلار توبىنىڭ «ك نوۆىم ۆىسوتام» اتتى ۇجىمدىق مونوگرافياسىنىڭ تۇساۋكەسەرى وتكەنى بەلگىلى. وندا شاراعا قاتىسقان حالىقارالىق ساراپشىلار توبىنىڭ وكىلدەرى رەسەيلىك الەكساندر اگەەۆ پەن ۇلىبريتانيالىق روبين مەتيۋز مونوگرافيانى جارىققا شىعارۋعا نەگىز بولعان قاعيداتتار جونىندە ايتىپ بەرگەن بولاتىن.
الەمدەگى 100 ەل ينتەگرالدى قۋاتىنىڭ جاھاندىق رەيتينگىن قالىپتاستىرعان ساراپشىلار استانادا ءبىزدىڭ ەلىمىز مەملەكەت باسشىسى نۇرسۇلتان نازارباەۆ «قازاقستان-2050» ستراتەگياسىندا العا قويعان الەمدەگى اسا دامىعان 30 ەلدىڭ قاتارىنا 2025 جىلى-اق سەنىمدى تۇردە جەتەتىندەي مۇمكىندىككە يە ەكەنىن اتاپ كورسەتكەن ەدى.
ال ارنايى بەتتە باسقا دا الەمگە بەلگىلى ساياساتكەرلەر مەن ساراپشىلاردىڭ «قازاقستان-2050» ستراتەگياسىنا قاتىستى ايتقان تۇجىرىمدى ويلارى جاريالانىپ وتىر.
ساراپشى ءسوزى
كورەگەندىك دەپ ايتۋعا لايىق ۇتقىرلىق
قازاقستان ەۋروپا وداعى ءۇشىن وڭىردە ساۋدا-ساتتىعى مەن ينۆەستيتسيالارى ەسەبىنەن عانا اسا ماڭىزدى ارىپتەس بولىپ تابىلمايدى. ماڭىزدىراعى سول, تۇراقتى ەل رەتىندە ۇلكەن بەدەلگە يە... قازاقستان الەمدەگى اسا ءىرى مۇناي ءوندىرۋشى ەلدىڭ ءبىرى بولا وتىرىپ, تازا ەنەرگياعا جانە رەسۋرستاردى ءتيىمدى پايدالانۋعا نەگىزدەلگەن بولاشاق دامۋدىڭ ستراتەگياسىن قابىلداسا, بۇل تەك قۇپتاۋعا عانا لايىق نارسە ەمەس. بۇل كورەگەندىك دەپ ايتۋعا لايىق ۇتقىرلىق... استانانىڭ «بولاشاقتىڭ ەنەرگياسى» تاقىرىبىندا حالىقارالىق ەكسپو-2017 كورمەسىن قابىلدايتىنى ەۋروپامەن ىنتىماقتاستىق ءۇشىن بۇرىنعىدان دا ۇلكەن مۇمكىندىكتەر بەرەدى.
جوزە مانۋەل بارروزۋ,
ەۋروپا كوميسسياسىنىڭ پرەزيدەنتى.
ەكونوميكالىق كۇن ءتارتىبىنىڭ ۇتىمدىلىعى
پرەزيدەنت نۇرسۇلتان نازارباەۆ قازاقستاننىڭ سوڭعى ەكى ونجىلدىقتاعى كوپتەگەن جەتىستىكتەرىن وي سارابىنان ءوتكىزە كەلىپ, ونىڭ الەۋمەتتىك-ەكونوميكالىق جانە ديپلوماتيالىق سالالارداعى كوكەيكەستى ماسەلەلەرىن ەشقانداي قىسىلماستان اشىق جاريا ەتتى.
ءوزىنىڭ جولداۋىندا قازاقستان پرەزيدەنتى الدا تۇرعان مىندەتتەردى بەلگىلەپ بەردى. وندا وڭىرلىك ەكونوميكالىق ينتەگراتسياعا, جەرگىلىكتى دەموكراتيانى كۇشەيتۋ مەن يادرولىق قارۋ-جاراقتى تاراتپاۋ سالاسىندا كۇن ءتارتىبىن قۇرۋعا ىقپال ەتۋ ماسەلەلەرىنە باسا نازار اۋدارىلعان.
اسىرەسە, ۇلتتىق ەكونوميكانى شيكىزات ەكسپورتىنان تاۋەلسىز تۇرعىدا ءارتاراپتاندىرۋ ماقساتىنداعى ەكونوميكالىق كۇن ءتارتىبى وتە جاقسى ويلاستىرىلعان. ءويتكەنى, بۇل جايت قازاقستاندى نانوتەحنولوگيالار مەن بيوتەحنولوگيالار سياقتى جەتەكشى سەكتورلاردا جەتەكشى ورىندارعا شىعارا الادى. جانە دە شەتەل كاپيتالى مەن تەحنولوگيالارىن تارتا وتىرىپ, شەتەلدىك ارىپتەستەرىمەن ىنتىماقتاستىقتى جانداندىرۋىنا جول اشادى.
ريچارد ۆايتس,
حادسون ينستيتۋتى جانىنداعى اسكەري-ساياسي
تالداۋ ورتالىعىنىڭ ديرەكتورى (اقش).
باسقا ەلدەر ءۇشىن جاقسى جولباسشى
بارىنەن ماڭىزدىسى, «قازاقستان-2050» ستراتەگياسى دەر كەزىندە جاريالانىپ وتىر ءجانە قازاقستاندى قازىرگىدەن دە قۋاتتى مەملەكەتكە اينالدىرۋدا باستى ءرول اتقاراتىن بولادى. ورنىقتى دامىتۋدى جالعاستىرۋ – اسا ماڭىزدى باعىت, ال ەتنوستىق, مادەني جانە ءدىني كوپقىرلىلىقتى دامىتۋعا ەرەكشە ءمان بەرىلۋى – ەلدەگى تۇراقتىلىققا وڭ ىقپال ەتەتىن جانە حالىقارالىق قوعامداستىققا ۇلگى رەتىندە ۇسىنۋعا بولاتىن شەشۋشى شارت.
ينفراقۇرىلىمداردى دامىتۋ مەن يندۋستريانى ءارتاراپتاندىرۋعا جوعارى نازار اۋدارۋدىڭ دا ماڭىزى زور. ءويتكەنى, بۇل بيلىكتىڭ بارلىق تارماقتارىنان ءۇيلەسىمدى جانە كەلىسىمدى ءىس-قيمىلدى تالاپ ەتەدى.
حالىقارالىق ەكسپو-2017 كورمەسى مەن ەقىۇ-نىڭ ءسامميتىن وتكىزۋ الەمدىك قوعامداستىقتىڭ قازاقستاننىڭ الەمدىك دامۋ مەن جاھاندىق قاۋىپسىزدىككە ايتارلىقتاي ۇلەس قوسۋعا مۇمكىندىگى مول ەكەنىن تانىعانىن كورسەتەدى.
ازىق-ت ۇلىك قاۋىپسىزدىگى, سۋ تاپشىلىعى مەن ەنەرگەتيكالىق قاۋىپسىزدىك سەكىلدى «جاھاندىق سىن-قاتەرلەردى» بىرىزدەندىرۋ جانە اتالعان پروبلەمالاردى شەشۋدىڭ ءتۇرلى جولدارىن ۇسىنۋ ومىرلىك ماڭىزى زور ماسەلە ءارى باسقا ەلدەر ءۇشىن جاقسى جولباسشى رەتىندە قىزمەت كورسەتە الادى.
كيم مۋن-سۋ,
مەملەكەتتىك جانە ساياسي قايراتكەر
(كورەيا رەسپۋبليكاسى).
نازارباەۆ باستاماسىن تولىقتاي قولدايمىن
مەن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ بۇكىلالەمدىك داعدارىسقا قارسى كۇرەس بويىنشا G-Global باستاماسىن تولىقتاي قولدايمىن. G20 جانە G8 شەشىمدەر قابىلداۋ مەن ساراپتامالار جۇرگىزۋدە السىزدىك تانىتتى. ولاردا ءتيىمدى ۇسىنىستار دايىنداۋ مەن مىندەتتەردى شەشۋ جولدارىن ىزدەستىرۋدە تەتىكتەردىڭ جەتكىلىكسىزدىگى كوزگە ۇرىپ تۇردى.
مەملەكەتتەردىڭ 90%-ى وسى فورۋمداردا داۋىس بەرۋ قۇقىنا يە. ناتيجەسىندە ءتۇرلى شەشىمدەردەن اۋىتقۋشىلىقتار بايقالىپ, ەكىجاقتى جانجالدار تۋىندايدى, مۇنداي پروبلەمالاردا جاھاندىق تەڭسىزدىك, باعىت الماستىرۋ ساياساتىندا جانە پروتەكتسيونيزمدە بىرجاقتى قادامدار پايدا بولادى.
قازاقستان – سەرپىندى دامۋشى مەملەكەت جانە ەۋرازيا كەڭىستىگىندەگى ينتەگراتسيالىق ۇدەرىستەردىڭ بەلسەندى قاتىسۋشىسى.
قازاقستان پرەزيدەنتى نۇرسۇلتان نازارباەۆ حالىقارالىق ۆاليۋتا جۇيەسىن رەفورمالاۋعا وڭ ىقپال ەتۋدە. جاڭا رىنوكتار وكىلى بولىپ تابىلاتىن ەل ءۇشىن بۇل – اتالعان ۇدەرىستەرگە قوسىلۋدىڭ تاماشا ءتاسىلى. سوندا عانا ءسىز جاي عانا قاتىسۋشى ەل ەمەس, رەفورماتور ەلگە اينالاسىز.
روبەرت ماندەلل,
ەكونوميكا جونىندەگى نوبەل
سىيلىعىنىڭ لاۋرەاتى (كانادا).
تابىستىلىق – ارىپتەستىككە جول اشاتىن شارت
قازاقستان – بولاشاعى زور «جاڭا» الەمدىك دەرجاۆالار دەپ اتالاتىن توپقا بەرىك ەنگەن پوستكەڭەستىك مەملەكەتتەردىڭ اسا تابىستى مىسالدارىنىڭ ءبىرى. قازاقستان – بۇكىل الەمگە اشىق مەملەكەت. تەحنولوگيالىق دامۋعا, جاڭعىرتۋعا, يننوۆاتسيالارعا باسىمدىق بەرۋى اقش, رەسەي, قىتاي, ءۇندىستان, ارينە, ەۋروپا ەلدەرى مەن باسقا دا ءىرى مەملەكەتتەردىڭ ستراتەگيالارى جەلىسىمەن تولىقتاي سايكەسەدى. بۇل تۇرعىدان العاندا قازاقستان ينۆەستيتسيالار ءۇشىن ۇلكەن پەرسپەكتيۆالى مۇمكىندىكتەر ۇسىنا الادى.
قازاقستان ۇسىناتىن وسى پراگماتيكالىق ەكونوميكالىق ۇنقاتىسۋ قازىرگى كەزدە, ياعني باتىس داعدارىستى باسىنان وتكەرىپ وتىرعان شاقتا اسا ماڭىزدى. الەمگە اشىق قازاقستاننىڭ تاعى ءبىر ماڭىزدى ءساتى – ەلدى كوپتىلدى ەتۋ ماقساتى. بۇل جەردە قازاق ءتىلى ۇلتتىق ءتىل مىندەتىن اتقارسا, ورىس ءتىلى قازاقستاننىڭ رەسەيمەن تاريحي بايلانىسىن كورسەتەدى, ال اعىلشىن ءتىلى جاھاندىق قاتىناس ءتىلى رەتىندە ۇلكەن ماڭىزعا يە. وسىلايشا 140 ەتنوستىق توبى, 17 كونفەسسياسى بار قازاقستان بۇكىل الەممەن سۇحبات جۇرگىزۋگە قابىلەتتى.
ءوسىمنىڭ تاماشا كورسەتكىشتەرى قازاقستانعا ەۋروپانىڭ اسا جەتەكشى ستراتەگيالىق ارىپتەسى بولۋعا مۇمكىندىك بەرەدى. تاعى ءبىر ماڭىزدى ءسات – بۇل قازاقستاننىڭ, سونىڭ ىشىندە كەدەن وداعى مەن ەۋرازيالىق وداقتى دامىتا وتىرىپ ءرولىن كەڭەيتۋ جانە بسۇ-عا قوسىلعاننان كەيىن حالىقارالىق رىنوكتارعا شىعۋى.
تيبەريو گراتسياني,
گەوساياسات جوعارى مەكتەبى
ينستيتۋتىنىڭ پرەزيدەنتى (يتاليا).
