2025 جىلعا دەيىن ماگيسترالدى ارنالاردىڭ بارلىعى, ياعني 119 ارنا تسيفرلاندىرىلاتىن بولادى. قولدانىستاعى جۇيەنى تسيفرلاندىرۋ اقپارات بەرۋدىڭ ۇقساس نىسانىنان تسيفرلىق نىسانعا كوشۋدى قامتاماسىز ەتۋگە, سۋ تۇتىنۋ مەن سۋ تاراتۋ كولەمدەرىن جانە گيدروتەحنيكالىق قۇرىلىستاردىڭ جاي-كۇيىن اۆتوماتتاندىرىلعان ەسەپكە الۋدى ەنگىزۋگە مۇمكىندىك بەرەدى. «قازسۋشار» رمك باس ديرەكتورى ارمان قاسەنوۆتىڭ ايتۋىنشا, بۇل شارا ادام فاكتورىنىڭ اسەرىن بارىنشا ازايتادى.
«قازسۋشار» رمك بالانسىندا رەسپۋبليكالىق مەنشىكتەگى 4953 سۋ شارۋاشىلىعى جانە گيدرومەليوراتيۆتىك وبەكتىلەر بار. سۋ دەڭگەيى مەن شىعىنىن ولشەۋ ءۇشىن قولدانىلاتىن ادىستەرى مەن قۇرىلعىلار ولشەۋ قاتەلىكتەرىن جوققا شىعارمايدى, جەتكىلىكتى دالدىك پەن تيىمدىلىكتى قامتاماسىز ەتپەيدى, جانە قول ەڭبەگىن قاجەت ەتەدى. بۇل ۇزاق ۋاقىتتى الادى. تسيفرلاندىرۋ ادام فاكتورىن بولدىرمايدى جانە دەرەكتەردى وڭدەۋدىڭ جەدەلدىگىن قامتاماسىز ەتەدى», دەپ اتاپ ءوتتى كاسىپورىن باسشىسى.
وسىلايشا, گيدروتەحنيكالىق قۇرىلىستاردى تسيفرلاندىرۋدىڭ ارقاسىندا يكەمدى سۇزگىلەۋ جانە پايدالانۋ ەسەپتەرى بار سۋدى تۇتىنۋدىڭ تولىق ايقىن كورىنىسكە قول جەتكىزىلەتىن بولادى.
ستراتەگيا شەڭبەرىندە 2025 جىلعا قاراي كاسىپورىندا يننوۆاتسيالىق شەشىمدەردى 100% ەنگىزۋدى قامتاماسىز ەتۋ جوسپارلانىپ وتىر. سۋ شارۋاشىلىعىن قازىرگى زامانعى جابدىقتارمەن قامتاماسىز ەتۋ, سۋدى ۇنەمدەۋدىڭ جاڭا جوعارى تەحنولوگيالىق ادىستەرىن ەنگىزۋ كوزدەلەدى.
«مىسالى, 2023 جىلى پيلوتتىق وڭىرلەردە: تۇركىستان جانە الماتى وبلىستارىندا جەر استى سۋارۋ جۇيەلەرىن قۇرۋ ءۇشىن سۋدى ۇنەمدەۋدىڭ تەحنيكالىق-ەكونوميكالىق نەگىزدەمەسىن مۇمكىن بولادى. سونداي-اق سۋدى ۇنەمدەۋ جانە ونى قايتا پايدالانۋ مۇمكىندىگى بويىنشا اۋىل شارۋاشىلىعىنىڭ قاجەتتىلىكتەرى ءۇشىن قايتا وڭدەۋگە بولاتىن قالالاردان شىققان سارقىندى سۋلاردى پايدالانۋ مۇمكىندىگى قاراستىرىلادى. قالپىنا كەلتىرىلگەن سۋدى سۋارۋ ءۇشىن پايدالانۋعا بولادى», دەپ تولىقتىردى ارمان قاسەنوۆ.
ارمان قاسەنوۆ ەلىمىزدىڭ سۋ رەسۋرستارىن ءتيىمدى پايدالانۋدىڭ نەگىزگى مىندەتتەرىنىڭ ءبىرى ولاردى ۇتىمدى پايدالانۋ بولىپ تابىلاتىنىن, مۇندا تاسىمالداۋ كەزىندە سۋ شىعىنىن ازايتۋ ينديكاتورى نەگىزگى كورسەتكىش رەتىندە قابىلدانعانىن اتاپ ءوتتى. ول ءۇشىن اۋىستىرۋدى قاجەت ەتەتىن سۋ قۇبىرى جەلىلەرى ۇزىندىعىنىڭ بولجامدى كورسەتكىشتەرىن ەسەپتەۋ جانە تاسىمالداۋ كەزىندە سۋ شىعىنىنىڭ ەسەبى جۇرگىزىلدى.
«حالىقتىڭ جانە ەكونوميكا سالالارىنىڭ قاجەتتىلىكتەرى ءۇشىن سۋ تارتۋدىڭ جالپى كولەمى 25 تەكشە كيلومەتردى قۇرايدى. ونىڭ ىشىندە اۋىل شارۋاشىلىعىنا - 65%, ونەركاسىپكە – 30%, كوممۋنالدىق شارۋاشىلىققا-1% كەلەدى. فەرمەرلەردى سۋدىڭ جەتكىلىكتى دەڭگەيىمەن قامتاماسىز ەتۋ ءۇشىن سۋ ۇنەمدەۋ تەحنولوگيالارىن ەنگىزۋ قاجەت. ءبىز وسى باعىتتا جۇمىس ىستەپ جاتىرمىز», دەدى قازسۋشار باسشىسى.
ارمان قاسەنوۆ سۋدى سۋارۋ ءۇشىن پايدالانۋ ءتاريفى قايتا قارالاتىنىن ەرەكشە اتاپ ءوتتى. «قازىر تاريفتەر تومەن, سوندىقتان فەرمەرلەر سۋدى ۇتىمدى پايدالانبايدى», دەپ ءسوزىن جالعاستىردى.
ستراتەگيا شەڭبەرىندە «قازسۋشار» رمك-نىڭ زاڭدى نىسانىن «QazaqSu» اكتسيونەرلىك قوعامى ەتىپ وزگەرتۋ كوزدەلىپ وتىر. كاسىپورىن باسشىسىنىڭ ايتۋىنشا, بۇل شارا ۇيىمنىڭ ينۆەستيتسيالىق تارتىمدىلىعىن ارتتىرادى.
«العا قويىلعان مىندەتتەردى ىسكە اسىرۋ اۋقىمدى قارجىلاندىرۋدى تالاپ ەتەدى. بىرقاتار زاڭنامالىق شەكتەۋلەرگە بايلانىستى ءبىزدىڭ جۇيەمىزدى دامىتۋعا ينۆەستورلار تارتۋعا مۇمكىندىگىمىز بولمادى. رمك-نى اق-عا قايتا قۇرۋ ينۆەستورلارمەن ءوزارا ءىس-قيمىلدى جولعا قويۋعا مۇمكىندىك بەرەدى, بۇل ءبىز بەلگىلەگەن باعىتتاردى ءتيىمدى ىسكە اسىرۋعا ىقپال ەتەدى», - دەپ اتاپ ءوتتى ول.
ارمان قاسەنوۆتىڭ پىكىرىنشە, سۋ شارۋاشىلىعى قۇرىلىستارىن جاڭارتۋ مەن قايتا قۇرۋدىڭ نەگىزگى قۇرالى جاڭا سۋ قويمالارىن سالۋ, سىرتقى ينۆەستيتسيالاردى تارتۋ جانە مەملەكەتتىك جەكە مەنشىك ارىپتەستىك جوبالارىن ۇيىمداستىرۋ بولىپ تابىلادى. سونىمەن قاتار, بۇگىنگى كۇنى سۋارمالى جانە اۋىز سۋمەن جابدىقتاۋ قىزمەتتەرىنە تۇتىنۋشىلار سۇرانىسى جوعارى ەكەنى بايقالادى. كاسىپورىن تابيعي مونوپوليالار سۋبەكتىسى بولا وتىرىپ, ءوز قىزمەتتەرىنە تاريفتەردى دەربەس رەتتەي المايدى, بۇل دا دامۋدىڭ تەجەۋشى فاكتورى بولىپ تابىلادى
بۇگىنگى تاڭدا قايتا قۇرۋ ماسەلەسىن قر ۇكىمەتى قولدادى.
ستراتەگيا شەڭبەرىندە قابىلدانعان كەشەندى شارالاردىڭ ناتيجەسىندە قازسۋشار اعىمداعى ساتتە وپەراتسيالىق شىعىنداردى 2,7 ملرد. تەڭگەگە قىسقارتتى. بۇدان باسقا, اكىمشىلىك شىعىستار 20% - عا وڭتايلاندىرىلدى, بۇل تەك ورتالىق اپپاراتتا قاراجاتتى 130 ملن.تەڭگەگە ۇنەمدەۋگە قول جەتكىزۋگە مۇمكىندىك بەردى.
وسىلايشا, باسقارۋشى پەرسونالدى ۇستاۋ مەن ەڭبەكاقىنى تولەۋگە شىعىندار 90 ملن.تەڭگەگە, كەڭسە جالعا الۋ - 20 ملن. تەڭگەگە, كولىكتى ۇستاۋعا, قىزمەت كورسەتۋگە جانە جوندەۋگە, سونداي-اق اقپاراتتىق قىزمەتتەر-15 ملن. تەڭگەگە, ءىسساپار شىعىستارى-5 ملن. تەڭگەگە قىسقارتىلدى.
سونىمەن قاتار, قۇجات اينالىمى 100% Documentolog ەلەكتروندى فورماتىنا اۋىستىرىلدى. كاسىپورىننىڭ بارلىق اۆتو جانە ارنايى تەحنيكاسىندا كۇردەلى سالىمدارسىز GPS-مونيتورينگ جۇيەسى ورناتىلعان.
