سونىڭ ءبىرى – «Central Beton Company» جشس. مۇندا تاۋلىگىنە 3 مىڭ تەكشە مەتر بەتون وندىرىلەدى. سونداي-اق كومپانيانىڭ تەمىرجول تۇيىعىندا ءبىر مەزەتتە 3 مىڭ توننا تسەمەنت ساقتاي الاتىن قويماسى بار.
ء«وندىرىس قارقىنىنا ىندەت كەسەلى دە, ادەتتە قۇرىلىس جۇمىستارى سايابىرسيتىن قىس ماۋسىمى دا ەش كەرى اسەر ەتكەن جوق. مۇندا ءۇزىلىسسىز كۇندىزگى جانە تۇنگى اۋىسىمدا 150-دەن استام ادام جۇمىس ىستەيدى. بيىل جاڭادان ەكى قوندىرعى ساتىپ الىپ, قايتا ءوندىرىستىڭ قۋاتىن 80 پايىزعا ارتتىردىق. سونىڭ ارقىسىندا جاڭادان تۇراقتى 30 جۇمىس ورنىن اشتىق», دەيدى كومپانيا ديرەكتورىنىڭ ورىنباسارى الەكساندر پاحوموۆ.
كاسىپورىننىڭ ونىمدەرى نۇر-سۇلتان قالاسىندا جانە اقمولا وبلىسىنىڭ اۋماعىندا تارالادى.
«باراكات ينۆەست» جشس تسەمەنت پەن گيپس نەگىزىندە قۇرعاق قوسپالار شىعارادى. زاۋىت ديرەكتورى ەرجان بايمۇقاشتىڭ ايتۋىنشا, بۇگىندە تسەمەنت نەگىزىندە جاسالاتىن قۇرعاق قوسپا شىعاراتىن 1-جەلى جۇمىس ىستەپ تۇر.
«ۇكىمەتتىڭ وندىرىستىك ساياساتتى بىلىكتى جۇرگىزۋىنىڭ ارقاسىندا سەرىكتەستىك جۇمىسى قىستادا توقىراعان جوق. ويتكەنى قالادا قۇرىلىس جۇمىستارى, اسىرەسە ءۇي قۇرىلىسى قارقىندى جۇرگىزىلىپ جاتىر. ونىڭ ۇستىنە حالىقتىڭ باسپانا ساتىپ الۋى ءۇشىن ءتۇرلى جەڭىلدىكتەر قاراستىراتىن مەملەكەتتىك باعدارلامالار ىسكە قوسىلعان. مۇنىڭ ءبارى ءبىزدىڭ كاسىپورىننىڭ ونىمدەرىنە دەگەن سۇرانىستى ارتتىرا تۇسەدى», دەدى ەرجان بايمۇقاش.
«ModeX Astana» جشس-دا ءۇي قۇرىلىسىنا قاجەتتى بلوك قابىرعالار وندىرىلەدى. زاۋىتتا پاتەرلەر تولىقتاي جيناقتالادى, سوسىن قۇرىلىس باسىندا تۇتاس عيمارات قالپىندا قۇراستىرىلادى. سونىڭ ارقاسىندا قۇرىلىس جۇمىستارىنا جۇمسالاتىن ۋاقىت اجەپتاۋىر قىسقارتىلادى. جاڭا تەحنولوگيا كومفورت ساناتتاعى باسپانانىڭ نارىقتىق قۇنىن ايتارلىقتاي تومەندەتۋگە مۇمكىندىك بەرەدى.
ايتا كەتەرلىگى, بۇل قۇرىلىستىڭ ساپاسىنا ەش كەرى اسەر ەتپەيدى.
«بولاشاق 2019» جشس – كاسىپورىن نۇر-سۇلتان تۇرعىندارىن مەديتسينالىق ماسكالارمەن قامتاماسىز ەتىپ, قر بارلىق وڭىرلەرىنە ءونىم جەتكىزەدى.
سونداي-اق «Kerim Plastic Pipes» جشس-پوليەتيلەن جانە پوليپروپيلەن قۇبىرلارىن جانە پەنوپوليۋرەتاندى وقشاۋلاۋداعى مەتالل جىلۋ وقشاۋلاعىش قۇبىرلاردى ءوندىرۋ زاۋىتى اشىلدى.
