سەبەبى مۇعالىمنىڭ كوز الدىندا ءبىلىم الىپ وتىرعان بالا كەنەتتەن ەكراننىڭ ارعى جاعىنان عانا سالەمدەسىپ, تىڭدايتىن كۇيگە ءتۇستى. ءبىز وقىتۋدىڭ جاڭا فورماتىنا كوشۋگە ءماجبۇر بولدىق. مىنە, مۇنداي جاعداي ءبىلىمنىڭ ساپاسىنا ءسوزسىز اسەر ەتەدى. وسىنداي قيىن-قىستاۋ كەزەڭدە قايىسپاي قىزمەت ەتىپ جۇرگەن ارىپتەستەرىم – پەداگوگ قاۋىمعا العىسىمىز شەكسىز. ولارعا, ەڭ باستىسى, مەملەكەت ەرەكشە كوڭىل ءبولىپ كەلەدى. مۇعالىمدەردىڭ ەڭبەگى – ەلەۋلى, ولار ءدال قازىرگىدەي سىن ساعاتتا ەلىمىزدى داعدارىستان الىپ شىعۋ جولىندا جان اياماي جۇمىس ىستەپ ءجۇر.
مەملەكەت باسشىسى قاسىم-جومارت توقاەۆ تاۋەلسىزدىك كۇنى قارساڭىندا وتكەن مەملەكەتتىك ناگرادالار تاپسىرۋ راسىمىندە پەداگوگتەردىڭ ەڭبەگىن قاۋىپتى ىندەتپەن قاسقايا كۇرەسىپ جۇرگەن دارىگەر قاۋىممەن قاتار ايتۋى وسىعان دالەل بولا الادى. «دارىگەرلەر مەن مۇعالىمدەردىڭ كۇندەلىكتى ومىرىمىزدەگى ماڭىزدى ءرولىن ايقىن سەزىندىك», دەگەن پرەزيدەنت پەداگوگتەر ەڭبەكاقىسىنىڭ 25 پايىزعا وسكەنىن اتاپ ءوتتى. جالپى, مەملەكەت باسشىسى وسىعان دەيىن مۇعالىمدەردىڭ جالاقىسىن
4 جىلدا 2 ەسە ارتتىرۋعا ۋادە بەردى, مىنەكي سول سوزىندە تۇرىپ كەلەدى. جالپى العاندا, ءبىلىم سالاسى باسقا سالالارعا قاراعاندا قاراجات ءبولىنىسى جاعىنان الدىڭعى قاتاردا كەلە جاتىر.
ەگەمەن ەلدىڭ ەرتەڭى, پرەزيدەنت ايرىقشا اتاپ وتكەن ادام كاپيتالى – ءبىلىمدى ۇرپاق. ال ۇرپاق ءبىلىمدى بولۋ ءۇشىن ولاردى تاربيەلەيتىن, وقىتاتىن مۇعالىمدەرگە كوڭىل ءبولۋىمىز كەرەك. نەگىزىنەن ءبىزدىڭ بولاشاعىمىز جاستار عوي, سول سەبەپتى جاس پەداگوگتەردى وسى سالادا ۇستاپ قالعىمىز كەلسە, ولاردى قولداۋعا كوڭىل ءبولۋ قاجەت. ويتكەنى مۇعالىمدەردىڭ جالاقىسى كوبەيدى دەگەنمەن, سول سالاداعى جاس مامانداردىڭ قولىنا الاتىنى كوڭىل كونشىتپەيدى. ەندىگى جەردە وسى باعىتتى باستى نازارعا العانىمىز ابزال.
اياگۇل ميرازوۆا,
ماتەماتيكا ءپانىنىڭ مۇعالىمى,
قازاقستاننىڭ ەڭبەك ەرى
