ءىس-شارانىڭ باستى ماقساتى – تاعدىردىڭ سىنىنا مويىماعان قايسار جانداردىڭ ەڭبەكتەرىنە قولداۋ كورسەتۋ, دارا قاسيەتتەرىن اشۋعا مۇمكىندىك بەرۋ, كولونەردى كوپشىلىككە ناسيحاتتاۋ, ۇلتتىق قۇندىلىقتاردى جاڭعىرتۋ.
كورمەگە 5 مەكەمە – شىمكەنت قالاسى ءبىلىم باسقارماسىنىڭ كورۋ قابىلەتى بۇزىلعان بالالارعا ارنالعان ء«ۇمىت» مەكتەپ-ينتەرناتى», «ساۋرىق مۇگەدەكتەر قوعامى» جشس, تۇركىستان وبلىسى «№5 ارناۋلى الەۋمەتتىك قىزمەتتەر كورسەتۋ ورتالىعى», شاپاعات ارناۋلى الەۋمەتتىك قىزمەت كورسەتۋ ورتالىعى, «سيان» مۇگەدەكتەر قوعامدىق بىرلەستىگى قاتىسۋدا.
سونىمەن قاتار, جەكە قولونەرشىلەر – ەلميرا وماربەكوۆا, سالتانات ەسبوسىنوۆا, ءايشابيبى جۇماباي, جارىلقاسىن ايناقۇلوۆ جانە يكرامجان مۇحامەدجان دا ءوز بۇيىمدارىن كورمەگە قويدى.
كورمەنىڭ اشىلۋ سالتاناتىنا «شىمكەنت قالاسىنىڭ ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى ج.بىلىسبەكوۆ, شىمكەنت قالالىق ايەلدەر كەڭەسىنىڭ ءتورايىمى ب.جاندوسوۆا, «شىمكەنت قالالىق مۇگەدەكتەر قوعامى» قوعامدىق بىرلەستىگىنىڭ توراعاسى ۆ.توروپوۆ ارنايى قاتىستى.
كورمەگە ۇسىنىلعان قولونەر بۇيىمدارىنىڭ بارلىعى ساتىلىمدا. كەلۋشىلەر شەبەرلەرگە قولداۋ كورسەتە وتىرىپ, ۇناعان زاتتارىن ساتىپ الۋعا مۇمكىندىگى بار. كورمە 25 جەلتوقسانعا دەيىن جالعاسادى.
كورمە ورتالىعى كوپشىلىكتى ءىس-شارانى تاماشالاۋعا شاقىرادى.
