وڭتۇستىك سۋداندا ەلدىڭ بۇرىنعى ۆيتسە-پرەزيدەنتى ريەك ماشاردى جاقتاۋشىلار بور قالاسىن باسىپ الدى. بۇل تۋرالى يتار-تاسس حابارلادى.
جەرگىلىكتى باق وكىلدەرىنىڭ اقپارى بويىنشا, مەملەكەت استاناسىنان 200 شاقىرىم قاشىقتىقتا ورنالاسقان بور قالاسىندا قارۋلانعان ەرەۋىلشىلەر مەن ۇكىمەت اسكەرى اراسىندا قاقتىعىس ورىن العان.
ريەك ماشار شىلدە ايىندا مەملەكەت باسشىسى سالۆاتورە كيردىڭ بۇيرىعىمەن وتستاۆكاعا جىبەرىلگەن بولاتىن. وڭتۇستىك سۋدان بيلىگىنىڭ مالىمەتى بويىنشا, بۇرىنعى ۆيتسە-پرەزيدەنتتى جاقتاۋشىلار 16 جەلتوقسان كۇنى دجۋبا قالاسىندا مەملەكەتتىك توڭكەرىس ۇيىمداستىرماق بولعان.
سارسەنبى كۇنى مەملەكەت باسشىسى سالۆاتورە كير ريەك ماشارمەن كەلىسسوز جۇرگىزۋگە دايىن ەكەنىن ءمالىم ەتتى. ال ەكس-ۆيتسە-پرەزيدەنت جاقىندا ورىن العان وقيعانىڭ مەملەكەتتىك توڭكەرىس ۇيىمداستىرۋعا باعىتتالعان ارەكەت ەمەستىگىن العا تارتتى. «بۇل توڭكەرىس ەمەس. دجۋبادا بولعان وقيعا اسكەري بولىمشەلەردىڭ اراسىنداعى تۇسىنىسپەۋشىلىكتەن تۋىنداعان. سالۆاتورە كير مەملەكەتتىك توڭكەرىس ۇيىمداستىرىلماق بولدى دەگەن جالا جابۋ ارقىلى مەنەن قۇتىلعىسى كەلەدى», – دەدى ول.
ايدار ورىسباەۆ.
دەرەككوز: Itar-tass.com
فوتو: Itar-tass.com
